今日7:00先起身,起身都係紮頭髮換衫,等細路等左勁耐都未出得門口,
落到去老豆車,佢又叫番細路番上去,唔舒服唔好番學,唉唉唉..簡直係浪費我既時間!!
番到學校交電話執野同cy交野再去當值,你攝位咁叻,唔好去做攝青鬼?!持住多人鍚就亂黎!!
番課室睇書,上中文,對UT answer,平均幾好啦,兩份都叫高,始終都係衰聆聽同視訊=(
history,悶悶的說,冇咩心機上..
小息,係課室等夠鐘..
英文,開頭對quiz answer都係發夢,之後講書開始做筆記,不過俾cy同魚不停騷擾,
佢地個兩位小姐不停係度大聲講細聲笑,仲要對住我,唔知發生咩事呢呵?!
小息,問清楚原因,我係咪應該要笑?!佢地竟然問我今日係咪訓得好足,好似靚左咁-,-
byebye哂啦,同cy去搵kin還冷衫,成日都唔係度,點還呀?!事實上我想借耐d啦,因為真係好凍,
而且我開始傷風,凍到我嗌哂救命,但廢事再生事端令人誤會~
陪cy搵楊sir,結果佢地傾野得番我一個,撞到ck同dodo,一齊番課室排隊入hall..
坐最出,聽咩三國創作咁,真係好悶,完全唔知佢講咩,好似講緊d男仔既話題咁,
之後仲要俾敖sir捉頭髮,真係愈講愈嬲,每一次都咁過份,就只係捉我,偏心偏心,好不甘囉!!
完左佢仲要鬧哂成hall既人鬧多成15分鐘囉至少,真係餓死我啦,好多悶氣係個心度囉..
完左去買飯食,成餐飯冇講過野因為d人坐係我旁邊好唔舒服同埋岩岩敖sir既野好唔開心囉~
食完去toilet,番課室繼續傾下咁,睇蛋糕睇到流哂口水咁,好想食..
去還冷衫,還到啦,再去當值,完全唔知發生咩事,仲幫人做問卷-,-
番課室社論,上maths,都係做數同解釋,係我發夢定真係難明?!
放學,拎電話走人,行番屋企,番到去有人搬屋,等左我勁耐..
番到屋企睇左陣雜誌,之後做maths,做個3題做左我成個鐘呀,真係變態..
上youtube睇野,笑個不停,但不停流鼻水,好辛苦好辛苦,又俾呀媽迫食藥,我既死穴=(=(=(
夜晚食野食好小,都係持續咁發冷發熱又傷風又想嘔咁,我唔要病呀!!