仲有1日就10月喇,一向好多人鍾意去買嘢入貨嘅吉之島$10店將會成為過去,由10月開始所有貨品會加到$12(食品一早已經係),因此亦會改名為LIVING PLAZA,唔少人都趁住加價前去掃貨.我都買左少少嘢,仲集齊左玫瑰系列呢(灑花)

其中一日買左呢8件貨(另外有其他日子買嘅嘢,唔係相入面),主要係化妝/護膚品+日用品

日用品篇:

有好好用嘅頭髮速乾帽

之前有SIS介紹過,已經用緊一頂,真係好吸水,所以買多頂備用

身體按摩器

考慮左一排,最終都係買左.因為摸上去好似有D硬,不過用落都接受到.搽完修身GEL,之後再用佢嚟碌下

牙縫擦+超細頭牙刷

呢款牙刷D毛好尖細,拍得住"尖尖尖"牌,價位超值

吸毛器

貪得意買嘅,未試,唔知WORK唔WORK

豬型香皂托

專登買嚟裝IPSA,點知...唔啱用...(IPSA舊皂高得滯..)

化妝/護膚品篇:

大地色系眼影

Q10系列
本身係想買化妝水嘅,點知白痴地買左乳液,仲要返到屋企影呢張相先發現.

最後都係要再去買返一心想要嘅化妝水

玫瑰系列,完全滿足玫瑰控嘅慾望

BODY MIST係早前入手嘅,再買埋BODY MILK,最後發現SHOWER GEL, 即買, 集齊一SET喇~

鑽石玫瑰唇蜜凍




幾個月前已經見到佢嘅蹤影,但少用唇彩/唇膏,當時只係偷影個樣,當買左

不過真係太靚,忍唔住都係買左

一共有4色,買左最淺嘅51色-HAPPY PINK

個PACKING真係好靚

淨返最後一日,想掃貨就要快啦~

每個人都會面對唔同嘅嘅肌膚問題,年輕嘅一群可能係煩緊要點對付痘痘,去到廿幾歲就開始美白,年齡再大少少就係抗老化,抗皺等等.無論係咩年紀,保濕呢個環節就絕對係不可或缺嘅,一年四季做好保濕,皮膚靚d,問題都少d.

上星期出席完Clarins HydraQuench水潤活肌保濕系列嘅產品簡介會,(按: 打造理想水潤肌-簡介篇)了解左點樣打造理想水潤肌,係時候做好準備迎秋冬.

今次就靠水潤活肌保濕精華HydraQuench Intensive Serum Bi-Phase 同 水潤活肌保濕霜HydraQuench Cream嚟個雙劍合璧,實行要肌膚水水水



未用之前,先出動自家心心水份測試機,睇下皮膚咩狀況先

表面睇..有d乾..(有紋呀)

結果係..水份43.9%, 油份21.9%

先搽水潤活肌保濕精華HydraQuench Intensive Serum Bi-Phase

獨有水溶性+油溶性保濕配方,結合80%水份精華 & 20%油份,精華自然地分成兩層

搗勻後就可以用得嘞

成份包括:

1. 高分子透明質酸 : 保護肌膚表面,防止水份蒸發
2. 卡塔夫樹皮萃取精華 : 增加絲聚合蛋白,提升角質層保護屏障作用,幫手製造天然保濕因子(NMFs),促進保濕效能
3. 花生萃取精華 : 修復角質層中嘅水脂膜及細胞間脂質,強化肌膚對抗乾燥嘅能力
4. 鹿角菜萃取精華: 內有Floridoside 同牛璜酸,加強表皮層細胞保水&儲水能力
5. 低分子量透明質酸 : 滋養真皮層儲水量,達到4重滲透,等肌膚層層注滿水分,加強4層肌膚嘅保濕保護功能

泵裝設計

質地好輕好薄,非常水,"吱"係手背度即時流散,所以塗開後一眨眼就吸收晒,滑呵~

到塊面去飲水嘞

即刻水潤有光澤

水份58.9%, 油份29.4%, 分別上升左11% 同7.5%


接住搽埋水潤活肌保濕霜HydraQuench Cream - Melt, 任何肌膚適用

成份有:

1.抗污染複合物: 獨家天然植物配方,加強皮膚抵抗力,減少污染對皮膚水脂膜及保濕功能嘅影響
2.花楸花蕾萃取精華: 令充滿水分嘅肌膚顯得更紅潤健康,散發健康氣息

揻開COVER,好似乳液咁輕盈嘅CREAM即時湧出

質地幼滑又易推, 吸收得快

搽上面都不油不膩

水份63.9%, 油份31.5%

搽埋CREAM-MELT水份足足上升左 20%, 油份就升左9.6%

肌膚比較圖,水潤得嚟有光澤

今個秋冬有Clarins HydraQuench 保濕精華&保濕霜陪我過,肌膚仲唔KEEP住水水嫩嫩~ YEAH~

八月十五剛過,天氣依然熱,但係潮濕黏立嘅感覺開始減退,乾燥鬼祟地閃出,係時候為嚟緊嘅冬天作好準備,做好保濕功夫啦.

上星期就出席左Clarins HydraQuench水潤活肌保濕系列嘅產品簡介會,了解下點樣打造理想水潤肌.

嚟到位於九龍灣嘅Clarins training centre

經過放有唔同系列產品嘅走廊

嚟到training room

枱上放左唔同產品

前面陳列左唔同系列嘅產品

而後面就有最新嘅化妝產品..個3D FACE POWDER好靚呀

仲有美味嘅蛋糕招待

揀左紅莓cheese cake

另一邊預備左水份測試筆

每人派有一張水份記錄表

趁簡介會未正式開始之前,先嚟check下未用任何產品嘅皮膚水份..麻麻地..得39.5%

MC出場喇

先簡介下CLARINS嘅歷史同發展.

創立於1954年,創始人暨總裁Mr. Jacques Courtin-Clarins,係巴黎成立公司並開始"正視美麗",提供女性個人化產品,療程&建議.

產品乃科學與自然嘅結合,選用植物萃取成分,經過高科技提煉及分析,等消費者享用到最大嘅利益

全新嘅HydraQuench水潤活肌保濕系列

主角就係水潤活肌保濕精華HydraQuench Intensive Serum Bi-Phase 同 水潤活肌保濕霜HydraQuench Cream


獨有水溶性+油溶性保濕配方嘅水潤活肌保濕精華,結合80%水份精華 & 20%油份,加強4層肌膚嘅保濕保護功能

水潤活肌保濕霜分為三款質地,照顧不同皮膚性質需要.

兩款產品一齊用,皮膚水份可以增加106%咁多~

HydraQuench水潤活肌保濕系列創新嘅4重保濕科技,啟動肌膚活水機制

將缺水嘅肌膚狀態改變

仲即示邀請左SHARON出嚟做示範點用產品

開動啦,到我地都試下先

HydraQuench Intensive Serum Bi-Phase水潤活肌保濕精華

好薄好水

任何肌膚都啱用嘅HydraQuench Cream - Melt

搽完再2款產品,再check皮膚水份先..有50%喎..上升左10.5%

另外仲試左HydraQuench Cream - Gel(中性至混合性肌膚)

含紅石榴&阿爾卑斯柳草萃取精華,感覺保濕得嚟清爽

同埋HydraQuench Cream (中性至乾性肌膚)

加入北極雲莓萃取精華,又潤又滑噃

利用HydraQuench水潤活肌保濕系列產品mix其他產品一齊用,就可以成為唔同嘅treatment,非常方便.

即場就嚟個SUPER MASK

所需嘅產品包括HydraQuench Cream Mask + HydraQuench Intensive Serum Bi-Phase + Face Treatment Oil

先利用枱面嘅Intensive Eye Make Up Remover 同 Water Comfort One-Step Cleanser卸去防曬/化妝先

皮膚薄嘅肌膚好易就紅左

再將"材料"倒入一早準備定嘅玻璃碗

1.5蚊硬幣分量嘅cream mask

2.3-4泵HydraQuench Intensive Serum

3.5滴Face Treatment Oil

再攪勻

敷上面15mins左右

再用Toning Lotion抺走佢

皮膚嘅紅退晒,感覺好水潤

比較圖

可以自行根據實際需要去使用唔同產品

最後係有獎問答環節..未有機會抽中答問題,恭喜得獎嘅sis

(待續...產品分享comming shortly...)

潮流雜誌 Fashion & Beauty, 每月都會舉辦會員活動,等讀者可以有更多交流同嘗新嘅機會.上月就有幸參加同專業美髮品牌MATRIX合辨嘅深層滋養柔順再生服務.

是日放工後嚟到位於銅鑼灣禮頓中心18樓嘅MATRIX Salon

美 國第一專業美髮品牌MATRIX係1980年由mr.Arnie Miller為專業髪型師所創立,短短十年己成為美國第一專業美髮品牌,包括洗髪,造型,電髪,頭髮護理,2000年成為LOREAL旗下品牌,2011 年已有53個國家擁有超過280000髪廊客戶, 係香港仲設有培訓中心

型格嘅佈置

再行入去就見到旗下的王牌洗護系列Biolage產品

仲有職員好用心咁講解產品嘅資訊

王牌洗護系列Biolage係其中一個率先專為塑造自然美態而把天然植物精華與現代科技互相結合嘅專業系列, 當中嘅SMOOTHHTHERAPE系列,適合頭髮毛燥&難以控制嘅髮質.

產品獨有[精華油導入科技],配合珍貴嘅山茶花精油成份,係高達97%濕度下依然可以令髪絲有效保持柔順, 亦係今次深層滋養柔順再生TREATMENT嘅主角.

係等待做TREATMENT嘅時候,有CUPCAKE, 雜誌 同 飲品招待呵





TREATMENT嘅程序就係先洗頭, 之後再由髮中至髮尾搽上Ultra Control Deep Smoothing Masque

就係呢罐

之後夾起..等D精華可以滲透入髮芯..

15分鐘後再過水

髮型師用佢神乎奇技嘅手藝,一邊吹頭, 一邊用手不停捲捲捲, 就吹好左呢個好似SET頭咁靚嘅髮型出嚟..勁呀..

頭髮柔順左好多..

而且Ultra Control Deep Smoothing Masque嘅味道超香,做完呢個TREATMENT之後去GARTHERING,連朋友都問係咪轉左新香水?!

今次嘅深層滋養柔順再生體驗, 除左幫頭髮做SPA外,仲有禮物呵..

就係呢支Daily Leave-in Tonic 免沖洗護髪素, 可以令秀髮柔順有光澤, 呢緊嘅秋冬啱晒