| «‹ June 2026 ›» | | S | M | T | W | T | F | S | | 1 | 2 | 3 | 4 | 5 | 6 | | 7 | 8 | 9 | 10 | 11 | 12 | 13 | | 14 | 15 | 16 | 17 | 18 | 19 | 20 | | 21 | 22 | 23 | 24 | 25 | 26 | 27 | | 28 | 29 | 30 | |
|
2011 年 8 月 12 日 星期五  |
魅肌之體驗  |
分類: Skin Care |
去完MI.HA.DA日研美肌分享會後,(按:魅肌之約 )就帶住2款皇牌產品返去試用
分別係有RAFRA嘅香橙洗面乳Blam Orange 同 TUNEMAKERS嘅CoQ10 輔酶精華素
最理想嘅洗面方式,當然係可以卸妝及潔面一take過啦,因為洗面次數越多,面部流失嘅水份都自然會多左.
香橙洗面乳Blam Orange就可以一次過卸妝x保濕潔面x暖暖按摩,配合2/3以上嘅美容液成分,滋潤之餘仲可以加促血液循環.
盒上有清晰嘅用量指示,大約係1蚊銀嘅大少
內附小匙,好細心呵
打開已經聞到好香嘅橙味
膏狀嘅質感,有少少油油地,但好滑喎,好易推開.
而用嚟卸妝+潔面,就一定要乾手乾面咁用,同卸妝油用法相似,不過就唔使乳化
本身搽左BB CREAM同畫左眉
輕易就乾淨卸除左. 
乾淨得嚟一D都唔乾,感覺水潤,
水份%上升左
仲有好清鮮嘅香橙味,好似切開左個橙咁,聞完個人都RELAX左
跟住就用返TUNEMAKERS嘅CoQ10 輔酶精華素.
TUNEMAKERS本身就係濃縮嘅精華液嚟,可以直接搽,或者加落去粉底/面霜/爽膚水度用,根據自己需要去MIX&MATCH
CoQ10 輔酶精華素,保護細胞不受自由基的傷害,美白,防皺,保濕,明亮肌膚,收細毛孔.再配合卵磷脂納米粒子,深入肌膚底層,改善膚質
質感同水差不多,無色無味,吸收得好快
將佢加落爽膚水,保濕度大大提昇
想了解/試下更多唔同嘅日本品牌,就可以去呢度:
MI.HA.DA 日研美肌專売店
九龍尖沙咀栢麗大道 G21 Tel: 2735 6886
屯門時代廣場北翼三樓 id:c Tel: 3480 2077
http://www.mihada.com/
|
| 魅肌之約 |
分類: 未分類 |
護膚品對於大多數女性嚟講,已經成為左日常生活嘅必需品.香港更係各國護膚品牌嘅集中地,歐,美,日,韓,台等等都有,任君選擇
其中日本牌子係好多用家嘅心水,因為品質有保證之餘,亦適合香港嘅天氣使用,所以不時都有新品牌登場.
上星期就出席左位於尖沙咀柏麗大道嘅MI.HA.DA日研美肌専売店主辦嘅「MI.HA.DA日研美肌分享會」.
呢個品牌,大家對佢認識嘛? MI.HA.DA日語解作「魅肌」,率先獨家引進多個日本人氣護膚品牌(暫時有15個呢),等大眾有更多嘅選擇,而且店入面仲附有日式美容,修甲,化妝等一站式服務
活動係二樓進行,係和式嘅榻榻米.好地道嘅日本feel
埸地一早就預備左幾大人氣品牌同皇牌產品俾出席者試用
如:TUNEMAKERS, Ampleur,RAFRA,Miu Cosmetics,NEO3等等
另外仲有日式茶點招待呵
活動由MI.HA.DA嘅買手做MC,介紹 MI.HA.DA嘅理念同發展,嚟緊會有更多嘅牌子引入呢,得益嘅當然係消費者啦.
原來美容室,修甲,化妝等服務都係二樓.不過是夜就變左身(Transformer??!!)
之後就邊介紹人氣品牌邊試下
1.TUNEMAKERS （http://www.tunemakers.net/）
一共有36款嘅原液,其實即係濃縮嘅精華液嚟,可以直接搽,或者加落去粉底,面霜度用.
試嘅係EFG,可以深入皮膚底層,促進皮膚細胞增殖.分化.加速新陳代謝.提高新細胞在皮膚中所占比例,使皮膚變得年輕.促使各種受損皮膚修復和再生.
質感同水無分別,好快吸收左嘍.
2.Ampleur（http://www.ampleur.jp/）
尊貴嘅醫學美容品牌,由皮膚科醫生所創立.產品內含獨家專利活躍成份New Stabilize Hydroquinone,比一般嘅Hydroquinone高效100倍.係黑色素嘅殺手
試用左Luxury WhiteConcentrate重點煥白亮膚精華,集中修護微小部分,去除色斑.所以搽係斑斑位置就得嘞,唔使成面搽.
質地好特別,一開始感覺好似油油地咁,但搽勻後就覺得好似絲咁滑
3.RAFRA（http://www.rafra.co.jp/）
特別針對混合性敏感肌,獨特嘅天然橘橙配方,抗氧化一流
皇牌Balm Orange,用嚟卸妝及潔面,橙香撲鼻
4.Miu Cosmetics （http://www.miu-cosmetics.com/）
創辦人藪野美生係著名嘅韻律泳選手
全系列二氧化碳護膚品,有助血液帶走廢物,促進血液循環及新陳代謝.
注氧潔面泡
好綿密幼滑呀
皇牌 Revamp Mask 注氧修護面膜
由美容液,面膜紙及發泡劑組成,擠壓中間位置,美容液就會流去包裝嘅另一邊激活發泡劑及浸透面膜紙,做到炭酸美容嘅效果
注氧眼部精華液
初時仲以為係眼鏡盒...有效促進肌膚彈性,緊緻眼部肌膚,並集中修護容易乾燥及疲倦部位. 傑身gel狀質地,感覺滋潤.
其間可以四周圍試下唔同嘅產品,就試左TUNEMAKERS嘅透明質酸
最後係抽獎環節,恭喜得獎嘅sis..
仲有FACE BOOK優惠SET架~
早係舊年嘅年尾已經入手佢嘅產品.(按: 用$1換$150?! 真係有架)快D去入貨嘍~
MORE SHARING IS COMMING............................. |
| 2011 年 8 月 8 日 星期一 |
| 學海無崖@睫毛黏貼術 |
分類: make up |
眼睛唔夠明亮,豆豉眼望落無喱神氣,想雙眼望落大d,以前嘅方法就只有粗眼線+狂搽睫毛液+smokey eye眼妝,放大片嘅出現有多個選擇.不過,如果無近視,唔通為左靚要去專登帶0度嘅放大片?!近年嘅假睫毛風出手打救啦
由日本,台灣吹到嚟香港,除左自己帶多d,練多d會更容易上手外,其實要了解實用性嘅知識都好重要.是日就嚟到銅鑼灣嘅ENID台灣美妝專門店,參加美睫工作坊,對假睫毛嘅知識同配戴手法有更多嘅了解
枱上面一早準備好唔同嘅假睫毛同工具
ENID貴為各大假睫毛嘅台灣代理,對唔嘅假睫毛都相當熟悉了解.靚靚買手就先為我地介紹唔同嘅假睫毛款式
真係唔講唔知,原來假睫毛除左成日聽到嘅交叉款外,另外仲有直線款,尖尾款,當然亦有2 or 3個款式混合嘅假睫毛
我地平時叫梗嘅位置,專有名稱為"母線".其餘部份就稱為"子線"
製造假睫毛嘅物料一般會係人造纖維,真髮,動物毛髮
市面上大部分嘅假睫都係人造纖維,最新到港嘅All-Belle囍事假睫毛就得到女人我最大KEVIN老師同小凱老師嘅大推
4181款同4185款最hit~
因為佢嘅母線係已經獲得專利,軟得嚟無咁易爛,又合亞洲人眼型. 一般嘅假睫可以用3-5次,而囍事就可以用到5-10次
真髮睫毛
100%手工天然毛髮製造,經多之高溫消毒
動物毛髮睫毛
由矜貴嘅水貂鼠毛製成,可以用上20次,所以價錢會比較貴
工具方面就有扁口夾,直剪,同膠水
選擇膠水嘅tips就係,避免買氣味濃烈嘅,因為越大陣味代表化學物越多,容易引起敏感
另外一樣就係假睫毛卸妝液
低過敏配方,輕易卸走假睫毛同上面嘅膠水,呵護眼睛之餘,假睫毛壽命都長d
係未貼假睫毛之前,首先要量度適合自己眼型長度嘅位置
跟住利用扁口夾夾住子線,再係母線位置去修剪假睫毛,跟返自己眼形剪裁合適嘅長度
剪好後再放上眼度下啱唔啱
之後先搽膠水,怕頭尾翹起可以點多少少膠水
用手將假睫毛屈曲成一定嘅弧度
由上而下45度角係眼尾先貼上,盡可能貼近真睫毛根部嘅位置,用扁口夾夾實真假睫毛,再由眼尾到眼頭逐小撮hold實,令假睫毛黏得實d,又收得埋d,同真睫毛更貼近,咁就完成喇.過程唔使1分鐘.真係厲害
即刻實習,用上ENID台灣美妝專門店一早幫我地準備好嘅工具及假睫毛
一共有2款囍事嘅假睫,自然&濃密任選
我揀左自然款,記得係用扁口夾夾住子線呀~
花左大約5分鐘左右,戴好啦,眼仔大左好多(內雙眼皮嘅我特別啱戴假睫毛)
期間發生假睫毛離奇消失事件,就係其中一邊嘅假睫毛不翼而飛,唔知去左邊.所以我戴嘅假睫唔係一對架..唔講..睇得出差別嗎?!
返到屋企,卸下假睫毛清潔完後,就可以將佢地收納係冬甩形嘅NAF甜甜圈假睫毛收藏盒度
ENID台灣美妝專門店定期會推出睫毛黏貼基礎班,有興趣嘅可以報名,學多D令妝容盡善盡美呵
Enid website: www.enid.com.hk
Facebook: http://www.facebook.com/enidhk |
| 2011 年 8 月 7 日 星期日 |
| 卸走難纏眼妝,話都無咁易 |
分類: Skin Care |
AVANCE,一個唔算熟悉嘅名字,之前聽過嘅只有Lash Serum EX 增長濃密睫毛精華,人氣BLOGGER/藝人大推,係WORK嘅好物,就係咁多.
多得雅施化妝品中心嘅引入,更多嘅AVANCE產品,又有平靚好物可以入手喇~
原來AVANCE係日本著名化粧品牌HOLLYWOOD COSMETICS旗下嘅品牌,日本AVANCE株式會社出品,眼部化粧及護膚品大受日/台女生歡迎
(http://www.avance-cosme.co.jp/news/index.html)
今次有機會試用眼部專用超完美卸妝液,睇下平時最難搞嘅眼妝,到底會點被K.O呢?
直寄屋企嘅眼部專用超完美卸妝液,包得好穩妥
仲有溫馨提示+產品資訊
採用温和無刺激的油水兩層分離配方,輕易卸除睫毛膏呀,眼線呀呢D最難搞嘅眼妝,又唔傷皮膚
用前先搖均
油水混合埋一齊
瓶外貼有封條
諗住打開就用得喇..點知擰開...
仲有另外嘅COVER喎..真係好安全衛生
倒落化妝棉度..都係藍色嘅水水..
輕按眼部,停留大約30秒.
原本嘅眼妝..
80%抺左落化妝棉度..勁..
剩低嘅係要慢慢抺嘅內眼線
平時要抺幾次先落到8成嘅眼妝,依家一次K.O..我用嘅重要係防水睫毛液嚟..
最重要嘅係眼部皮膚一D都唔乾..
難怪日/台女生會追捧啦... |
| 2011 年 8 月 3 日 星期三 |
| Special K - 早餐?甜品?由你話事 |
分類: 未分類 |
一日之計在於晨,朝早起身返工返學,早餐真係好重要,為身體提供能量,但基於時間關係,好多人都會揀d方便易食嘅,eg:面包,蛋糕,三文治或者係快餐式 早餐.不過當中大部分都唔算健康,隱形嘅糖份/鹽分/反式脂肪絕對會嚇人一驚. 咁唔食早餐,就唔怕喇,又可以減肥,實際上會有反效果.選擇健康嘅早餐先係皇道~
市面上有林林總總標榜健康嘅穀物類早餐,有d都含高糖分,特別係即沖類嘅,所以都要小心d揀.家樂氏 Special K香脆粟米片,會係其中一款健康嘅選擇,仲可以拉近同貼身牛仔褲嘅距離
脂肪含量少於2%,零反式脂肪,每分食用量(45g)只含8.3g嘅糖,不經油炸
另含11種維他命&礦物質,高膳食纖維,日日食,便便都暢通D
包裝上有唔同嘅建議食法,唔會千篇一律咁悶
開出嚟睇下..同一般嘅粟米片唔同樣喎..
相對地比較大塊嘅.
同大多數人一樣,我都會揀甜食/凍食. 好多人都會加牛奶.個人嫌脫脂奶太稀,高鈣低脂糖分含量高,所以會有另類配搭
就係無糖豆漿,健康得嚟,仲可以為減磅下嘅MIMI補一補..嘿嘿..
食落比一般嘅粟米片脆身D,無咁易變稔
另一食法就係大路嘅脆片乳酪,可以當早餐,或者下午茶/消夜,係為食嘅時候解饞
最好當然係揀返低脂嘅乳酪啦
一層乳酪,一層脆片,易整又方便,鍾意嘅可以另外加入生果(我懶,簡簡單單就OK嘞.)
食得嘍~低卡路里得嚟又好味,口腹之餘滿足左,又唔會肥,係另類嘅低脂甜品選擇
早前便利店有輕巧裝(45g)特賣,一口氣買左10盒
6盒放公司
4盒放屋企
今個夏日,BIKINI SHOW OFF無有怕嘍 ~ |
« | 37 | 38 | 39 | 40 | 41 | 42 | 43 | 44 | 45 | 46 | ... | 54 | »
|
