上個月轉左新工之後,真係忙到有氣無"定"抖,瘋狂嘅OT過後,返到屋企再做自己嘢,結果瞓覺嘅時間都越推越遲.

係呢種情況下,皮膚質素必定極速降grade.好在Chocola BB Drink bit嘅出現,打救左我.

每晚臨瞓前飲一支,已經成為左習慣(因為0卡路里之餘,當中嘅維他命B2仲可以幫助消脂,促進肌膚新陳代謝,臨瞓飲好似好d咁,身體多d時間去利用呢d維他命B2)

一個月眨下眼就過去,30支嘅Chocola BB Drink bit就咁被K.O了..

皮膚狀況...仲捱得住..

近睇都...還可以吧..

Chocola BB Drink bit絕對功不可沒..對我嚟講好work

不過,如果提供埋玻璃瓶回收,會更加好呵..(d樽就咁掉好唔環保,但香港暫時只得匡智會有玻璃瓶回收,搵日要擰過去先~)

好多人都怕抽血驗血,我都唔例外,特別係細個因為貧血嘅關係,拮手指更係經常性要面對嘅,唔多唔少都有d陰影.大個左,有時做body check要驗血,唯有頂硬上.(健康最緊要呀)

最近收到電話邀請,只要利用指尖嘅一滴血進行超高解像活血分析,就可以分析到血液中內含物質同自由基嘅破壞情況,反映自身健康狀態,為左對自己嘅狀況更了解,於是就答應左嘞

是日去到SKINIC位於銅鑼灣嘅CENTER進行超高解像活血分析

原來SKINIC係一間提供全效醫學美容嘅概念店,選用醫學高度認證嘅醫學美容科技,提倡Fibro理學依照不同嘅體質及獨特皮膚類型作出整體而徹底嘅質素提升

所以店內都有好多醫學美容嘅產品同資料

先坐低填寫個人資料

STAFF仲好細心咁送上暖水

之後SPECIALIST家欣就先同我講解一下到底過程係點嘅

SKINIC嘅理念當然唔少得啦

SKINIC提倡內外平衡理學,透過啟動肌底纖維母細胞及NCRC(Nutri-Cell Renewal Chain)營養細胞改造科技從而改善肌膚老化嘅痕跡及問題

NCRC營養細胞改造科技係以連鎖循環效應平衡人體機能營養鏈,令各身體細胞生生不息,減少種種潛在生理問題及會引致嘅肌膚問題

形之於外 …全因有之於內,我地嘅生活習慣對健康的確影響好大

SKINIC最新引入嘅細胞營養改造科技,只要四個步驟就可以搵出導致肌膚問題嘅元兇

就係了解Understanding ->分析Analysis ->補充Supplement ->復審Review

透過超高解像活血分析,會見到唔同形態嘅血液細胞,都有唔同嘅含意

講解完,就到我去做呢個超高解像活血分析嘞

真係只要一滴血,用光學顯微鏡將血液放大至16,000倍,身體問題無所遁形

我嘅分析結果係....

肝功能較差(夜瞓係最大原兇),有重金屬積聚(明顯係兩者互相影響),而且抗氧化能力麻麻(運動量唔夠又夜瞓),仲有霉菌添呀(我唔多食零食,但就要飽肚,名副其實嘅飯桶).

另外仲check到我有貧血嘅情況呀(見到蛋白質唔夠,EDMOND以為我係素食者)

之後問左一連串生活作息同飲食習慣後,就根據我嘅情況建議所需要營養補充劑.包括抗氧化,強化肝功能同去除霉菌嘅產品,當然買唔買就自行決定啦,因為體驗係唔包括補充劑嘅,但就有75折. 本身只係想買其中一樣,但因為係療程嚟,唔可以分開買,咁再考慮下先.

原來除左超高解像活血分析之外,SKINIC仲額外送出一次激光療程. 家欣就利用儀器去分析返我嘅皮膚狀況,建議合適嘅TREATMENT俾我

可惜因為之前船河曬到塊面甩皮,呢個收毛孔療程要押後嘍

今次嘅分析對自己嘅健康狀況了解加深左,睇嚟係時候要改下D生活同飲食習慣喇

一到夏天,天氣就變得又悶又熱,面上嘅護膚品都急急要換季.顧得塊面,個身又點算好?

一直以嚟身體嘅皮膚都比較乾,所以選用嘅身體潤膚露都係偏潤嘅,一到左夏天就用唔到, 因為會好"立" , 但就一路都未搵到一款保水得嚟又唔立嘅身體潤膚露,結果夏天好多時都無搽嘢(真係接受唔到癡立立囉),最後d皮膚就更乾(冷氣真係令人又愛又恨),唉,惡性循環...

最近就試用左強生美肌海洋活氧保濕露,以上情況終於改變喇~

強生美肌系列係專為亞洲女性而設,真係估唔到咁細心,係夏天推出保濕露(唔再係潤膚露),係唔可以去游水嘅日子,都可以投入海洋嘅懷抱

成份主要係

深海電解礦物質:淨化肌膚,去除污垢,汗液,殘留油脂

水潤精華:補充肌膚水份

天然海藻精華: 幫助肌膚細胞吸收活氧

泵裝設計,轉2下就用得


睇下乾到甩皮嘅手(唉..夏天嚟架..)

有機會用下之前買嘅皮膚測試機

泵幾下海洋活氧保濕露

質地係Water-gel水凝狀呵

散發淡淡嘅清新香味,好fresh + 醒神

一推開就變左水狀,極速吸收

乾紋同甩皮無晒,而且皮膚摸落去充滿水份得嚟完全無任何黏笠感

水份由35.3%上升到57.6%呀!!勁! (題外話:個皮膚測試機嘅表情似乎...唔make sense..>~<)


身體潤膚,係時候換季喇~

茶樓入面嘅對話: "各位飲咩茶呢?" "一壺普洱, 一壺水仙呀唔該".
水仙,除左係過年嗰時屋企會擺嘅年花外,最多機會接觸到嘅應該都係茶樓.
其實,水仙除左觀賞同飲用之後,仲有更多嘅用途,就係成為家中嘅花露神仙水.

被譽為花之神仙水 - Melvita水仙美白精露,就將水仙長駐係家中,一年四季都合用

Melvita係法國有名嘅環保有機護膚品牌, 創辦於 1983年, 已經有25年歷史.全部產品都係以天然及有機的原材料去生產,經法國ECOCET有機認證機構認可, 絕對係環保嘅先鋒.
 

成份:

水仙花球根精華: 減慢黑色素形成及積聚,防止色斑形成,美白均勻膚色

檸檬精華+木瓜柑橘及橄欖複合物: 維他命C、E及酵素,排毒潔淨,加強肌膚光澤感,淡化雀斑及黑斑

琉璃醣碳基酸+有機甘油:細緻保濕,滋潤肌膚,提升肌膚骨膠原及彈力蛋白

擰開外蓋

美白精露係透明無色嘅

散發住淡淡嘅花草香味

原本無咩生氣嘅素肌

毛孔收歛左,乾紋都淡化左

除左可以用作爽膚水外,仲可以沾濕化妝棉敷係斑斑位置,一物二用呢~

今日係端午節,食稯應節好平常,本來就無咩特別,不過之前收到忽然一週寄嚟嘅信,究竟係咩嚟?

原來係鴻福堂嘅換稯劵呀~

分別有一葷一素

葷-鮑汁花膠瑤柱豚肉有機稯

素-紫米百合蓮子梘水有機稯

今年除左阿媽親手包嘅稯外,仲可以試新嘢, 好味~