發光二極體 Light-Emitting Diode，簡稱LED,本身係一種半導體元件.

LED由照明嘅工具,到電視機,估唔到依家連美容產品都應用到LED,科技嘅發展真係一日千理.

今次就有幸抽中,可以體驗Mega LED 光療活化再生肌膚療程,究竟呢D半導體元件點令到皮膚更加靚呢?

是日嚟到位於銅鑼灣羅素街2-4號2000廣場9樓嘅VEGAS Beautylaboratory,一出電梯,黑底金字嘅店名相當耀目.

去到接待處登記,格調依然一致(都幾GRAND喎)

職員帶我去到休息間先補充返個人資料,仲送上花茶.

四周都有代言人同各明星嘅照片

跟住嚟到更衣室,裝修幾有格調喎,有埋洗手盤,唔一定要去另一邊嘅洗手間,方便好多

仲準備左好多美髮用品,做完Treatment都可以整理好先走

更衣室嘅另一邊..洗頭設施都有埋?!

都係快d換衫先

去到Treatment Room

要用嘅產品/工具一早準備好

未 開始美容師就同我講解今次做Treatment,係用Mega Beauty LED配備兩種LED光療，包括紅外線及橙色波；前者能照射至皮膚最底層，配合美容成分，活化細胞；後者則在淺皮層發揮效用，促進新陳代謝，有效地將暗瘡 印淡化。能夠幫助美麗肌膚自我更新，改善各種皮膚問題。

適用：疲倦暗啞、缺乏彈性、浮腫及有皺紋肌膚。

開始喇, 先以卸妝水抺走防曬同底妝, 再用洗面奶潔面

然後用其中一款叫Majesta Moist Double Cleansing幫我做PEELING,好溫和,唔似一般嘅磨沙

之後以Mega Beauty LED配以Balancing Lotion做導出(Mega Beauty LED 嘅 1C )

跟住就幫我做steam, 仲好細心咁先搽潤唇gel同遮眼.係seam緊嘅同時, 以按摩油幫我按摩肩頸部位,巧思服呵...

大約10分鐘後steam完成, 就到針清嘞..黑頭重災區-鼻位...平時我好怕針清,因為之前試過勁痛, 不過今次嘅美容師手藝不錯, 唔多痛啫.

針清過後, 美容師就同我係鼻度敷返消炎去紅嘅化妝水

同一時間就幫我修眉, 因為我本身好注重呢part, 平時自己都修得幾密下, 但有時顧得清理d雜毛, 就忽略左整體嘅眉型, 美容師就剪走向下dup嘅部分,令眉型更加整齊.

修完眉就到按面, 用嘅係Majesta Excellent Cream, 入面含各種精華, 透過按摩15分鐘, 令養份滲透落皮膚.

按摩完就係倒模時間, 連嘴都用潤唇gel敷埋架. MASK 有降紅,保濕舒緩嘅功效

起模後先用Majesta Essence Cream Lotion做保濕導入(Mega Beauty LED 嘅 2C ), 再用精華做美白導入(Mega Beauty LED嘅3C)

最後搽返眼霜/面霜就完成晒.

白左,毛孔又細左

換完衫後, 坐低俾返意見之餘, 仲介紹返Mega Beauty LED 同頭先做FACIAL嘅全套真身,原來全部都係日本第四大化妝品牌Naris Cosmetics嚟呀

靠嘅係LED加呢2個碌碌



有興趣可以打去了解:

VEGAS Beautylaboratory

香港銅鑼灣羅素街2-4號2000廣場9樓全層

電話：25643689

近排d雜誌都隨書附送厚禮,往往掀起搶購潮,搞到價錢(報攤嗰D)抬高晒

之前好想要嘅MIFFY遮,空手而回..

今日《U Magazine》就隨書附上限量版b.wing超巨型TOTE BAG,本來都無諗過會買到,心諗實又大把人爭住買啦

點知去返工途中,經過屋企附近嘅小型報攤,見到有喎(得2本),咁就買左喇

專登用個盒裝住...其實...有D無謂..

因為個TOTE BAG都係摺細左擺埋入去咋嘛..

真係好大個...不過如果質地厚D會更好

前文提要:醫生教路: 抗衰老&皮膚急救術

係Grand Beauty Medical Cosmetic Centre嘅開幕典禮中學左唔少對身體/皮膚嘅知識,仲得到醫學護膚品牌 iS CLINICAL嘅產品SAMPLE返去試用

禮物包入面有晒產品療程指引,唔怕會出錯,仲有分開日/夜唔同嘅程序

第一步當然係潔膚, 先用

1.深層複合潔膚液(日/夜嘅step1)

不含陰離子界面活性劑,成份主要係:
柳樹皮精華0.5% ,甘蔗精華 0.4%(提供甘醇酸),甘菊精華0.2%,積雪草精華,松香油(含維他命A),維他命E,維他命C

功效:配方含有各種主要嘅去角質果酸成份,能打開毛孔同時滲透進行徹底嘅潔淨程序,達致抗氧化修護

質地係傑身嘅液體狀

用法有2種:

每日護理 - 先用清水沾濕面部,以小量複合潔膚液塗於面上並輕輕按摩,再過水

OR

專業護理 - 搽上面輕輕按摩數分鐘,能有效地潔淨並修護受損肌膚

唔會起到好多泡泡,不過洗完皮膚乾淨得嚟唔會掹緊

洗完面就到眼部護理嘞

2.維他命C眼部修護啫喱(日/夜嘅step2)

細細支都係泵裝設計

主要成份: 透明質酸40%,L-抗壞血酸(獨創穩定純維他命C)7.5% ,硫酸鋅2% ,可溶性類生物黃鹼素 ,銅三胜肽生長因子(專利)

功效:使眼部嬌嫩肌膚回復平滑,減淡皺紋和細紋,提高骨膠原蛋白增生,提供抗氧化保護

質地比水傑身少少,呈黃色,唔立得嚟好快吸收左,感覺似精華多過啫喱

3.眼部修護複合精華乳霜(日/夜嘅step3)

主要成份: 蘆薈啫喱10% ,越橘精華3% ,甘蔗精華1.2%, 銀杏葉,硫辛酸,維他命E,維他命A,葷類精華(提供麴酸)

功效:減淡黑眼圈及收緊眼部肌膚,減淡眼部嘅皺紋同細紋,改善眼部浮腫問題,抗氧化修護

乳霜質地,潤得嚟絕對唔油


4.清爽補濕精華素(日間嘅step4,晚間嘅step5)

主要成份: 透明質酸25%,維他命B5 5.5%,葷類精華(提供麴酸),積雪草精華

功效: 為肌膚注入水份,平滑肌膚,減淡皺紋及細紋,舒緩並修護肌膚,改善膚色,擊退暗瘡

其實早前已經有用過呢款精華,詳文: 又一清爽補濕精華素~
:

不過奇怪嘅係,之前用嗰支係綠色嘅,但今次嘅sample係藍色..用落又無大分別(點解個色會唔同嘅呢?!)


5.緊緻美肌複合精華乳霜(晚間嘅step4)

主要成份:透明質酸1%,積雪草精華1%,綠茶精華1%,柳樹皮精華(提供水楊酸),松香油(含維他命A),維他命B5

功效:配方中嘅柳樹皮精華可以拉緊並去除皮膚表面上嘅多餘油脂,達致緊緻肌膚嘅效果,同時加強肌膚吸收其他修護養份;維他命B5活化肌膚細胞內嘅細胞核,提升肌膚細胞更新質素;積雪草精華促進肌膚骨膠原蛋白組成,減淡皺紋及細紋

用好cute嘅盒裝住,打開睇下

質地算係傑身少少,但都容易推開,搽完真係有效收歛肌膚油脂

6.防護保濕複合精華乳霜(日間嘅step5)

主要成份:荷荷巴油1%,可溶性骨膠原蛋白1%,松香油(含維他命A)1%,維他命E1%,綠茶精華1%,積雪草精華1%

功效:使肌膚免受游離基所帶來嘅損害,於肌膚表層鎖緊活性配方,其達致最高嘅防護功效

質地好滑,剛搽上面會有少少"笠",吸收晒之後就無事

呢set日夜都照顧到嘅試用,還不錯呵~

除左靠護膚品今自己keep住青春外,生活習慣都要配合,先可以做到內外抗衰老,越活越年輕~

好多現代人都工作繁忙,壓力大,應酬時又煙又酒,身體機能加速衰老,咁點先可以做到外表望落比實際年輕或者相若?抗衰老成為左一大課題.

早前有幸出席Grand Beauty Medical Cosmetic Centre嘅開幕典禮,當日仲有醫生親自教路,剖析如何抗衰老&皮膚急救術.

地點係位於中環嘅滙晉專科,佢係一所專科醫療中心.

嚟到門口就已經有職員接待登記


望入去見到有唔少人到左喇噃..

仲有茶點飲品招待大家

難得嚟到,當然要參觀下啦,櫥窗show左唔同醫科嘅相關資料/產品,仲有獎座呢

另外就係不同專科嘅醫生資料

原來佢地都採用醫學護膚品牌 - iS CLINICAL嘅產品呵

先嚟剖析下抗衰老(預防)醫學

主講者係李智生醫生,佢係美國抗衰老醫學會會員,仲考獲多個抗衰老相關嘅資格

要抗衰老就要先了解衰老點解會出現,先至可以對症下藥

原來主要係因為荷爾蒙隨年齡增長而遞減,就會出現以下症狀

衍生出唔同嘅問題

男性都會有,症狀同問題有d出入

要評估就需要抽血化驗,作詳細分析

除左荷爾蒙減少令人體加快衰老外,生長激素不足亦係另一致命傷

服用相關產品會有一定成效&幫助

當中亦有提及高糖份食物會加速衰老,難怪近年低gi飲食會被推崇

之後仲有抽獎,可惜唔中(一向好LUCKY嘅KANIX又抽中啦)

到第二部分,由司徒敬豪醫師講解-如何急救新娘皮膚，變得更白、更美、更幼嫩

面對肌膚嘅煩惱,不外乎都係嗰幾樣

但如果聽日就係婚期,咁點算先,呢D就真係要搵醫生去幫手

如果有10-20日嘅時間,就比較好辦

注射式透明質酸實物都係第一次見

重有係BOTOX

時間越長,更加多嘅改善方案可以選擇

要長期保持係最佳狀態,優質同合適嘅護膚品當然唔少得.

大開眼界之後又嚟抽獎,今次嘅獎品係免費試做面部激光袪斑療程一次(KANIX再下一城, 勁呀)

另外亦有護膚產品抽獎

3輪嘅抽獎中,有3位都分別中左2次呢,旺到無人有.

雖然抽唔中,不過都唔係空手而回嘅

(待續...)

Grand Beauty Medical Cosmetic Centre
查詢熱線: 6899 7521
地址: 中環皇后大道中0號卡佛大廈6樓全層(港鐵中環站D2出口)

最最最討厭嘅皮膚問題,對於我嚟講莫過於痘痘.困擾在於永遠都係出現係個鼻度,相當有礙觀瞻.

第一把關嘅就係洗面,但有d潔膚品含鹼及皂嘅成份,導致毛孔堵塞,引發痘痘,粉刺,黑頭,所以真係要嚴選潔膚品產品

近日試左Sebamed Clear Face系列嘅Active Cleansing Foam淨膚潔面泡,真係溫和到你唔信．

施巴Sebamed嘅產品一向以pH5.5弱酸作配方,無皂無鹼,性質溫和,增強皮膚微酸性保護膜功能,改善膚質,配合敏感皮膚

呢款Active Cleansing Foam淨膚潔面泡屬於粉刺護理系列

含專利清痘成分Montaline C-40, 有抗菌、抗刺激功效. 添加Panthenol，更生皮膚細胞，令肌膚回復平滑;無油,無乳化劑,無皂無鹼,唔俾機會痘痘粉刺新生循環.

係泵裝設計,方便易用

一泵嘅分量,泡泡豐富幼細

兩泵嘅分量已經夠全面用

輕輕按摩後再過水洗淨

嘩..難以置信咁滑喎..用xx波機洗完都無咁滑..

估唔到無皂無鹼都可以做到咁好feel,乾淨得嚟又滑又保濕

面油無晒之餘,毛孔仲乾淨細緻左呢(鼻亦位好明確呵~)