係討論區有時會見到類似嘅話題: 如果流落荒島,只可以帶一樣化妝品, 會揀咩?

有人會揀睫毛液, 有人會揀胭脂, 有人會揀唇膏, 相信唇彩嘅出現, 令唔少人轉呔.大家又會揀邊樣呢?

早年嘅出唇彩顏色比唇膏亮麗,無咁實色,好有光澤感,但可能會有黏立嘅感覺,而且保濕度低d, 一定要搽潤唇膏打底

近年技術嘅改進,好多唇彩已經改良晒,亦越嚟越多品牌加入市場(對消費者嚟講絕對係好事).

之前有見過朋友搽左唇彩之後,個咀變得晶瑩剔透,好似玻璃嘴咁,但係用嘅唇彩價位係200以上,唔算親民.

Barbie嘅出現(無錯,真係我地細個玩嗰個), 成就左親民價玻璃嘴~(好似Barbie個嘴咁靚).

靠嘅就係呢支Barbie Creamy Lip Gloss (只售HK$108咋)

含豐富嘅維他命E 同 透明質酸,能夠保持唇部皮膚水份充足,保濕滋潤

一共有6色可以選擇(係春天色調喔),今次用嘅係103C玫瑰紅色

外盒除左底部貼有顏色貼紙,另外盒側都印有顏色名稱,包無咁易攪錯

柔軟嘅棉棒掃頭

搽係手試下色先...顏色比預期淺D, 自然D

未試之前單睇唇彩身,以為會幾紅色架,擔心緊我個嘴carry唔到...因為...

我唇厚,搽得紅就會好嚇人

既然佢話有保濕滋潤嘅功效,我就唔搽潤唇膏,直接搽上Creamy Lip Gloss

真係幾潤喎,乾紋即時無晒,比某d牌子嘅潤唇膏仲要潤,滋潤感都維持到1個鐘以上.
質地唔厚,一d黏立感都無,而且含有少量銀粉,令雙唇bling bling 閃量~
最重要係,佢唔會因為搽左之後不停講嘢而令嘴唇出現白色邊!!

鍾意用唇彩嘅真係要試下..

對於洗面產品, 每個人都有唔同嘅選擇,而我最喜愛嘅係起泡泡嗰種, 因為感覺會洗得乾淨D,對於T字位油嘅人嚟講泡泡洗面應該會清爽得多(當然要揀返D有保濕功能嘅會好d啦,唔使塊面乾"掹掹".

Shiseido 嘅開架品牌Perfect Whip洗面系列, 相信唔少人都有用過 或者 聽聞過佢嘅泡泡有幾豐厚綿密, 同埋清潔力有幾強,不過可惜嘅係之前只可以間唔中係卓X/水貨鋪度有得賣, 通常買晒無貨又要等好耐先會有. 所以去台灣 OR 日本,都會入下貨(嗚...D好嘢有時係香港未必買到)..年前去台灣都買過 1 SET...

望穿秋水, Perfect Whip洗面系列終於正式登錄香港喇..仲有新品專科保濕液同時登場.

為左解開泡泡豐盈嘅秘密, Shiseido就係上星期六舉行左一個「洗顏專科」白繭泡沫大揭祕嘅活動, 地點係銅鑼灣嘅Bornfire Cafe.

早左少少去到, 工作人員仍在briefing中..好認真呵...等左陣間就可以入去嘞

地方細細地,不過都有足夠嘅空間將產品長示出嚟..枱面上都放晒全系列嘅產品係度

坐低一陣就有熱飲花茶奉上

出席嘅blogger都差不多到齊嘞

活動開始啦

由Shiseido嘅PR出場,介紹今日嘅洗顏專科

究竟洗顏專科係D咩嚟呢? 原來講緊2個好簡單嘅步驟,就係洗顏同保濕

首先出場嘅當然係超豐盈洗顏泡沫

坊間嘅洗面形式有好多, 有d人用洗米水(上一代or幾代??!!), 近年韓國就興起反地心吸力洗面法. 但係日本, 大行其道嘅相信依然係泡泡洗面

超豐盈洗顏泡沫特別加入白繭(保濕)成份, 可以令泡沫更加豐盈, 細緻綿密. 另外有美容液成份配合,洗完面都唔會乾

工作人員將預先準備好, 由超豐盈洗顏泡沫起出嚟嘅泡泡俾我地feel下..

真係好厚好滑...好似人地整蛋糕, 用蛋白打成泡泡咁..過完水feel下...唔乾噃..

之後仲抽中左玩一個係30秒內鬥快起得多泡泡嘅遊戲, 最後勝出左

其實要起泡起得多, 係有技巧架...(係以前去Shiseido嘅work shop學返嚟嘅, 即係要多謝Shiseido)

一 隻手要盡量兜d, 吱d洗面膏係手心(大約2cm長), 先加少少水,  另一隻手就用手指去搓(打圈形式), 如果都係無咩泡, 再加少少水, 再搓, 再加少少水, 直到泡泡起碼有乒乓波咁上下大細...重點係要用手指去搓, 而唔係手掌, 因為咁先有空間俾d泡泡發起身

跟住就係深層潔淨卸妝油

含有超微細潔淨油份 同 保濕胺基酸水份粒子, 另加黑頭追蹤配方, 係卸妝嘅同時將黑頭油脂帶走


特別之處係唔需要乾手乾面用, 咁就可以沖涼嗰時落妝, 更加方便使用

即場係手背試用嘅感覺係觸感無平時一般嘅卸妝油咁"立"&油淋淋
乳化後抺走, 摸下隻手, 忍唔住"嘩"左出嚟, 摸落好滑呀~


而溫和清爽卸妝啫喱呢

含清爽超微細油份 + 保濕胺基酸水份粒子

可以用清水洗淨 或者 用紙巾抺去 都得

仲有係高效柔潤卸妝棉

保濕胺基酸成份, 內層蘊含豐富嘅卸妝液

三層設計, 質地實淨柔軟. 潔力相當好, 抺完又唔會留有棉絮(特別謝嗚: Kanix嘅手做示範)

洗完面之後, 通常都會搽返爽膚水再搽乳液/面霜

保濕專科 - 乳潤化妝水就係簡單1 take 過嘅選擇

分別有清爽型 同 滋潤型 可以選擇, 迎合唔同嘅天氣/肌膚

蘊含雙重透明質酸,活化肌膚嘅蜂皇乳,甘油同滲透保濕成份,配合嶄新面霜微細化技術, 一支就可以提供爽膚水+乳液嘅功效

質地係稀身D嘅乳液狀嚟..倒落化妝棉度再抺上面

滋潤型:(特別謝嗚: 十仔嘅手做示範)


清爽型:(特別謝嗚: Ah Bee嘅手做示範)

更多INFO:http://www.hada-senka.com/product/product_01.html

試過晒所有產品之後,仲有小食, 好味嘅布甸~

最後仲根據各人嘅膚質送上1 SET產品試用呵..

遊戲嘅獎品係古古力喎...

多謝Shiseido呢個咁有心思嘅活動,仲將咁好用嘅Perfect Whip洗面系列正式上架(3月起),以後就唔使成日搵先買到喇~

希望日後會有更多更好嘅產品引入啦.

多年嚟都想買一件又輕又薄又暖嘅羽絨, 因為本身好怕凍, 但又唔想著到成隻稯咁, 不過一直都未搵到(預算係HKD1000以下, 成2, 3千嗰D太貴喇)

上年Uniqlo出左輕量級嘅羽絨, 完全就係我杯茶, 本來打算等佢減價就去買(因為Uniqlo定期會有promotion), 點知好賣到斷晒市, 錯過左, 唯有下年(即係2011)開季再買啦

點知最近成日都係唔同嘅網站度見到日本購物網-Nissen嘅廣告, 我都被佢吸引左, 間唔中就會click入去睇下有d咩新品/特價品.

上月中佢開始進行冬季減價, 我嘅目標係羽絨,  結果就敗左依件便攜式羽絨~

原價係JPY2990架, 限時大割價JPY1990咋~ (另俾運費JPY900)

個款好似Uniqlo嗰件, 都係206G重

佢係用DHL寄嚟嘅...

由落單到件貨送達係7日內搞掂(我係星期六深夜落單, 到星期四Nissen寄出, 星期五已經收到), 效率算係咁啦, 最方便嘅係佢個網有中文, 唔驚買錯嘢/搞錯

今次係第一次網上買嘢(個人好out, 無自己開淘寶account, 都係join人地d團購), 收到件貨真係好開心, 即刻開嚟睇下先

再拆埋個膠袋,攤開件衫..幾好喎..

因為佢係便攜式嘅關係,有個袋仔跟,可以將件衫摺埋放落,攞出街都好輕便.

物料係90% Down, 10% Feature

仲係我最鍾意嘅紫色,正~

由中學時代開始, 我已經有用護墊嘅習慣,不過就無固定嘅品牌,多數都係睇下買嘅時候邊個牌子有優惠(始終係消耗品,日日用嘛, 所以價錢好影響選擇).當然一般都係買嗰幾個大牌子多,品質點都會有返D保證.

早前去左Kotex 清爽．舒適．瑜伽體驗活動, 即場試過產品之餘,仲攞左幾款唔同嘅產品返去試用.

包括左Kotex弱酸性透氣護墊、隱形特薄無香護墊及普通型透氣護墊各一份.

一般嘅護墊都係以棉 或者混合物料製成, 但不一定每個牌子都會寫得好清楚

 Kotex就表明透氣護墊系列係採用美國優質棉花製造，100% 純棉面層，觸感柔嫩，連敏感肌膚都能得到天然呵護，加上清爽透氣底層，排出濕氣，幫助帶走刺激肌膚的分泌物，時刻保持清爽.

(呢 個美國棉商標COTTON USA 係唔可以隨便使用,佢係高品質純棉嘅保證。授證廠商審核標準必須具備品牌形象良好,所用純棉的成份至少需含有百分之五十以上的美國棉，須由紡織廠提供使用 美國棉的證明文件,經棉協審核通過才成為授權廠商)(MORE INFO:http://www.cottonusa.org.tw/02-about-02.asp)

配合不同分泌量及經前經後所需，系列更備有普通型 (15 cm) 及特長型 (17.5cm) 兩款長度

今次試用嘅係加長款. 有17.5cm

 我自己都會係經期前後使用加長嘅護墊, 同我平時用開嘅C牌相比, Kotex闊身d, 同埋薄d. 大約只有 2mm厚

2個牌子放埋一齊已經睇得出size上嘅明顯分別

另外一款係弱酸性面層系列, 之前都有用過, 但就係普通款, 今次試用嘅都係加長款

呢個系列配以全港首創嘅弱酸性純棉面層,可以有效平衡分泌物的酸鹼值,就算日夜接觸, 都可以令敏感肌膚得到最佳保護.

長度同樣係17.5cm, 啱晒敏感肌女生

仲有就係隱形特薄系列

 試用嘅係無香型, 同時備有薰衣草香薰護墊可以揀選

 僅0.7mm, 應該係同類型中比較薄嘅, 長度係15MM
 

3款都試勻晒之後, 我就覺得KOTEX透氣護墊系列嘅觸感真係比其他牌子柔軟, 相信同100% 純棉面層有好大關係啦.

另外就係佢嘅size 比較闊身,更貼合體型, 可以話更有安全感.

就算係加長型都唔會太厚, ( C牌有少少似無翼嘅M巾呢 ) , 舒適得多.

 而隱形特薄就係瑜伽活動嗰陣已經見識到仿如無物嘅feel..最適合做運動/旅行又或者係想更free嘅日子, 用佢就啱晒..

溫馨提示: 每日係要最少更換4次, 咁就乾淨又舒服嘞

話說今年公司嘅Annual Dinner 破天荒嘅一改以往去左成7, 8 年嘅木球會慣例, 而去左酒店度搞, 雖然過左年先搞, 無得新年前抽獎開心下, 不過大家都大讚呢個德政.

但係committee由老闆秘書話事, 大家都有d擔心d獎品會唔會係實物(買d唔討好嘅嘢)而唔係獎金..(因為回想舊年我做committee嗰陣, d獎已經唔算大份, 仲要有d唔等使嘅獎品出現嘅)

後尾收到路邊社消息,全部都會係獎金嚟, 咁都放心d....

當晚入場嗰陣各人都抽左個號碼...我抽到嘅係 3 號, admin 嘅同事都話係好嘢嚟(我有懷疑,因為舊年d大獎係唔跟號碼大小嘅,專登整亂)

到抽獎環節, 原來真係之前抽到嘅號碼=得獎次序, 即係話我係3獎喇..

高高興興咁上台攞獎, 點知...

居然係一向不受歡迎嘅$500 CSL現金券 x 2 外加 $200


$500 CSL現金券之所以不受歡迎, 係因為佢嘅條款相當苛刻, 要用滿$1000先可以扣$500,而且只可以買正價電話/周邊產品.

唔可以用嚟上台交月費, 更加唔可以要嚟買APPLE嘅產品. 往年有同事抽到, 都係無用/等睇下有無嘢買, 最後過左期

最唔抵嘅係, 4獎都有$800 CASH, 2獎係 $1200 CASH, 偏偏呢份所謂價值$1200 嘅3獎係現金券 x 2 外加 $200.

呢D現金券根本就唔使錢攞返嚟,公司係長期客戶所以由CSL贊助嘅,咁嘅安排真係好唔掂.

問返個admin,仲話係committee一致決定嘅, 真係太過份喇 !!!

依家真係頭痛緊點用, 唔用又嘥, 買機又無需要, 同埋係CSL買正價電話都會比出面貴D, 用呢D COUPON就等於人出豉油我出雞, 完全唔抵用