早幾日假期去完活動,"順便"行下街啦,小小地又買左D嘢..

全新推出嘅玫瑰系列,個收銀姐姐話新鮮運到嘅, 有2款產品

我揀左呢款body mist, 個包裝都幾靚

越南做嘅, 唔怕有幅射啦

開左嚟用,啱啱噴會有少少"立",不過都可以接受,玫瑰味一d都唔俗(個人覺得好過kose嘅happy bath day, 太濃),可惜keep得唔耐,半個鐘左右已經無味lu..盛惠$10, 都抵玩啦

甲油卸除棉 特價$15有2盒

一盒有36張,貪佢無ACETONE,無咁傷甲,不過潔力差DD,有閃粉嘅甲油要花多D時間先卸到

KISS ME LIP CONCEALER

俾MELING燒到嘅

台灣有好多香港買唔到嘅化妝護膚品牌,特別係由化妝師研發嘅,好似小偉老師,小凱老師,牛爾老師等等,非常羨慕台灣嘅女仔可以隨時買到.

不過呢個宿命終於被打破喇.因為本港著名化妝師RICK CHIN以個人名義推出面部護理產品"Expertis".

"Expertise"全線系列由RICH CHIN同多位世界各地嘅皮膚科共同研制,採用天然草本及果物精華配合高科研製而成,不含化學原材,配方照顧到男女需要的同時，敏感性皮膚亦可安心使用.

為左對抗環境污染同皮膚嘅最大敵人-陽光中嘅紫外線,Expertise研制嘅Day Cream（淨白保濕日霜）由此誕生!

蘊含K8(8大熱帶雨林植物精萃),包括:

Lilly Pilly 番櫻桃 - 保濕
Lemon Aspen 山楊 - 淨白
Davidson Plum 大衛李子 - 抗皺
Quandong 沙桃 - 抗氧化
Desert Lime 沙漠萊姆 - 鎖水
Wattle Seed 金合歡子 - 滋潤
Kakadu Plum 卡卡都李 - 預防紫外線侵害
Roselle 洛神花 - 舒緩

另外再加入:

Hyaluronic Acid 透明質酸
Vitamin E Acetate 維他命E醋酸鹽
Grapeseed Oil 葡萄籽油
Matrixyl™3000胜肽複合抗皺精華
Kombuchka™ 紅茶菌
Oligogeline® 深海紅藻修護精華
天然有機水

功效: 防止水份&養分流失,提升緊緻肌膚,均勻膚色，更可作化妝底霜使用

包裝簡約,合乎環保嘅概念

內附詳細說明書

擰開外蓋,原來仲有塊厚厚嘅cover(平時其他牌子嗰d都好鬼薄架)




日霜嘅質地比較傑身,唔算易推,要多少少時間吸收.

不過好處係可以當做按摩霜用,幫助血液循環嘍~

原本輕微泛紅+毛孔明顯嘅皮膚

搽左淨白保濕日霜上面後,估唔到嘅事情發生左..

毛孔望落細緻左,泛紅位置膚色均勻返,皮膚摸落有粉嫩感

真係可以當化妝底霜用喎

以$350價位有75g嘅分量,仲可以一物幾用,難怪Rick Chin可以做到 :「我要證明，優質護膚品不一定要昂貴。」

彩豐行呢個名,相信對好多人嚟講都唔會陌生,因為佢嘅產品一向以平•靚•正見稱,加上100%香港製造,用得安心又放心,中學時代起已經開始用佢d嘢,特 別係出哂名嘅JOSERISTINE®沐浴露系列. 最近彩豐行又有新品啦 - JOSERISTINE®蘋果幹細胞活膚面霜.

好大嘅一罐,非常養眼嘅綠色

咁究竟蘋果幹細胞係咩嚟?好似未聽過喎(大鄉里..)

原來蘋果幹細胞係近年美容界嘅大熱,瑞士科學家係阿爾卑斯山發現有一種極珍貴嘅古老蘋果樹－Uttwiler Spatlauber,外表同普通樹無分別,但蘋果嘅單寧(有抗氧化作用)含量非常高,其樹皮或未被採摘嘅蘋果就算受到破壞,都可能自我復原；

摘左落嚟嘅蘋果,保鮮期較一般果子長.最後研究結果發現令蘋果保鮮期延長嘅主要原因在於佢蘊含一種能作迅速修復的幹細胞. 而呢種蘋果幹細胞有效保護人類嘅幹細胞,滋養&刺激細胞增生,保護肌膚免受來自紫外線侵害,所以被應用到美容產品之上.


主要成份：
蘋果幹細胞PhytoCellTec™; 可可巴油 ; 透明質酸 ;甘油

幫助解決肌膚5大問題:

1.天然抗氧化．延緩肌膚衰老

2.修復肌膚細胞，牽動其增生率達70%

3.重點狙擊頑固皺紋、幼紋

4.全效抗UV．杜絕黑色素，實現白滑亮肌

5.密集式保濕．滋潤

真係咁堅?! 一試就知龍與鳳

打開外蓋..

再攞走海棉

擰走埋使用說明,先見到佢..(包裝係精美+穩陣,但似乎太多啦,唔環保喲)

真身原來係咁嘅

使用說明教點用: 因為係真空設計(好好喎,非常乾淨衛生)

只需打開瓶蓋(仲有蓋)


用手指係白色頂部壓落去,就會擠出面霜


質地係乳霜狀,唔會太傑,易推得嚟又快吸收

搽上面都一樣

皮膚保濕得嚟又有光澤左

但嚟緊夏天用似乎滋潤左DD(我係混合中性肌,乾性肌/長期實內冷氣人應該無問題)

如果呢種Uttwiler Spatlaube蘋果係香港有得賣,可能大把人爭住買呢.不過依家食普通蘋果+用JOSERISTINE®蘋果幹細胞活膚面霜,應該都可以補返下

熱愛旅行嘅我,由中學時代起睇過當年偶像嘅旅遊特輯後,對一個地方一直都好嚮往,有生之年點都要去一次,呢個地方就係 ----西班牙.

巴塞隆拿嘅獨特建築風格(聖家堂呀~~~~),馬德里嘅廣場..(唔知有無人估到呢個偶像係邊個呢?!)

嘩,諗起都好想即刻飛過去.可惜暫時時間同金錢都未足夠起行,咁用下嚟自西班牙嘅護膚品,舒緩一下我嘅情意結啦.

透過FACE BOOK認識到ABIDIS呢個對我嚟講係全新嘅牌子,仲有幸抽到佢嘅產品可以試用.

未用之前,先了解一下到底ABIDIS係一個咩品牌嚟呢?

1984年“Laboratories Ximart”公司在西班牙成立，擁有先進科技及完善的生產線，以生產香水和古龍水聞名,直至1961年ABIDIS護膚品誕生.

ABIDIS是生物化學家Jose・Ramon•帕茲加西亞博士專研的產品,採用最上乘天然草本精華製煉,改善皮膚健康,以科學為據嘅優質產品，能令各種不同類型的肌膚得改善.

去到COUNTER攞試用SET, BA都好有耐心咁教我點用D產品,仲即場以手試用左洗面,爽膚,眼霜,精華同面霜呢幾款產品,有左初步嘅感受

攞到嘅ABIDIS【7天活氧細胞之旅】免費試用裝

試用產品：洗面、爽膚、活氧細胞修護液、面霜、維C眼精華.當中有再細分唔同膚質適用嘅產品

分別有:

-油性/混合性肌適用嘅


1.ABICAL-清爽潔面乳

成分：黃龍膽、金盞菊、甘菊、迷迭香、純香薰油

內含常春藤,迷迭香及檸檬精華,能抑制細菌生長;金盞花,鼠尾草提取物具平衡膚色功效,可以平衡油脂分泌,收斂毛孔及淨化肌膚,有效消炎抗敏

質地係傑身milk狀, 氣味有D似BB香皂味

洗完皮膚乾淨左得嚟唔會乾

2.LOCION EQUILIBRANTE-草本瑩肌水

成分：常春藤、迷迭香、檸檬精華、金盞花及鼠尾草、牛蒡

內含常春藤、迷迭香及檸檬精華，能抑制細菌生長；金盞花、鼠尾草提取物具平衡油脂分泌,收斂毛孔及淨化肌膚嘅功效

適合任何皮膚,特別係混合性或油性皮膚

呈綠色,聞落有草嘅味道

用左皮膚有fresh嘅感覺

-中性/乾性/敏感皮膚適用嘅


1.ABIVOC-營肌潔面乳

成分：草本精華、小麥胚油、酪梨油、甘菊、迷迭香、鼠尾草、醋酸酯、右旋維他命E、山金車粹取物

含酪梨油、甘菊、迷迭香、鼠尾草精華，可以徹底清理面上雜質皮脂，保護皮膚嘅水脂層，防止水份流失山金車精華能舒緩敏感皮膚,保持皮膚光澤

質地係同樣都係傑身milk狀,香味比清爽潔面乳濃少少

用完又幾滑幾喎..

2.HERBADIS-花療瑩肌水

成分：絲柏樹、迷迭香、接骨木花、山金車、甘草及金盞菊精華、長春藤

不含酒精，能促進血液循環，平衡酸鹼度；含山金車、甘草及金盞菊精華，具舒緩及鎮靜功效,適合任何皮膚，特別係敏感皮膚

係樽入面係淡黃色,倒左係手好似無色咁

聞到木嘅味道,唔知係咪因為接骨木花?!

用完肌膚好似飲左水咁,毛孔都收歛左

另外有其他護理產品

1.EYE CONTOUR GEL-維C眼部緊緻修護液

成分：維他命C衍生物、銀杏、瓊脂 、蘆薈、小麥胚芽油、維他命E衍生物

含豐富維他命精華，具有重組及緊緻眼部肌膚之效能，去除眼部浮腫，強效補水、促進循環、減少幼紋，提升明眸神采

質地係傑D嘅水狀多過似GEL

搽左感覺保水得嚟一D都唔會"立",好快吸收,眼袋FIRM左

仲可以搽多層當眼膜用~

2.ABISOME II-活氧細胞修護液(所有膚質可用)

要係搽完瑩肌水後面部仲濕濕地嗰陣即時用.塗上全面,會feel到導入皮層嘅效果.

質地同EYE CONTOUR GEL好似..

一搽上面即刻吸收,清爽得嚟幾保濕呵

3.NUTRIBALM-水潤營養面霜(中性/缺水皮膚用)


成分：甜杏仁油、德國洋甘菊、維他命A、接骨木、人蔘

改善因缺水而導致嘅敏感,德國洋金菊能增強皮膚抗敏功能,令肌膚幼嫩有光澤

又係BB香皂味噃(like!)

乳霜質地好幼滑

4.HYDRO-ACTIVE STORE-水療活肌面霜(缺水肌用)

成分：橄欖油、鱷梨油、膠原氨基酸、脂質囊、水解彈性蛋白、糖蛋白

深層保濕,當中嘅活躍成分,滲入肌膚細胞底層,可以滋潤、修護、補充水份,防止肌膚水分流失

類似乳木果嘅氣味

質地都係滑溜溜嘅cream

效果明顯不過

再次謝過ABIDIS嘅試用機會,首次接觸到嚟自西班牙嘅優質護膚品牌,要去西班牙嘅決心更大啦...聖家大教堂..等我呀~~

放假同朋友去開葵芳行街,見到有sasa特賣場,就入去睇下會唔會買到荀嘢.貨似乎無旺角咁多.

不過就俾我買到之前係旺角想買,但又無嘅深紫色TONY MOLY眼影,另外買多個啡紅色



點知俾錢嗰陣,個BA話依家$3.5一盒,叫我睇啱買多幾盒,買晒就無..可惜揀唔啱...

不過真係破底價..去開可以睇下有無啱..

另外係SASA PROMO見KATE嘅亮眼凍特價(限家SASA有售)

葵芳新都會嗰間得GY-1, BR-1, BR-2, GD-1, 最後買左GY-1


睇嚟係因為新VERSION出左,呢款會飛OUT,所以做PROMO..

不過新VERSION得1.7g,仲貴左..效果相若...