近年有機嘅護膚潮流興起,登陸香港嘅有機護膚品牌越嚟越多,依家又有新品牌啦, 就係嚟自澳洲嘅Nature's Care.

今次試用嘅係小精靈純香「薰衣草精油夢幻乳液」, 佢可以作hand cream或者body lotion之用.

Nature's Care嘅廠房位於澳洲悉尼嘅北面,係設備完全符合世界衛生組織嚴格管制下的 CGMP(Current Good Manufacturing Practices)廠房,以先進的科技，利用澳浙得天獨厚的天然有機資源，精心研製出有效、獨特的配方&產品.

薰衣草精油夢幻乳液主成份有薰衣草精油、維他命E、芝麻萃取精華.以低溫冷壓嘅萃取方式,提煉嘅薰衣草精油微粒子細小活躍,可以消除皮膚腫脹,舒緩放鬆,
安撫神經,幫助睡眠. 而芝麻萃取精華有良好嘅保濕效果,維持肌膚光滑柔嫩.

只係將佢係個盒攞出嚟,已經聞到好香啦.香味唔係平時一般嗰d薰衣草香薰精油味道(香薰精油味似覺天然,但唔係個個受得),而係混合左花香,個人覺得唔俗氣,係香氣撲鼻,大愛呀~

即刻想"吱"出嚟用,原來有鍚紙封口

要擰開外蓋撕走佢先得

質地偏稀少少,似傑身嘅gel (請留意手背嘅紋理 )

好滑易推,話咁快就吸收晒

d紋即刻唔見晒嘍~仲不油不膩呢.(最鍾意都係佢嘅香味)


可以係SASA買到,分別有薰衣草,玫瑰同綠茶,有興趣可以去睇下,最近仲有promotion,買2送1

近年來「哈日風」嘅盛行,三月十四日「白色情人節」呢個日子開始係香港出現.

根據日本的民間傳說，二月十四日係女孩子對男孩子訴諸情意的日子，由女孩子送情人禮物俾男孩子；而三月十四日係男孩子回送女孩子情人禮物的日子。

但係漸漸發展到依家，情人節由邊個主動送禮物已經不重要,都係情人之間多個日子去過得甜蜜d.

海港城就係今年嘅三月十四日舉行左「3•14白色戀人節圓滿Polka Dots 派對」,有幸出席,仲見到好多blogger呢.

嚟到海港城海運大廈SportX多功能運動場,就已經見到有唔少人排入場中

工作人員都忙於點名啦,為出席者貼上活動貼紙啦

同時出席者都獲派一張紙條,寫上自己個名,放入呢個抽獎箱度(呵,唔知有無機會呢)

仲有就係玩遊戲嘅BINGO咭

除左有獎抽,有遊戲玩之外,節目仲相當精彩,包括有

-10 Perfect Nails點緻美甲服務
-Bobbi Brown「零眼圈」光采體驗
-Moschino 戀愛蜜語工作坊
-BCBGmaxazria, Club Monaco及Juicy Couture 提供形象指導
-塔羅大師解讀2011戀愛運勢

場地都以是晚嘅主題 - Polka Dots 去佈置

時值晚餐時間,大會都好貼心咁提供小食

仲有棉花糖同爆谷呢~

醫完肚就開始睇下有咩玩先

本來打算去排10 Perfect Nails點緻美甲服務,可惜人太多喇,於是就過左睇下2011春夏嘅時裝先

分別有BCBGmaxazria, Club Monaco及Juicy Couture 提供形象指導, 有出席嘅BLOGGER仲即場試著呵..

中間就有BINGO遊戲嘅穿插

又有第1 round嘅抽獎

睇完衫,再行下

Bobbi Brown「零眼圈」光采體驗,好多人排..

塔羅大師解讀2011戀愛運勢都一樣咁多人

Moschino 戀愛蜜語工作坊終於排到喇..

利用枱上嘅飾物去裝飾張咭

最後1 round嘅抽獎, JENNIFER抽到Juicy Couture嘅手鍊喲~

最後帶住甜蜜蜜嘅金莎同小禮物返去嘍~(未有機會中獎喇..個人都無咩抽獎運)

活動真係好豐富,可惜時間太少,人太多,未有機會參與晒所有嘅COUNTER活動,希望出年會再有機會去,而安排會更加好啦

上月睇嘅戲, 要多謝她.com

出奇地唔再係優先場, 無限定時間之餘又唔使早d去排隊先坐到靚位,今次係換票證,幾時睇,係邊睇, 睇邊場由自己話事.

不過依然有某d限制,就係以下呢d戲院唔用得..(本身套戲都係得大約8間左右戲院上影,咁即係得一半左右可以用)

最後係AMC又一城睇左

官方故事內容:
**************************************************************************
時光在 甸與仙蒂 由相識、相愛到結婚的6 年間穿梭，畫面游走於過去與現在之間，原來這對戀人在往日所得的愛在這刻都已霎然消逝。

6 年來，甸與仙蒂走過不少甜酸苦辣，然而經過多年的相處，熾熱的愛慢慢被冷酷的現實冰封。仙蒂自覺為婚姻和女兒放棄了夢想，
而甸則早已習慣以仙蒂和女兒作為他人生的中心，日積月累的分歧變成一道道無法修復的裂縫。

縱使往日的甜蜜片段仍歷歷在目，今天二人已被各自的寄望和期盼分離，愛在歲月沖刷下褪色，承諾沒法被兌現。

甸與仙蒂一次又一次努力挽救婚姻，卻只是一次又一次赤裸地面對心碎與心痛?

導演：     戴力斯安法西斯 （Derek Cianfrance）
演員：     賴恩高斯寧（Ryan Gosling）、米雪威廉絲（Michelle Wiliams）
**************************************************************************

有人會用《浮生路》(Revolutionary Road)去同呢套戲去比較.不過個人覺得不盡相同

最欣賞係導演用左12年時間去完成呢套戲(12年前劇本已有,等左7,8年先開得成,之後又不斷update),不得不佩服佢為左要拍自己心目中嘅戲嗰種堅持.

故事好寫實,完全無花巧嘢,大概身邊不時都有類似嘅情況/場景出現. 睇嘅真係主角嘅演技(掌聲ing).

個人絕對相信現實的確會好似片中嘅發展咁殘酷.

最唔真實嘅,大概係男主角嗰份愛,現實中..還會有嗎?

相信皮膚再好嘅人,間中都會生1,2粒痘痘,特別係女仔係生理期前後,特別容易受到痘痘嘅侵襲,暗瘡膏幾乎係屋企看門口嘅其中一樣護膚品.

不過有時同一支暗瘡膏用耐左,唔知係咪皮膚已經適應左,就會開始無乜效,唯有轉過另一款暗瘡膏啦,結果大大話話都試過唔少牌子.

有d用左皮膚會好乾,甩晒皮; 有d用左就會勁"拿"(莫非有酒精?!);有d味道聞落..omg..
近日又再添左1位新成員喇,就係嚟自韓國嘅Ciracle Anti-Blemish Sport-X痘痘急救修復暗瘡膏

其實係抽中卓悅嘅產品試用,第一次抽中本來係滿心歡喜嘅,就啱時間去攞啦.

點知去到,個BA話要收返個盒,只可以俾個涵-暗瘡膏我攞走,即時"O"嘴.

佢解釋係公司規矩,咁我唯有即場係個CASHIER度影張相囉

明明已經簽左agreement,個盒又貼晒卓悅logo嘅貼紙,但就係唔俾埋個盒你,即係連說明書都無得睇.(都係影張相穩陣)

個涵-Ciracle Anti-Blemish Sport-X痘痘急救修復暗瘡膏就係咁嘅樣,背面同樣貼左卓悅logo貼紙

利 用生物改造科技研發,配合多種天然植物草本精美提煉而成.歐薄荷精油針對面泛油光,黑頭, 粉刺及暗瘡,有效消炎及幫助各類膚質恢復活力,消除油脂污垢,殺滅細菌.茶樹精油讓暗瘡收乾凋謝, 修復紅印及傷疤, 加速傷口癒合不留痕,荷荷芭精油使肌膚油脂回復平衡,含保濕因子及高效抗氧化,K.O痘痘之餘,又去印.

個蓋"吸"得好實,要花左d時間同力氣先開到.

瓶口比預期中大

質地係乳霜狀.唔立,唔油,有淡淡嘅薄荷味

初起嘅痘痘

搽左上去,好似搽CREAM咁,好快吸收左,無甩皮,唔"拿",又唔會望落光亮左,簡直係了無痕跡.

化妝前用都唔會有問題,又唔會影響個妝

第二朝起身,痘痘無咁紅,有開始減退嘅跡象.搽左2日,痘痘無左lu..

產品係work嘅..不過希望卓悅會改善試用嘅程序喇(純粹個人意見)