近日同BB CREAM似乎結下不解之緣,因為近日係抽中左LIOELE BEYOND SOLUTION BB CREAM粉嫩透肌BB修飾霜嘅試用呵,先要謝過COLOURMIX.


嚟自韓國嘅LIOELE有一個好思意嘅中文名:戀妝

故此BEYOND SOLUTION BB CREAM粉嫩透肌BB修飾霜包裝上面寫嘅資料都係韓文

咁要借助互聯網嘅力量去搵下資料

原來佢嘅成份有:透明質酸，洋甘菊，尿囊素，海洋性膠原蛋白，維他命E

細細支TUBE妝設計,扭開嚟用都幾方便

但係..顏色...比我本身膚色似乎深幾多噃..

質感都幾柔軟順滑,容易推開

完全搽勻晒之後,又唔係深喎(咁神奇?!)

遮瑕度不俗,手上嘅疤痕基本上都遮到

一定要搽上面,睇下D粗大嘅毛孔同紅點會唔會無晒先

薄薄搽左一層

毛孔唔見左大半,紅點無晒,連粒癦都淡色左

妝感唔算厚重,又唔會深色左,大約5個鐘後都係T字位有少少溶妝,難怪佢叫戀妝啦~

出席完揭密行動,(按: 揭開神秘面紗 - 新品上場篇),Neutrogena BB Cream嘅神秘面紗已經揭開,咁就一於試真D.睇下皮膚會唔會變到BB咁好先

佢係Fine Fairness細白煥采系列嘅其中一員,集美白,保濕,修飾,防曬於一身.

含全新升級活性美白精華Healthy White Complex ™，係穩定型維他命C嚟,再配合百合花菁萃,深入肌膚底層,淡化黑色素,由根本阻斷黑色素形成.


另外配合獨特亮肌礦物配方,改善膚色不均及黯沉;加上有SPF19+,隔絕紫外線及環境侵害,防禦及保護肌膚受損

最重要係通過皮膚科學測驗,不含油脂,不阻塞毛孔

泵裝設計,方便又衛生

質地透薄,容易推開


搽勻左之後唔會死白.但又見到亮白左,不過遮瑕度唔算高

用上面嘞

素肌(毛孔明顯,有紅點)

份量唔使太多,薄薄搽一層就OK

粗大嘅毛孔得到修飾,紅點當然唔見左啦,粉嫩感現身!

全面睇 - 膚色均勻亮白左,暗瘡印都遮到,最緊要係一D都唔厚,毛孔可以呼吸暢順

之後上碎粉,搽胭脂,簡單妝容完成

SO FAR可以KEEP到成日(AROUND 8個鐘),除左T字位會溶妝(T位堅油),而且係OFFICE都唔覺乾,返工用啱晒,快靚正~

勞動節唔使勞動,本應係屋企抖下,hea下,但是日行程反而緊密,做完facial,就急急趕去TST嘅千福大少,因為有幸出席24小時快閃召集：Neutrogena BB Cream 揭密行動,點趕都要去


千福大少係一間CAFE,由名片,到佈置,到食物都幾別緻

坐低後冰凍嘅飲品送上

枱面上放有好幾種Neutrogena嘅產品

主角就係即將開賣嘅 - Neutrogena BB Cream

Neutrogena嘅PR BELL先介紹一下枱面上嘅唔同產品,仲有提醒大家如果搽BB CREAM/上底妝唔想有擦膠碎,就唔好用GEL狀嘅嘢打底

所以大會都提供幾種唔同嘅保濕/美白產品去打底

WHITE VITALITY精華素

WHITE VITALITY 亮膚霜

Hydro-boost水活保濕乳霜

Hydro-boost水活保濕精華

再搽Neutrogena BB Cream都唔會有擦膠碎嘞

同場阿BELL仲好好咁帶左胭脂同碎粉俾我地用(可惜呢兩款咁靚又好用嘅產品香港無得賣)

試過晒D產品後,就嚟一個BLIND TEST,睇下邊一款最好FEEL

A款質感比較薄,質感清爽
B款最厚身,較難推開,而且顏色比較深
C款質感同A款接近,但就有D"立"

原來A款就係Neutrogena喲~

正當以為活動就此結束,點知原來有美味嘅海南雞~ 最後當然係成碟清晒呵..

(待續..請繼續收看Neutrogena BB Cream之使用實況)

一到夏天,對於混合性肌,T字位極易出油嘅我嚟講,面上嘅標油指數持續上升,真係要諗下計搞搞佢.

以前都有用過一D控油產品,如蜜粉/控油粉條/精華,但唔係治標唔治本,就係太乾,反而出多左油.最終都係放棄左.

而過多嘅面油,往往就係粉刺、痘痘、毛孔粗大嘅原兇!(當然壓力、荷爾蒙改變都有關係啦)

貴為國際有名嘅醫學護膚品牌-VICHY,擁有專為油性/混合性肌膚而設嘅油脂調護系列.

今次有機會試下全新配方嘅油脂調護保濕霜,睇下可唔可以打破宿命.

包裝相當平實簡約


所有說明都清楚寫於外盒


配方集合3種高效煥膚活性成份啓動三重煥膚保濕科技,深入表皮層,改善油性肌膚瑕疵,啞緻肌膚,長效保濕

1.表皮層：專利去角質成份LHA
利用擁有親脂性特質嘅LHA係表皮層表面溫和定點去除老化角質,促進肌膚細胞更新,去除暗啞.加上LHA可以停留係表皮層表面較長時間,可以持續&溫和咁去除老化角質

2.深入毛孔：Salicylic Acid(水楊酸)
Salicylic Acid可以深入毛孔,去除堆積係毛孔内嘅老化角質,預防粉刺形成,有消炎功效,預防暗瘡形成

3.深入表皮層：Glycolic Acid(乙醇酸)
體積比LHA同Salicylic Acid更細小,能夠更快深入表皮層,深層去除老化角質,預防粉刺暗瘡形成

同時加入令肌膚保持啞緻嘅矽,全面對付因油脂分泌過剩而導致嘅肌膚問題,加上蘊含溫泉水,提昇肌膚水份,唔會乾

泵裝設計,方便衛生

質地係乳霜狀,好快吸收,不油不膩,聞落有好淡嘅薄荷味

搽上面會FEEL到有少少微涼感

皮膚感到保濕,但非常清爽,毛孔仲收斂左少少呢,最重要係MATT左

咁究竟可以LAST幾耐呢?

係只用油脂調護保濕霜,無再加任何嘢嘅情況下:

大約2個小時後開始出油,直至4個幾5個鐘後,無效lu..


不過已經好滿意,因為平時1個鐘左右就開始出油.但如果搽完佢再搽防曬/粉底,控油效果就會有唔同嘍(咁就要視乎係咩啦)

呢篇文本來唔會出現嘅, 只係見到有幾位SIS出左相關文章. 越睇越覺得受到不公平對待,真係忍唔住要寫出嚟..

事源係4月尾係FACE BOOK收到Dr.Place Beauty 新店GRAND OPENING活動邀請,參加後收到回覆:

多謝閣下支持及「Attend / 參與」Grand Opening of Dr. Beauty Palace，請登記聯絡資料以便預約享用純氧Facial日期、
時間及領取以下禮遇：

a)全新肌膚體驗---- 免費膚質評估, 及純氧FACIAL一次
b)根據膚質評估結果---- 送你所需之Doctor collection plus護膚禮品
c)Rx beauty & medical group----$200現金劵

留左資料後Dr.Place Beauty有STAFF聯絡,就約左5月1日上去試做注養療程.

上到去,地方裝修得都幾靚嘅,傾左一排,填晒資料.我就問個staff可唔可以影相,佢話唔得(我無講話會要嚟寫blog,既然佢話唔得,咁我費事再多講,無影啦)

之後佢話叫我等陣,要安排下先可以做treatment

結果一等就等左成15分鐘(我係約左2pm嘅, 結果成 2:45pm先入去facial room, 乜唔係應該一早預備好嘅咩?!)

咁都算嘞,點知入到去,打左個突,間房原來係twin room嚟,另外有個客係度做緊facial,2張床中間仲要無任何遮掩(但入去之前完全無提過,亦無問下我mind唔mind囉)

做facial其間,個美容師完全準備不足,幾次行左出去隔離房攞所需產品(連peeling都無準備到),行出去又無講一聲,出左去就算

做完facial(無包針清,修眉,按肩頸), 係明顯見到塊面亮白有光澤左.

跟住當然少不免sell下啦, 其實佢唔算hard sell, 同埋有講返如果join course, facial就會係full set,有返針清,修眉,按肩頸.

的確個facial係幾見效,加上價錢可以接受,又唔會迫你買20, 30次咁多,所以我就真金白銀買左COURSE

問返個staff, 係咪會有護膚禮品&$200現金劵, 可唔可以係個course度扣,點知佢話唔知, 要問返admin, 同埋嗰$200應該無得扣

咁好啦, 唯有等下睇下佢點覆啦(因為我會上去做facial架嘛).最後只攞左d產品單張返去

點知呢幾日見有sis都去左,有禮品之餘,仲可以影相 (我唔知佢地有無講明會寫文),咁即係表明blogger or 會寫文就影可以影相,
普遍客就唔影得?! 個人感覺佢地行政上有所混亂...好唔清析.

最後忍唔住係face book post左我嘅個人意見,但佢嘅fan page同活動個wall有唔同回應

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
copy from Dr. Beauty Palace Group fan page wall:

多謝妳的意見！本公司謹此對閣下致歉，並以四倍價值回贈閣下，閣下可有$800面值免費選擇本公司任何產品作為補償！
希望閣下能開心使用。6/5/2011後可到本店提取。謝謝！
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
copy from Grand Openning of Dr. Beauty Palace 隆重開幕---------全新肌膚體驗&禮品free放送 活動wall:

多謝關小姐的意見及惠顧. 新張的頭一天開放日令妳感到的混亂, 本公司向妳致萬分歉意, 特送上Doctor collection plus多款面霜
(價值$680-$880)供選擇, 希望能表本公司之歉意, 今天會有同事致電跟進, 謝謝.
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

但直到呢篇文post嘅呢一刻都 無 收過任何電話囉..我無話可說..