20/4/2011 --- 火都黎埋

我至憎d人即日比我d野要我即日交功課！你一早就知要叫我整，仲乜我返到黎先見到張紙話要？

你估我係萬能架？萬一部腦唔聽話，printer唔聽話咁我點交功課比你呀下？

仲有，我做野既程序係做左d急既野先，乜人叫我，我都唔會理！

如果你叫我做野係急既話，我緊係會即叫即黎啦，但係根本就係唔急過我手頭上既野，我緊係唔會黎先啦！

我唔覺得咁樣係有錯囉！

問心果句，我自問已經盡責，做左應做既野先！

d人日日遲到，突然一日準時返，有乜咁值得讚賞呢？

叫我地唔係比壓力佢，會唔會係講笑呀你？

乜架下原來遲到先岩，準時返到黎又或者早到左返到黎係唔岩既咩？

原來所有根本係唔岩既野都可以變到而家講到好岩咁囉！

我係咪應該學下d人日日遲到，懶得就懶，做野唔洗急，吹到埋身都可以慢條斯理？

21/4/2011 --- 早午晚都有笑料或者開心事

早上，某人的說話笑死了! 原本帶著唔開心既心情上班，但係某人的笑話真係好好笑，所以令我心情好轉了。

下午，某人的問話令我笑死了! D人真係諗多左囉! 哈!

晚上，放工約左姐姐係藍田行街，點知撞倒某人，好有緣架呢! 跟住帶姐去買乳酪食，比個店員迷死了!!

真係好鬼靚仔，又比我試食囉! 跟住同家姐買左行埋一邊食，點知個店員出黎同我講BYE BYE! 我暈了!

如果我日日去幫襯佢，傾多2句同埋望多佢2眼，我一定會愛上左佢架囉!!!

就算而家打緊這篇日記，想起佢都好開心囉!!! 佢個拍擋都好靚仔架!

上次第一次去幫襯，我見佢都迷倒唔小妹妹仔!!! ^_^

22/4/2011 --- 復活節假期第一天

黃昏出去同朋友行街買3，好開心呀! 又買倒3，不過只係行旺中3樓都行左2個幾鐘，實在太誇張啦!

攪到9點先去食火鍋，返到屋企都差唔多12點啦!

雖然好累，但係好開心呀!

我要好好享受埋淨返3日既復活節假期!!!

23/4/2011 --- 復活節假期第二天

原先打算去長洲，但係因為家姐個仔要下午去學琴，所以決定唔去了。

諗住係屋企休息一日，點知大家姐打黎問我同阿媽有咩做?

話同佢個仔去反狗城，反正我都想去新都城食免費雪糕，同埋去反狗城買野，所以即刻搭的入去。

去完反狗城，諗住去食免費雪糕，撞鬼，免費野真係好鬼死多人排，最後我決定唔鬼排，自己去比錢買好過啦。

返到家姐屋企，我開D卡通音樂比大家姐個仔聽，原先同佢好地地，點知佢發傻勁踢我，我咪鬧死佢囉。

家姐唯有係房出黎叫佢同我講對唔住，佢條頸咁硬緊係唔會同我講啦! 我都廢事理佢!

之後佢又打婆婆，越叫唔好，佢就越會做，當我死既! 我咪打佢囉! 家姐又明明係房又再出黎教訓佢! 死未!!!

唉，點教咁細個已經咁難教架? 脾氣差成咁既??? 都係小同佢接觸為妙啦!!!

24/4/2011 --- 復活節假期第三天

下午去左同學屋企玩BB，好累!

夜晚同阿媽去食日本野，超飽!

25/4/2011 --- 復活節假期第四天

約左舊同事去左花月庭食TEA BUFFET，超飽，之後去左行街，超累!

26/4/2011 --- 返工

超忙，忙到放工!

27/4/2011 --- 忙左一朝，悶左半日

成朝忙死人，下午就悶死人，成日望住個鐘，返到屋企即訓，訓醒先食野!

完!!