昨天為爸爸的公司打月結單...

本來睇住公司盤數ge係老豆個同事個仔做g

但人地正值工作搏殺期..唔係好得閒做埋d義務野...

所以咪靠我做囉

以家我識得點計d月結啦...以後每月都應該要做

但呢d義務性工作..都係唔係咁想做..但阿爸叫到，冇理由拒絕。

以後幾唔願都應該要做了..

今日又去左見實驗室技術員

去圓玄一中對面見...有d懷念

見工又係講埋個d野...見完突然覺得對搵呢d工冇哂個團火，自己唔係個種材料，亦沒有個份內涵，既然係咁...點見都冇用架la，前兩份沒有回音，呢一份自己見完都覺得冇咩希望，點解要咁堅持呢...

講真..雖然話未做過唔知岩唔岩自己，相反唔試多d其他又點知咩野先岩自己，況且院校裡做實驗亦發覺自己並不擅長，何必強求呢...所以而家起都係順其自然啦..

基於以上原因，我突然想回頭答應做起人底個份工，但蘇洲過後，都係算啦(其實大部分是面子問題)...當自己錯失一個大好良機..

見完工番左老豆公司計數出月結...

晚上吃飯前竟然收到"起底"公司ge電話，問我考慮成點...係幾秒ge時間內，我作出了決定...機會唔係成日有，錯失了第一個，唔會次次都有第2個機會番黎搵你，所以...就這樣決定了!!

下星期一.....是工作的時候了

我都係唔諗住做呢份工lu

我仲未對實驗室的工作死心...不過期待總要有一個期限...過多半個月再搵唔到ge話就放棄搵呢類工啦

今日又有人打俾我見實驗室工作了~good luck!!

去左覆診， 隻腳已經好得8899了~唔使再去覆診!!yeah~

之後去左bc睇united 93...幾震撼，仲差d喊左出黎...

今日出去見一份不知名ge工

send email個陣只知叫"資料統籌員"...佢打黎叫我見工就話係見researcher...不過實際都係唔知做d咩...

出去中環見工..3點9去到，填好form後等in

來了一位女士in我...除左介紹自己之外，吹左好多其他野出黎..仲考我英文同putonghua..

之後佢講呢份工做乜，原來係幫其他企業check下佢地d新僱員ge background，核對他們的resume是否申報正確。呢間公司仲係全港第2大..

換言之即係起人底...要連絡番其他不認識ge公司同學校以達到目的

佢講到好interesting咁...仲話見完我覺得我好岩做呢份工...俾一日時間我考慮...

我考慮成點?聽日話你知

今日出左上環見工

見的是一份lab assisiance

返工地點其實係青衣，只是上環這間公司是受青衣個間lab委託幫手請人

換言之，in我個條友唔係d咩pro ge人，都係問我d普通ge野..不過就叫我用英文講下做暑假工ge經驗

佢話我第時應該惡補下d英文...以便寫lab report..

又教我見工點先為之有禮貌.....見工好似聽人說教咁.

見左兩個幾字....見完好空白..