琴日同呀may慶祝生日,

我叫佢寫封信比我,

如我所想的一樣,他真的是向我表白了,

我到底也想知一下佢對我係點~

佢好坦白話鐘意我.仲問我可唔可以做佢女朋友~

以我性格,一定深思熟慮,

還是叫佢努力一點讀聖經,對我真誠一點才算~

其實我的心真的十五十六,好多野諗,

佢係唔係真係我要找的人?我地拍拖會點?

講真我唔再係十九二十的那時,經歷這麼多,

我知道單靠感性,感覺,很容易會做錯事,

背後必須要有理性的支持,

要衝量過才真實,

我也不是一定要人愛,人地愛自己就一定上~

有d煩,還是讓主去帶領,安排~

另一件事唔開心,對時間表上的安排唔滿意,

我去了問張太,佢講了很多很多野,

其實重點意思都是很明確,

佢地公司付出都很多資源,對我呢個新人,其他同事都付出好多,同埋我呢個新人點都要學下野,屈就下~

好唔開心一樣野係明明都係打份工,

點解好似我係新人,就咩都處於劣勢,

都算有辛苦,有汗水出過,做得好唔好一件事~

同埋一樣野,可能我真的怕蝕底,我無也hrunt擺下去,

剛出來做野,我明白到世途險惡,防範意識強了,又怎可不理解,

好多野要繼續參透,要慢慢去領悟,老闆娘都係一個好人來的~

加油,有主~

 好耐無0係呢度打日記,

琴晚同y 先生開會,我越來越覺得佢變了很多,

小遮講得對,要分清楚喜歡的是甚麼,是否昔日的他~

對星期一的新生活有些擔憂,

唔知道會係點呢,一切,一切,很多,很多.....

但主帶我到這一步,我又是否該信靠著他行,

我知我要努力,向我的方向走,

知道無錢其實真係好大好大壓力,

好多野想買要買都未必可以買~

最近開始做真正的自己,

但真正的自己是如此的慢熱,內向,和靜,

做真正的自己是怎樣,

好像,好難好難的突破,會不會太靜?

此刻,我覺得自己好多野都好有限制,一無所誇,

但我始終信,天生我才必有用~

 過了生日之後,呢幾日的心情都唔係0甘好,

好多野想,亦好似好多野要去想,

我發現自己好多弱點,

太感性,太好人,太心軟,對住異性,我難以控制對佢地的好感,太真,太重過程多於結果............

好唔開心自己為何係0甘軟弱,

0甘樣0係呢個世代,我想真的好容易比人失敗,比人唔掂.....

神呀,究竟你叫我看到自己這麼多不足,又有何意思呢,

你創造我是如此,又是怎樣?

好多問號,誰能解答?

去phoenix生日會,雖然無rice,我好似會開心d,

但我想真正有心的人都會比去我生日會bbq的人多,

人大了,總會計算~

未能找到自己的路,我越來越感到投入團契不再,

團契中喜愛,愛戴我的人也比從前的少了~

因為我不再放個心,或投入下去~

 今日我地開cell,cell中有蛋榚,雖然唔係正式的生日蛋榚,

係俊華買的,都算幾有心~

然後我地就去買野食,行入烏溪沙,

路程中同amy傾計,不過好似好遠,又落雨,

所以都有d辛苦~好彩唔駛拿野~

去到雨都停了,打點了就開始燒,

有差不多30人,但人大了,總會問d人係為了真係同自己慶祝生日而燒呢?

定係為了燒野食而來的?

我想總各樣都有d,不過有d人成程都唔同我講野,連生日快樂都無句就唔好了,

有d就好有心,早走都來~

都係細個開心d,唔會諗0甘多野,

rice後來來了,都同我地玩講我的優點同缺點,

都係0個d,缺點又好似優點0甘,太好人,太遷就人,收埋自己.....

成程成日比人講我同kelvin,連rice敬酒都被取笑埋....

唔知好笑定點?希望佢地唔會介意啦~

總係覺得我同kelvin而家的相處係怪怪的~

但睇落,我對佢都無咩好感~

12;00文浩送我走,食埋糖水,

今次的生日會唔會太鋪張,但都幾好,

琴日就最開心,佢地來我家~

24歲了,往後的路一定難走~

唔知會點呢,不過神話可以將一切憂慮都交給佢~

同kelvin msn,總係覺得佢對我的態度改變了,

好似串串地,粗一點,

我以為自己唔會再0甘容易鍾意一個人,

但原來發現情感才是我最大的弱點,一直以來都是....

只是未有出現時,那情感睡了,

現在係唔係比以前進步呢,

至少有理智上的壓制,

但個 心總好像難以控制,難以捉得緊~

kelvin佢問得真...你係唔係好容易鐘意人?

我唔知,我始終係我,我得以接受自己的一切,包括自己的弱點~

就當琴日係打圓場,

佢個state都好難做,對你好d,又怕,唔好,又唔係太好意思...

我怕佢唔舒服,我又因為佢反應會唔開心,對大家好d~

0甘不如少一點主動,順奇自然吧~

 人與人之間的關係總難以預料,包含許多的變數,特別是男和女之間~