今日又再同Dr Wong傾畢業論文,

因為去了馬鞍山po po同我補英文,

搭了680又唔知邊度落車,

所以轉的士上去,遲了成半個鐘,真係好唔好意思~

我唔知佢今日係唔係心情唔好,定點,好似怪怪的,

完了佢問我幾時交,話篇文無得up grade,比B我,

我當然好心足啦,心想仲賺了,

講開佢覺得我清楚自己能力去到邊係好的,

好過好多自以為了不起的人,

我都好認同佢講我唔係讀書材料,

但重要的一點係我有自信,

我覺得我總有我的長處,

同最叻的呀聰比,我總有叻過佢的地方,

佢話我的價值觀好,

但返到屋企,都有d唔開心定點,

雖然佢講的是我一向都已知的事實,讀書普普通通,

但人總唔喜歡人地去提一d自己唔好的地方,雖然我都知~

點都好,感受有係可以理解.......

我覺得po po無也心機同我補,補來補去都好似未補到我的需要,

但人地肯幫我都已經好啦,唔係咩?

50元一堂,我都好心痛,仲要補唔足~

今日小遮同我講,原來佢呀寶拍緊拖,

我都唔知咩反應,或者真的反應不來,因為從來沒有想過,

小遮話因為我係重要的人,所以要告訴我,

雖然沒有甚麼理由唔開心,但我內心真的不禁有點難過,

我更有一種感覺,就是團契不屬於我的地方,

將來會看見更多團友拍拖,甚至結婚,

我在這裡做甚麼呢?

更多人宣教,做導師,

我又是待在這裡做甚麼?

我真的不知道...

團契八週年了,看到很多相,

一幅又一幅自己,天真的自己...

天真,要付的代價真的很大的~

那個他,今晚是他的生日會,

但我沒有出席了,

因為..........我也不想自己唔開心,

那個他...也太遠了,

我想反過來,我不去,他也舒服,

怎也該放下了~

我的心意,上年也表達了~

 "家"對我來說從來也不是溫暖的,

真的讓我很討厭....

更討厭普自己仍然要依賴這個"家"

我想我真的不是易惹的,

從小已學習"保護自己"的一套怎也擺脫不了,

畢竟是這個"家"培養出來的...

真的很討厭,討厭著自己....更討厭著這個"家'..........

主呀,求你原諒我~

 漸漸的,教曉我,呢個世界真係好現實,

拿人錢就要幾乎日日比人鬧,受人氣,

現實就係現實~

我係懶嗎?從來都唔係lu,

我真的有自己的全盤計劃,

幾難聽的說話都有,她在我心目中真係...........

當聽唔到,唔好再理佢~知道自己做咩就好了~

所有的一切都step by step,唔好比人打亂~

還罵只會令自己身體唔好~

琴日0係大家面前都表達了,

我唔想0家,係佢地逼我,不過下次都係小心d

表達自己太多,唔係一件好事~

不過我真係思想上唔需要亦唔喜歡人幫我,係事實~

同埋心佢地真係無也~

算啦,至少我有~

 今日係屋企都好充實,練琴,學琴,做下論文,

開始了看英文故事書,

我希望可以持之以恆啦~

照一照鏡,塊面真係好恐怖,

因為原來真係好多暗瘡,

我諗都係熱氣同埋m仲未到呀,點算~

唔想出街,唔想見人啦~