今日:

一直訓到10點先起身!

之後下午1點佢又話唔去得住,要1:30先去得!繼續玩電腦!

之後1:30去左碧湖出面果間OK便利店等佢!

去左成1個鐘多D先去到深水埗基隆街!

我地諗住去果D鐵皮屋攤檔買,因為果D會比較平,而且比較靚!

但係我地行哂成條街既鐵皮屋攤檔,竟然全部都冇開鋪,得一間開左!我地就行過去睇下,發現佢D布唔係咁靚,多數係淨色!咁咪諗住走,順便問埋佢點解其他鐵皮屋唔開,佢就話因為今日係星期日,暈低左!!!

之後就去布行,大部分布行都唔比你買一碼,最少要買同一個款既三碼,即刻走人!連D布行都係咁,星期日全部關門咁滯,好艱難先韻倒一間係可以散買,但係佢D布都唔靚,勉勉強強買左一碼囉!

但係D布好鬼貴!貴到傻左!!!淨係係佢間鋪都買左150蚊!唉~

之後本來諗住去金魚街睇嘢!但係佢又話要返粉嶺食嘢,所以冇去到!

希望下次有機會可以去倒金魚街啦!因為我未去過!

之後返左去粉嶺m記食嘢!食完就走人!

今日大慨係咁!