吁...吁...我...我...我要重出江湖啦!(死左好耐..)

我今日都冇咩好做..放假真係有D悶..但又唔捨得個假期..

今日下午同阿妹出上水行下..都係去下碟鋪OR書店咁啦..

勁想買書囉..但又唔得,上個月已經買左82蚊啦,今個月仲買既話,咁咪要破產??

都唔知聽日仲會有咩節目,好想日日都出去..

今日係咁先..

由於電腦出現故障,未來幾日都唔會打日記..so sor~

今日:

今日係我生日..開心指數爆登!!

我要多謝我班同學,佢地都送比我一個祝福,真係好開心..

我仲要特別多謝41,42,43號..因為佢地都送左禮物比我..少有的:多謝43號送左一樣好貴而且我好鍾意既嘢~仲有老師同隔離班既同學!

今日都係兒童節..兒童大哂!

今日係最後一日統測..係測電腦同中國歷史..電腦完全唔掂;相反,中國歷史比較掂,不過又唔係全部識哂!終於測完啦....

今日係咁,都冇咩發生,其他既都唔打啦~

聽日又比人扯返鄉下啦,冇得去AIA囉~真係慘....

今日:

第一日統測,測中文,勁多唔識囉..我寧願佢出一篇好長既文,都唔好出一篇歌詞囉!都唔知佢up咩..

第1~2堂:冇講書..個頭勁痛,係度訓覺..因為前晚失眠..

第3~4堂:要考試..考排球既下手發球,一人考五球..要將個排球打過去對面(過網)..5號全部成功過網,真係好勁..我就慘啦,得果三球成功過網,不過算啦,比我預期中好..都好過有人一球都唔過啦..(擺明串緊某一個人)

第5~6堂:數學小測..都ok啦!

第7堂:首先對左地理果本嘢先..係囉!都唔知邊個冇帶書,又唔同老師講,自己炸炸帝帝係度韻書包,點知佢韻到老師講哂果兩題佢都未韻倒囉!佢個書包又唔係大過人囉,韻咁耐都未韻倒,睇佢個死人樣都知佢冇啦..勁想告比老師聽..之後講報紙..好彩冇抽中..因為我地未寫完張嘢!

第8~9堂:佢又做果D Oral..悶到咩咁!

之後去辯論果個..依個星期五就比賽啦,點算呀??我地而加毫無頭緒囉,都唔知點打好!煩..

今日係咁多!

今日:

今日要係操場集隊..因為今日係中五最後一日返..要聽佢地做分享..

第1~2堂:要作文..作左一篇絕世好文出黎..哈哈~

第3~4堂:又到依堂啦..首先就上網睇動畫,不過好似唔多睇倒,廢既..之後就做月曆,因為我之前冇做比阿sir,而加補做返,淨係做左一月炸..

第5~6堂:Quiz..冇溫,好多唔識做..

今日冇同黃嘉琪食飯..食完飯之後,又想搭升降機,但黃嘉琪又唔係度,所以唔搭得..我就唔理,同田嘉敏偷搭,點知撞倒林耀榮,佢問左我勁多問題囉..首先佢問:[你係唔係唔舒服,要搭升降機?]我就搭:[係呀],之後佢又問[你有冇去睇醫生?]我就答:[有呀],之後佢又問:[有冇藥食?]我就話有..佢又問個醫生比左幾多日藥我,我就話三日..佢仲問我食左幾多日,我就答佢食左兩日藥..唉~終於問完啦!但係依D只係攞黎應付佢既說話,其實咩食藥睇醫生,全部都係假囉..咁都比我昆倒!唉~

第7堂:都冇點上過堂..

第8~9堂:上堂就打嗑睡啦..依兩堂毫無活動囉!

之後就返屋企啦..

今日係中五最後返學日,我真係好唔捨得囉..唔係唔捨得成個中五,只不過係唔捨得阿浩姐..

今日淨係見倒阿浩一次炸..唉~失敗!

佢就黎要考會考啦..希望佢會考得好好啦!

今日係咁啦~