每一天的命運 - QOOZA BLOG 網上日誌

susanhmm9304 : 個人主頁 - 相簿 - 訂閱 [ QOOZA - 論壇 - 登入 ]

susanhmm9304

暱稱： [你也來感受一下這份純真吧!]
性別：女
國家：香港

MORE...

最近沒有訪客

日誌統計

文章總數： 87

留言總數： 207

今日人氣： 0

累積人氣： 1893

站內搜尋

RSS 訂閱

2007 年 1 月 19 日星期五

2007-01-19

分類: 未分類

今日:

琴日應承左俞俞借本書比佢睇..今日借左比佢啦..

第1~2堂:依堂都冇咩特別嘢好做..唔多講啦..

第3~4堂:冇帶衫返來上..激死Miss丘..又比人記警告..唉~由於冇帶衫,佢叫我出去跑步..問佢要跑幾多個圈,佢就話:[人地跑幾多個,你咪跑幾多個囉..]聽到之後,我都費鬼是彩佢..繼續做我自己既嘢..[炸炸遞遞]唔出去跑..最後冇跑到..今堂係上排球,我都好想打嫁..不過鬼叫我冇帶衫咩..冇得打..淨係幫佢做其他嘢..悶死..

第5~6堂:都冇聽阿sir講書..唔係因為悶..而係我好攰..唔係好想聽..

第7堂:派卷..好低..比我想像中差好多囉..

第8~9堂:又係派卷..作文卷..又係好低..作文水平低左好多..

放左學之後..去左家政室韻Miss Lau..因為我想睇返份卷..點知睇睇下,見倒佢計少我一分..叫佢幫我改返..其實我都唔知果一分有咩用囉..有左果一分又唔係高D..

琴晚太夜訓..一返到屋企就訓覺啦..

今日係咁多..

發表時間：2007-01-19 10:30 PM [ 訪客留言(1) ] [ 編輯日誌 ] [ 分享至FACEBOOK ]

2007 年 1 月 18 日星期四

2007-01-18

分類: 未分類

今日:

今朝返到去,上左3樓韻黃sir..同佢講部份人做錯左..佢話照交..

第1~2堂:又唔記得帶書囉..之後佢話要我地放學留低係度抄書..抄咪抄囉..我唔驚佢..我又唔係冇時間抄喎..我大把時間..之後就係度同我地講故仔,講果個人通渠,點知搞到成身都係..之後做實驗..果D花汁搞到我件衫都有,洗唔甩..仲諗住佢會默書,點知佢唔默..不過唔默好過默,因為我冇溫過..

第3~4堂:依兩堂對我來講,係今日最快過既兩堂..聽妖后講,佢講完就到我地畫..基本上我地冇點畫過,畫左條肥豚就收筆..畫肥豚期間(條肥豚我畫),我覺得條肥豚既眼係最難畫..係咁改肥豚隻眼..改來改去都改唔好囉..而且佢地係咁講點解條肥豚隻眼有白內障/青光眼/呆滯..笑到我地死..好似10組內,係我地笑得最大聲..因為唔想再畫,之後玩轉筆黨,成組一起轉筆..由於畫得太少,我問老師可唔可以拎返屋企畫,但佢係咁話要我下堂一定要帶返來..佢好似信我唔過喎..

之後果個小息,洪老師上左來,要人地答問題先出/入得..我要出去洗手,答左問題之後,出左去但入唔返來..最後佢放人..浪費左我好多時間..

第5~6堂:都冇咩好做,做工作紙..

第7堂:都係唱下歌咁啦..不過知道個考試分..個考試分對我來講都ok啦..唔錯..

第8~9堂:都唔知有咩好做..係咁做listening..

放左學,問洪老師罰咩..原本佢係唔知我冇帶書,早D唔好同佢講啦..咁咪可以走人囉..點知佢既懲罰唔係抄書..要人地幫佢設一樣好似遊戲,又好似小測既嘢..要人地星期一send比佢..佢仲話依樣好過罰抄,我寧願抄罰抄都唔要做依樣呀..

之後就放我走..行到門口,佢問我一樣嘢,之後就同佢地一起研究科學理..

之後離開左學校,去左恆生銀行..因為要幫我細佬妹交書簿,排隊排左7個字,腳跛啦..

今日係咁多..

發表時間：2007-01-18 09:47 PM [ 訪客留言(2) ] [ 編輯日誌 ] [ 分享至FACEBOOK ]

2007 年 1 月 17 日星期三

2007-01-17

分類: 未分類

今日:

一朝早起左身..去酒樓韻靚位..因為我堂家姐今日會來同我地一起飲茶..梗係要韻個靚位等佢啦..

叫左好多嘢食,12碟,勁唔勁呀??多人呀..點知又係食唔哂,打包返屋企..當下午茶..

食完就係碧湖行左陣..去買糖食..

之後去行10蚊廣場..我細佬妹係裏面搗亂..將人地D嘢周圍放..搞到人地D嘢亂哂..而我就同我個家姐係咁叫佢地停手..但佢地唔停手,繼續做..搞到我地笑到肚痛..

由於佢地係咁搞人D嘢..又驚比人鬧,所以我地就走啦..返我屋企..

冇耐我爸佢地就走哂..作反..

係咁睇碟..睇完又睇..

不過佢5點就走左啦..仲以為佢會係度食完飯先走..下次打邊爐一定請佢三姐妹來..

佢走左之後..開電腦玩..點知係依個時候,收倒田嘉敏電話..

佢問我數學點做..我問佢邊題,佢話同我一樣..我先知道自己寫錯嘢..累到全班做錯..

之後韻左10個人講..叫佢地重做..而加好大壓力,好驚聽日會受到好多人斥責..

所以我打算聽朝韻黃sir講依件事,希望佢會比多一日時間我地做啦..

岩岩睇倒我條[大肚魚]就來死,個身體傾斜..唔知點解依排咁多寵物都死左..條魚死左,就唔可以再生細魚..上次生果D已經死剩5條啦..唔知果5條養唔養得大呢??

唔期待聽日既到來!

今日係咁..

發表時間：2007-01-17 09:54 PM [ 訪客留言(2) ] [ 編輯日誌 ] [ 分享至FACEBOOK ]

2007 年 1 月 16 日星期二

2007-01-16

分類: 未分類

今日:

今日又要係下面集隊,真係無奈囉..佢又要講一堆廢話先有得上去..

第1~2堂:係講課文..不過最尾比崔耀安搞喊左..希望佢會冇事啦..

第3~4堂:我好驚,因為我未做佢個月曆,起碼都要下星期一先交倒..之後就對卷..都考得ok啦..之後兩堂都冇咩點聽書..係度睇徐浩成玩遊戲..之後我又上去打馬吊,都幾好玩啦..

第5~6堂:係咁講卷..個成績又唔係咁好啦..不過都合格既..主科共4科,但只得2科合格囉..唉..

係m記食,仲有3分鐘就打鐘,即刻走人,出到去好遠,又唔記得拎返件衫,即刻跑返去m記拎..點知得返2分鐘,死命跑返去..好彩冇遲到..人生最快..返到去學校,仲要跑樓梯,五層,攰死..面青青..頭暈..

第7堂:又派卷啦..不過得果70幾分..鬼叫我冇溫隋朝咩??抵死啦..比人扣左咁多分..

第8~9堂:聽佢地講左兩堂嘢囉..好悶..坐係度諗嘢..

放左學後,我見倒練嘉俊,黃詩瑤佢地係2D門外大叫大嚷..又大鬧宋礎安唔放人..佢地好似講笑話咁,好好笑..

今日我媽返左來啦..佢肯定係問阿爸啦竟然知道我D分數..食飯果時就問人地點解唔合格..都唔知點講..咪同佢嘈左好耐..加上我今日唔知點解會咁嬲,仲大聲過佢..

今日收倒慧shan同紫薇既信,多謝啦..估唔到紫薇仲記得我..佢地兩個聽日就要考試啦,希望佢地會考得好好啦..

今日係咁多..

發表時間：2007-01-16 09:02 PM [ 訪客留言(2) ] [ 編輯日誌 ] [ 分享至FACEBOOK ]

2007 年 1 月 15 日星期一

2007-01-15

分類: 未分類

今日:

早讀我冇帶書..其實唔係冇帶,係連借都未借..我又驚比人鬧,於是我就去圖書角[求其]攞左一本返去睇..

第1~2堂:老師話唔歡迎我地上佢日記網睇日記,我都唔知D人點解要留果D說話囉,搞到而加冇得睇..之後就派卷啦..大卷就真係冇眼睇..其他都係一般般..

第3~4堂:又係派卷囉..都合格既,不過好低分,低分到我唔可以接受囉..佢話我溫唔哂D範圍..我承認佢咁話我囉..佢冇話錯我..我真係冇溫書..我係靠上堂聽倒果D嘢來考嫁..

之後個小息去左見郭sir..佢話我一定要提全班交D.T. file..佢依兩日要比分..我係依度講聲,未交果D聽日一定要交呀..佢話如果仲未收哂,你地會冇分,而且會[丙]我..

第5~6堂:我最唔想派果科點知又要派..又唔合格..你話讀咩書呀??已經派左兩科主科啦,竟然兩科都唔合格囉..唔好讀啦..

第7堂:派左佛學卷..係唯一一份令我冇咁難受既卷..不過比我預期中差..

第8堂:好多人以為對卷,所以唔帶書..所以冇教書..我就攞左岑樂堅粒擦膠來玩,點知搞到本書花哂..

第9堂:派左少少卷..不過唔係英文大卷..都ok啦..唉..

之後就返左歸啦..

食飯果時,我爸問我D成績點..我都唔敢講比佢聽囉..但係諗到遲早都要講,不如而加講..就講左比佢聽..中文唔合格有得解釋,但數學就唔可以囉..都唔知點解釋..

食完飯佢就係度鬧人囉..搞到人地心都煩埋..聽倒佢把聲都驚..

之後我細佬妹都派左..我細佬做錯左..我爸攞佢份卷入來問我..我知點計..但佢又攞埋佢把拉尺入來,我又睇唔明佢把拉尺點睇,佢又係咁講..搞到我勁無奈,係咁答佢:[係呀..係呀..係呀..]

而加D成績咁差,搞到我好唔開心囉..又唔想打日記..返來喊左勁耐..好想冷靜下自己既情緒..

今日係咁多啦..

發表時間：2007-01-15 10:21 PM [ 訪客留言(2) ] [ 編輯日誌 ] [ 分享至FACEBOOK ]

« | 5 | 6 | 7 | 8 | 9 | 10 | 11 | 12 | 13 | 14 | ... | 18 | »