今日:

今日下午上左去睇電視劇果D留言版,D留言好有趣,好好笑..

我都唔知點解見倒果D功課,書本,都提唔起勁..想做又唔想做..都唔知做唔做..

功課一本都冇做,唔好話溫書啦..

星期三就考試啦..仲要考中文大卷,連書都未掂..你想點呀??係唔係唔讀書呀??真係好憎自己..

遲兩日就考試啦..大家努力D啦(包括自己)..

今日係咁..

今日:

今日同個妹去左?和墟圖書館借書做功課..

借完就去行街買嘢食,食左勁多嘢..今晚又唔想食飯啦..

之後就返歸啦..一直都冇咩發生..

本來今日都幾開心嫁..點知岩岩發現我隻龜死左..養左6個月有多,就咁死左..好傷心..

隻龜死左,令我少左好多樂趣..

諗住考完試再買返隻啦..冇辦法啦..唉..

今日係咁..

今日:

我本來想韻佢陪我去學校同圖書館,點知佢唔喺屋企,所以就韻個妹去..

點知個妹又要補習,佢叫我同佢個補習老師講:[可唔可以早放佢??]

個補習老師就話:[佢做得哂D嘢咪放佢囉,做唔哂就唔可以走,你都跟過我,你應該知我係點嫁啦..]

聽佢咁講,我都知冇咩希望嫁啦..唉..

點知個妹4:40先返到來屋企..算..唔去啦..

之後就同佢出去附近行下..去左牽晴間行,點知撞倒周正豪..之後就去花都行..駛左勁多錢..

好彩個妹聽日唔駛補習,聽日先去啦..

唔知佢收倒我張卡未呢??希望佢收倒之後快D上來留言啦..我好掛住佢呀..^^

今日大致上係咁..

今日:

又係訓到10點..

之後就上網同玩msn..

下午同我妹出街買嘢..買左好多嘢..

買完嘢返到樓下,見倒好多救護人員出出入入,覺得好奇怪..

入到大堂,見倒一個阿伯坐左係地下..隔離有一大灘血..好慘..佢好似係跌親..佢係我地依座樓慨人..我好憎個保安,佢自己就企係度攞住部相機係度影,仲要一邊影一邊鬧人地阻住急救員做嘢,佢自己唔係呀??我好想同佢講:[你都係咁啦..死開啦..]..識話人又唔識話自己,我最憎依D人嫁啦..都唔知佢識唔識嘢嫁..

希望果個阿伯會冇事啦..

聽日約左人返學校..之後行街..可以唔駛咁悶啦..

今日係咁啦..

今日:

琴日我媽返來,攞住一袋嘢,打開來睇,嘩..成袋鞋呀..因為我個舅父係鄉下開鞋廠,我媽又佔佢便宜,攞幾對返來比我地著,雖然好普通,但手工都幾好..又唔駛買鞋啦..

琴日我媽返到來已經好夜,成8:30先食飯,食飯之前我仲對住部電腦,見倒電腦隔離棵花狂咁係度搖,我仲以為自己搞到咁,點知縮開隻手,企定個人,望住棵花,佢仲係度震,連我自己都感到震..我同我媽講話好似地震,佢好似唔係好信,點知15分鐘之後,新聞話有地震..佢冇得唔信..震到咁勁,佢都唔知..唉..

今朝係最早起牀嫁啦..8點幾就起左..

唔知點解部電腦今日慢左好多好多,慢到我冇耐性,連做嘢都做唔倒..你地部電腦今日有冇慢左呀??如果你地冇依個情況,即係我部電腦壞緊..

今日又係上網聽歌,唔想做功課..見倒D功課心情都火埋..唉..

日日都係咁悶..我打算聽日or後日返學校做功課同借書..唔想再係屋企坐..陪部電視過日子..

我唔知我屋企果單嘢搞掂未呀..要有待遲D慨觀察啦..希望已經冇事,咁我都可以開心D..我已經好耐冇見過自己笑啦..

今日大致上係咁啦..