| «‹ July 2026 ›» | | S | M | T | W | T | F | S | | | | 1 | 2 | 3 | 4 | | 5 | 6 | 7 | 8 | 9 | 10 | 11 | | 12 | 13 | 14 | 15 | 16 | 17 | 18 | | 19 | 20 | 21 | 22 | 23 | 24 | 25 | | 26 | 27 | 28 | 29 | 30 | 31 | |
|
2006 年 11 月 30 日 星期四  |
| 2006-11-30 |
分類: 未分類 |
今日有嘢講:
琴晚做功課做到頭暈,所以唔打日記就訓覺,對唔住啦..
今朝又要起身做功課,真係好辛苦..
第1~2堂:過得平平淡淡啦..
第3堂:小測中文,好多唔識做,空左,但我有溫書..
第4堂:今日考唱歌,好彩唔到我,下次先到我,我係下次慨第三pair,驚驚地..
第5~6堂:英文,默書,都幾好,默書都識,好簡單..但Miss Kong好似好火..
午膳食完嘢,又要去見副校長,我要向佢演講一次,之後佢話我好似緊張左d,所以無笑容..都怪佢..因為佢依句說話,搞到我笑,點知佢同我講:[嗱..你而加笑,咪幾靚..],都唔知佢咩事..
第7堂:又係I.H.堂啦..我因為見副校長所以遲左..但唔知點解要同佢say sor..係副校長要韻我,又唔係我要韻副校長,我又無做錯事,都唔知點解要同佢say sor..好似唔太合乎情理..哈哈..
佛學堂:都好正常,做作業..
今日放學真係好輕鬆,唔駛韻副校,又唔駛韻郭sir,so happy..
放左學,同田嘉敏返..因為今日早放學,唔想咁早返屋企,就同佢去左花都行,由4點幾行到5點幾..買左好多嘢食,唔知係唔係12月慨錢出左..今日都好過分,買完就飲,飲完就食,之後又食完就飲..仲上左去補習社探我慨前度補習老師,好彩佢仲認得我..
今日都過得ok,不經不覺就打左咁多嘢..
|
| 2006 年 11 月 28 日 星期二 |
2006-11-28  |
分類: 未分類 |
今日係咁:
今日著冷衫,又著外套,都仲唔暖,都唔知係唔係想sick..
第1~2堂:又講書,不過又係,唔講書又有咩好做..
英文堂:唔使默書,超開心..但唔知佢成堂係度up咩..
家政:佢又成堂係度鬧人,都唔知鬧咩..我依堂做左一件好唔好慨事,雖然好多人都知,但我唔想係度講,愈少人知愈好..(留言果D人唔好係度講,唔想比人罰..)
第7堂:老師係度講歷史故仔,我好鍾意聽依類故仔..
又到第八堂啦:數學,唔識計數,唉..算啦..係咁嫁啦..
放左學又要同一個中三慨人討論演講詞,佢話今晚韻我,我都唔想比個msn比佢,不過方便討論..都唔知點解阿sir要我返小學介紹..無奈..
今日都過得ok啦! |
2006 年 11 月 27 日 星期一  |
2006-11-27  |
分類: 未分類 |
今日慨事如下:
第1~2,5~6堂:係度練習誦,練左好耐,企到我隻腳好痛..
第3~4堂:依堂好悶囖,淨係係度考跳繩..呵..考試唔合格..
今日下午提早食飯,因為要去習誦比賽..
去到比賽場地之後,先發現我地早左成一個鐘去到,點知去到一陣就落毛毛雨,就行返入去有遮慨地方..之後愈來愈多人到,我就同人係咁係度批評其他學校學生慨儀容/行為,彈得好開心..
足足企左一個鐘,先可以上比賽場地..聽左幾組學生慨習誦,佢地都幾有實力,驚驚地..到我地啦,好緊張..誦完之後落返來,俞俞話我地誦得唔好,唉..唔駛望啦..
所有組誦完之後,個評判出來講嘢..講..講..講..講左一大篇廢話之後先宣佈結果,我地果然係一個獎都拎唔倒,勁唔開心囖..
最令人覺得唔公平慨係果間咩話..係呀..培僑中學呀,佢地呀..上台誦果時,係度玩/傾計..人地係上面誦果時,佢地係台下[鸚鵡學舌]..都唔知咩事,個評判都唔知係唔係比佢地買通左,佢地竟然拎左獎囖..有病..真係好難服眾囖,又唔係誦得好過人..
之後就要離開啦..我上左車之後,同人係咁鬧個評判..我都唔知佢係唔係反版評判,都唔知佢識唔識評囖..比我地咁低分,唔好果D就比高分..掉轉來評慨..
今日好唔開心同好嬲,比個評判激死左.. |
| 2006 年 11 月 26 日 星期日 |
| 2006-11-26 |
分類: 未分類 |
今日事情如下,請睇:
今朝又訓到10:00啦..
一訓醒,即刻開左部電腦同人玩,一玩就玩到5:00先做功課,開電腦期間發生左一樣好有趣慨事,想唔想知呀..我諗你地一定係萬眾期待嫁啦..
話說今個下午,我無無聊聊咁用緊電腦慨時候,突然我個妹望左下窗口,然後同我講:[上面邊個倒水落來呀],咁我就望左出窗口,見倒有條青色慨線放左落來,都唔知邊個瘋佬,我好好奇,就同我妹用曬全身慨力伸隻手出去捉果條線,哈哈..比我捉倒先..之後我同我妹捉倒條線,將條線有咁長扯咁長,愈扯愈長..扯到好長慨時候,突然比簷蓬浪住左..用力扯都扯唔倒..之後索性剪左佢..一望地下..哇..大收穫呀!!!有好多線,我真係好鬼鍾意依D線,係一D好正慨繡花線呀..哈哈..發達啦..有成一卷咁多喎,留來比自己用..我開頭仲以為上面邊個瘋佬放線落來釣魚添..我好驚D線係來至人地張被..如果有下次,我一定會扯多D..但要當心，可能會將人地張被扯埋落街．．
今日係咁，都過得ｏｋ啦！
聽日集誦就要比賽啦!2A班慨人,加油呀!!!^^ |
| 2006 年 11 月 25 日 星期六 |
2006-11-25  |
分類: 未分類 |
今日好悶：
唔知係唔係前兩日陸運會企得太耐，今朝我訓到１１點先起身，叫左份外賣早餐返來食．．
食完我就開左電腦玩ｍｓｎ同Ｄ低能遊戲，因為Ｄ功課太難，唔識做，所以搞到我唔想做．．
依兩日雖然係放假，但係好悶，都玩得唔開心．．
Ｄ功課又咁難，搞到我好大壓力．．
唉！日日都係咁，我都唔知邊一日會死得．．非人生活．． |
« | 9 | 10 | 11 | 12 | 13 | 14 | 15 | 16 | 17 | 18 | »
|
