| «‹ August 2026 ›» | | S | M | T | W | T | F | S | | | | | | | 1 | | 2 | 3 | 4 | 5 | 6 | 7 | 8 | | 9 | 10 | 11 | 12 | 13 | 14 | 15 | | 16 | 17 | 18 | 19 | 20 | 21 | 22 | | 23 | 24 | 25 | 26 | 27 | 28 | 29 | | 30 | 31 | |
|
2006 年 12 月 5 日 星期二  |
我今日好煩..  |
分類: 未分類 |
今日唔知有咩好講..
第1~2堂:都過得唔錯啦..
第3~4堂:好悶..我一上堂,就玩打字遊戲(速成),無聊..之後就上網睇日記..
第5~6堂:唔係好悶,都係咁..
第7堂:個故仔好好聽..我成堂唔講嘢,因為我好躁..
第8~9堂:我都唔聽佢講嘢慨..佢有佢講,我有我玩..
唔知係唔係聽日要出去做分享,所以壓力都好大,人都煩躁D..加上小息時,全班最煩果個又來煩我,係咁問,好煩呀..由於我果時好躁,所以以最差慨態度同佢講嘢..我都唔想嫁,邊個叫佢係我最煩慨時候來煩我姐..哼..
放左學,又要去韻S副校長..驚驚地..因為佢好淹沾..
去左校長室韻佢..果時S副校長唔係度,我就向兩位校長講,佢地都話唔係好大問題,都OK..點知個S副校長入左來,佢要我地向佢講一次..咁我咪講囉..講完之後,佢諗左陣,就係果一刻開始,係咁批評我..佢完全唔顧人地諗法,講嘢唔轉彎抹角,有嘢直講..仲問左好多我完全唔識答佢慨問題..我承認佢批評我果D,部份批評得岩..批評完之後,校長覺得有道理,又要我出去修改,係咁改..之後又要講比佢聽,今次都勉強過關,都唔知佢點解要咁執著囉..
自我鼓勵:I wish you can have a good luck tomorrow!!!
今日真係煩上加煩..煩到我好躁..
|
| 2006 年 12 月 4 日 星期一 |
今日好忙!  |
分類: 未分類 |
今日有嘢講:
第1~2堂:我好快就諗倒個作文題目,但就唔知點寫個開頭囉..
第3~4堂:我都係聽書聽一D唔聽一D..
第5~6堂:又係計數堂,成堂計數..
第7堂:都唔知做咩,改曬所有正就坐係度發呆..
第8堂:普通話(my favourite),都過得好快..
第9堂:英文,老師幫我地練英文口試..
一放學,就落左禮堂,坐係度好耐先到我考..首先去考中文先,原來今年都係考朗讀,唔係好驚,都幾鎮定..
考完中文,落返來禮堂,就即刻比人叫左上去考普通話,D詞語好簡單,但發揮題好難,我從來都唔祟拜歌星,又點會有最喜愛的歌星依樣嘢呀..又唔可以唔講,惟有作一個比佢..作左個Janice比佢,之後up左一篇廢話..
考英文啦..好驚..present又present得唔好,唔好話討論啦..我討論係同廖富雄,26號,仲有唔知邊個一組..唔記得左..佢地講D嘢好好笑,搞到我笑..唔知個老師會唔會認為我地對考試唔認真..之後廖富雄提意見,我反對佢意見,佢就一邊笑一邊講左一句XX,我地成組細細聲笑,但個老師聽唔倒果句XX..
考左咁耐,考到6:05先放得..嗱嗱林搭車返屋企..返到去已經6:40..
今日都過得OK啦.. |
| 2006 年 12 月 3 日 星期日 |
2006-12-03  |
分類: 未分類 |
今日好忙:
朝早又係訓到好遲先起牀..
一起牀,就開機同人玩msn..一玩就玩到下午..都幾悶..
下午我打算左好耐,終於決定左出上水,去圖書館借書,又去行街..上水圖書館都唔知係唔係廢,一本佛學圖書都要韻咁耐..其實都唔知係唔係應該話佢個查書系統廢..查書系統顯示上水圖書館一本佛學圖書都無,但我韻左好耐,比我韻倒一本..浪費左我好多時間..
返到來就去訓覺,因為真係好累..況且我隻腳又傷左,行到我好累..因為要扮下嘢,唔通我要行到跛下跛下咩..
訓醒就食飯..
之後就做功課,我好多功課未做,幾乎未做過..但我又好想睇[明日之後](正嘢),結果都唔睇..唉..
而加已經係11:50分啦,我都仲有作文未作,你要加油呀!!
各位,早頭啦!今日都過得ok啦!聽日見.. |
| 2006 年 12 月 2 日 星期六 |
2006-12-02  |
分類: 未分類 |
今日贈言:
今日起牀都幾涼,我隻腳比佢涷到好痛..
今日又係無咩做..下午打算出上水行街嫁,但係都無人同我去,所以唔去..但係就去左碧湖行..
睇來都係聽日先去啦..唉..
今日食飯真係黑..食緊粒肉遠時,唔知點解哽住係喉嚨,即刻將佢搞返出來..好彩死唔去炸..我真係大命呀..
今日好悶,係咁多.. |
| 2006 年 12 月 1 日 星期五 |
| 涷傻左我.. |
分類: 未分類 |
今日日記:
今朝好似都幾涷,一早就醒左,但係由於好涷,搞到我唔係好想起牀,一直訓到10:10先起牀..
起左牀又唔知做咩好,一個人都唔係屋企,搞到我由早上10:30至到夜晚7:00都係自己同自己玩,一係就同我隻龜玩..無聊..
因為太過無聊,所以就織[串串吉祥結],因為星期三學完之後,拎左一份返來試織,唔知點解咁好彩,成個織左出來,仲好成功..好ya..又學倒一門手藝啦..
5點幾,我阿媽又打電話來,叫我落去買餸,就係咁,做左一次買菜婆..哈哈..
今日就係咁,都幾悶.. |
« | 9 | 10 | 11 | 12 | 13 | 14 | 15 | 16 | 17 | 18 | »
|
