| «‹ August 2026 ›» | | S | M | T | W | T | F | S | | | | | | | 1 | | 2 | 3 | 4 | 5 | 6 | 7 | 8 | | 9 | 10 | 11 | 12 | 13 | 14 | 15 | | 16 | 17 | 18 | 19 | 20 | 21 | 22 | | 23 | 24 | 25 | 26 | 27 | 28 | 29 | | 30 | 31 | |
|
2006 年 12 月 15 日 星期五  |
2006-12-15  |
分類: 未分類 |
今日:
早會時候,老師調左我位,調左去尾三行第2個位,原本個位都幾好嫁,點解要調人地去咁遠喎??
第1~2堂:作文,頭果一堂幾乎係發夢,冇作過任何嘢..得返幾個字時間作慨時候,直情係3分2都未作完..唉..真係失敗呀..不過篇文我覺得都作得幾好..係個結尾唔好,環境轉得太快啦..
第3~4堂:冇點樣聽佢講書喎..果個煩人又煩足我兩堂啦..help me..
第5~6堂:都係冇聽佢講書,自己係櫃桶度做數獨,之後就唔識做書..我隔離果個岑樂堅係咁同周正豪串,串得來有趣,佢仲攞我塗改液去擲周正豪,超好笑..
第7堂:小測,佢講八苦果時,我唔知佢講咩,仲以為佢講緊南山白虎tim..所以冇做依題,點知對果時,先知佢講緊八苦,原本識都變唔識啦..我有溫少少嫁..比依題累死..之後就繼續講我地慨衛蘭大師啦..
第8堂:今堂都過得幾快啦..係咁做Listening..
第9堂:對完W.S.就比功課,好多功課做呀..
放左學,又要去果個串串吉祥結教人做,佢地個個都唔係好明,差唔多全部都係我幫佢地織,做到6:15先離開學校..累死我啦..
今日慨身體超超超超超差呀..喉嚨好乾,好想咳,個人又好累,睇來兩日之後必死無疑..如果又咳慨話,肯定今個循環週慨體育堂又唔駛上,因為我咳慨時候會引發一種好嚴重慨病,果個病會隨時冇命..(冇命的確係言重左,但係真係好嚴重)..
今日大致上係咁啦..
|
2006 年 12 月 14 日 星期四  |
| 2006-12-14 |
分類: 未分類 |
今日:
今日冇帶遮..返學途中雨中漫步..嘩..正呀..
一返到去,即刻問人數學果幾題點做..唔好咁煩啦,索性叫人抄低答案,然後比我抄..
第1~2堂:講書,講書,之後又係講書..
第3堂:又係講書..唔知點解崔耀安又講粗口..
第4堂:音樂堂,要考唱歌呀..我原本仲諗住叫佢遲D先幫我考,把聲沙左,唔想唱..不過算啦,唱都唱左啦..沈智榮..我真係服左佢..佢今日講自己個名,講到好似唱歌咁..笑死我..
第5~6堂:對工作紙,錯到七彩..之後做Listening..點知我改果本係梅重慶果本..
午膳:食完嘢唔記得買報紙tim..返到去學校,見倒樺樺,佢提起我先記得要買,即刻同黃嘉琪冒雨飛奔去7-11,幫埋樺樺買,好似係去人地間店到掃貨..
第7堂:報紙分享,佢冇叫到我,唔知點解今日我好想佢叫我做分享..佢今日把聲沙得好緊要,希望佢可以快D好返啦..
第8堂:做作業..係咁做..
今日我收到樺樺一封聖誕卡..Thank you for your card..
放學我又同佢冒雨出去玩,之後就踏上左歸途..
今日大致上係咁.. |
| 2006 年 12 月 13 日 星期三 |
2006-12-13  |
分類: 未分類 |
今日:
第1~2堂:成堂做工作紙,今晚仲要返去做,好多張..冇D新意思..
第3~4堂:比隔離果個煩到我暈左,見倒佢都要彈開十呎遠..
第5堂:present,好彩佢唔叫我,叫我就死啦,因為我冇作到..
第6堂:岑老師鬧人,不過佢地真係過份左少少呀..
第7堂:畫圖畫到傻左..今晚份功課好難做,比4題數,一題都唔識做..慘..唔係又要欠功課呀???唔好啦..
第8~9堂:做作業,老師係咁講,我就係咁抄..都冇咩特別..
放學冇嘢做,佢又去左荃灣考察,自己寂寞地走在歸途..返屋企訓覺..
今日就係咁啦.. |
| 2006 年 12 月 12 日 星期二 |
| 2006-12-12 |
分類: 未分類 |
今日都過得唔錯:
第1~2堂:改作業,做作業..當然唔少得慨係佢一入來就鬧人啦,一入來就鬧人已經成為佢慨標誌..
第3~4堂:佢又係咁,一入來就鬧人,因為我地做功課做D唔做D,所以老師就鬧,好多人記欠交功課..咁又唔可以怪佢,我地係應該做功課..
第5~6堂:D.T.,做相架,離開之前,又係比人鬧,仲要全部鬧..今日頭幾堂都係比人鬧..唉..
第7堂:依堂都好D,做工作紙,係咁抄..
第8~9堂:數學堂,派小測卷,哎..死..唔合格,又要重測啦..仲要測到一題都唔錯,有咩可能???我都唔明依課UP咩..搞錯..
今日唔知咩事,崔耀安同梅重慶啾,我都唔知佢兩個咩事,阻止又阻止唔倒..唉..算..索性唔理啦..
今日放學唔知有咩做,就返屋企.. |
| 2006 年 12 月 11 日 星期一 |
| 2006-12-11 |
分類: 未分類 |
心情都幾好慨一日:
今朝一早返左去,早左成35分鐘返去..
之後做討論,就present..
做完所有嘢之後,悶悶地,唔知做咩好,就成組人玩猜包剪捶,老師一行過來就縮手..與其係咁,我都唔玩啦..睇佢地玩..佢地玩到情緒不受控制..
搞左好耐,終於放學啦..
放左學就同林婉樺佢地出上水食,果碗咁慨嘢,都ok啦,惟一係果D醬好難食,又廿幾啦,算啦..
食完就坐火車返屋企啦..沿粉嶺中心返,再係碧湖度買嘢..
今日唔同你一起返屋企,走去同人食飯,真係好對唔住呀..
今日都過得OK啦.. |
« | 9 | 10 | 11 | 12 | 13 | 14 | 15 | 16 | 17 | 18 | »
|
