| «‹ July 2026 ›» | | S | M | T | W | T | F | S | | | | 1 | 2 | 3 | 4 | | 5 | 6 | 7 | 8 | 9 | 10 | 11 | | 12 | 13 | 14 | 15 | 16 | 17 | 18 | | 19 | 20 | 21 | 22 | 23 | 24 | 25 | | 26 | 27 | 28 | 29 | 30 | 31 | |
|
2006 年 12 月 10 日 星期日  |
2006-12-10  |
分類: 未分類 |
不太完美慨一日:
朝早一起牀就開機玩msn,玩到成2:00先熄機..
熄左機就諗住同個妹去圖書館借書做功課,佢應承左,換好衫之後,佢見我媽換衫出街買嘢,就反口話唔同我去,我不嬲都係有人同我去我先會去,但佢而加唔去,搞到我都唔去,跟佢地出去行街,搞錯..聽日唔駛交功課啦..欠交啦..
去左碧湖行,行完就行粉嶺中心,係間寵物店度見倒一隻cat,都幾得意..
返到來屋企之後已經成4:30,我就睇我媽執衫,到5:00,我就走去訓覺,佢又偏偏依個時候叫人地去沖涼洗頭,我唔理佢,繼續訓,訓到6:00,就食飯..
食完飯之後,佢又叫人沖涼洗頭,我果時睇緊電視(睇多2分鐘諗住去),點知佢發我火,係度鬧我,我先唔會理佢呀,同佢嘈左一陣..之後佢就熄電視,大家唔駛睇..溫書沖涼..我無奈去沖涼..如果我係以前果個,一定會同佢大嘈,會開番部電視,佢鍾意打就打啦..
我依兩年已經係不斷咁改緊我慨態度,學識忍,但係有時真係好火滾..
今日真係好嬲..
|
| 2006 年 12 月 9 日 星期六 |
好悶..  |
分類: 未分類 |
今日:
一朝早起牀,諗住同人玩msn,點知做緊例行工程,入唔倒,到左成2:00先入倒,搞到我呆左一朝早..
下午又係係度睇電視,都唔知有咩做..
唔得..我聽日一定要韻嘢做,Maybe去圖書館啦..借書呀..
總知今日唔係玩電腦,就係睇電視,冇咩特別..
今日真係悶死我啦.. |
| 2006 年 12 月 8 日 星期五 |
2006-12-08  |
分類: 未分類 |
今日:
好早返左去,係操場坐,同人傾計,之後就排隊..
排隊慨時候,老師問我男有幾多,女有幾多,但我男同女都報錯數,搞左好耐..唔知我係唔係今日慨狀態唔係咁好,連幾多人都唔知,亂咁up..
等左好耐先可以出發..等慨期間,好悶,所以就同黃嘉琪玩遊戲,猜輸左要比人係手背打一下(幾大力隨人鍾意),佢打得好大力,不過都算,因為係遊戲規則,我鍾意依個痛(我今日反常)..玩到上車先停,我比佢打到我個手背微絲血管爆裂,不過比起我同我妹玩真係好少意思,我妹係有咁大力打咁大力..恐怖..
上車之後,為左唔會悶,我拎左本書出來睇,本書都幾好睇..
之後到左..我地首先參觀鐘樓,之後去厠所,厠所出邊慨側邊有個人係度幫人畫畫,我都想叫佢幫我畫番幅,做一個紀念,但又驚佢畫得唔似,又要比錢佢,咁佢咪好好earn..
沿途都參觀左好多個景點,都好悶,唔想講,之後去星光大道做問卷調查,我問左好多人,有d做,有d唔得閒..比人拒絕左好多次,真係sad..又唔係我地唔禮貌,佢地都唔識嘢慨..
之後果d都唔講啦..午飯去左食m記,果間m記好細..
之後經過鳥湖,去睇雀仔..佢地又唔識飛,又要拍對翼過湖,係水面快速行過,好似識輕功咁,個個都係度笑..之後去香港文化探知館,裏面咩都唔好玩,得部升降機先好玩..我同人係咁玩部升降機,無聊..
之後去埋資源中心就返去..搭車果陣都係係度睇書,今日起碼睇左3分1,進度都幾好..
今日真係勁悶!!!今晚又要訓返個好覺.. |
| 2006 年 12 月 7 日 星期四 |
| 搞錯.. |
分類: 未分類 |
今日:
第1~2堂:中文堂,個余老師來影我地,全班都扮到鬼死咁乖,冇曬平時慨活力..
第3~4堂:今日又係我第一個換完衫,出左來坐左成幾分鐘先有人出來,唔通我換衫真係咁快?
第5~6堂:嘩..小測好多唔識做,正嘢..
第7堂:改左做佛學堂,問書,又問唔到我,下次兩課一起問,睇下點死..
第8~9堂:英文,係度改作文,好多錯囉..改左咁耐,改到我好頭暈,好唔舒服..之後我就係度好唔耐煩咁鬧,比Miss Kong聽倒,叫左我出來問話,但我聽唔倒,唔知佢問咩,又唔知佢係唔係問我有關鬧果件事..唉..算..對唔住啦..我做得唔岩..
之後就放學,去左開會,點知落到去見倒個主席姐姐,佢同我講,唔知今日有咩同我地講,佢話我地可以走..因為依件事搞到我睇唔倒一場排球比賽,唉..不過我唔會怪個主席姐姐慨..
今日都過得ok慨.. |
| 2006 年 12 月 6 日 星期三 |
| 2006-12-06 |
分類: 未分類 |
今日好驚:
第1~2堂:因為今日洪老師冇返,所有兩堂科學都係俞老師代..第1堂做listening,之後果堂去實驗室玩估人遊戲(描寫),佢地將一個人形容得好好笑..
之後第3~4堂都冇上堂,因為我要返小學做分享..落到去,我地等埋另外果兩個人就出發,原來S副校長都去,搞錯..嘩..坐方校長架車去,正嘢..都幾舒服..去到之後,竟然係鄭sir出來迎接,呵..上到禮堂,就坐低,聽陳惠珍校長講嘢..之後就到我地講,好驚..
中間有段唔記得左,就睇紙..不過比起琴日好左好多,琴日對校長講,睇左張紙好多好多次,自己都頂唔順..講完之後,我自己都覺得比琴日對校長講好好多,個人都幾定,唔係好驚,都唔知點解..我覺得有兩個原因:1.我覺得對D家長講嘢唔使講得咁好,佢地又唔識嘢慨,所以我懷住好隨便慨心態去對待。2.因為我琴日係對住S副校長講,見倒佢個樣都好驚..而今日係對住家長同學生講,感覺好好多..之後再聽左方校長講嘢,就離開..離開之前小學送左份禮物比我,一樽水,潤喉..哈哈..返到來,已經11:30,即刻上去上堂..
我今日V.A.堂冇上,我慨組員要做咁多嘢,今日真係辛苦曬啦..
第5~6堂:講中史報章設計..
第7堂:音樂,考唔到我,好ya..
第8~9堂:係度分組玩話劇果類嘢,咁岩黃嘉琪冇組,而另一組又唔肯拆一個人同黃嘉琪一組,之後佢入左我地果組,老師就話兩組一起罰,好唔開心..之後佢同我地講番:我地果組唔駛罰,因為佢明白我地果組慨情況..
放左學之後,就同黃嘉琪去圖書館借書,佢又要當值,我陪佢陪到4:35,而且我又用佢張學生證借左一本書返來睇..書名:媽媽不是慈母
之後落左去睇排球比賽,睇左7分鐘就走左..我好想睇聽日慨排球冠軍賽，定社VS念社..但我又好想韻人陪我睇,冇人陪我睇,我都唔會去睇,因為太寂寞啦..
今日都過得ok啦．． |
« | 9 | 10 | 11 | 12 | 13 | 14 | 15 | 16 | 17 | 18 | »
|
