今日:

今日我妹要返學..我6點叫佢起身,佢伸左個懶腰,又訓返去,我咪唔理佢囉..我又繼續訓..點知我訓到7:15,起身睇下佢走左未..見倒佢仲係度訓..我即刻叫佢起身,同佢講已經7:15,佢即刻彈起身,然後話我點解唔叫佢起身..佢好似唔記得我有叫佢..佢以極快既速度搞掂所有嘢..係7:27出門口..不過佢學校既打鐘時間係7:25..我諗佢實會遲到..點知佢放學返來同我講佢冇遲到..無奈..

之後一直訓到11點..

由於琴晚打邊爐仲有剩好多材料,所以我地下午果餐都係打邊爐..隻手竟然唔小心比個鍋燙傷左,搞到我即刻彈開..嚇親我..又比D熱水彈落我隻手度,熱死..

之後就去左上網聽歌..我最近韻倒一首歌,係日本歌,不過就唔知佢個歌名,因為我係英文網站download落來..都幾好聽嫁..原本想將依首歌攞來做日記網背景音樂嫁,但係因為個檔案類形唔同,所以擺唔倒上來..如果你地想知係咩歌,就到以下網址:

http://www.sendspace.com/file/u8zskd   (係依個網既中間,會有一個Download Link: aina_-_yasashii_sayonara.mp3 , 之後按下去直接download就得)

我媽今晚出左去飲喜酒..唔知係邊個果餐喜酒..

今日係咁多..

今日:

好似依排成日都唔打日記喎!唔好意思啦..

講番今日先..

8黠幾起左身,係牀上睇書..佢地又全部出哂去..

睇到10點幾就開電腦啦..都係韻下資料聽下歌咁..

食完午餐之後..我媽打電話來..叫我將電視機上面張成績表攞去火車站比佢(張成績表係我妹)..仲要我快D拎比佢,有咁快得咁快喎..為左可以快D攞比佢,所以決定飛單車去,去到有氣出冇氣入..今次係我人生飛得最快既一次..哈哈~點知比左佢,又要幫佢攞三大袋嘢返屋企,不過今次有我細佬幫手..

今晚打邊爐..D嘢多到食唔哂..正!點知途中隔離班李文淵個阿媽上來我屋企,佢話佢要同人打馬吊,上來借枱..無奈..

今日都算幾開心啦..

今日大致上係咁啦..

今日:

今日好早就返到去學校..因為英文book report仲有少少未寫..要返去做..

第1~2堂:都唔知阿sir講咩..D題目佢抄我就抄..但唔明係咩意思..

第3堂:老師唔舒服,冇上堂..自修..

第4堂:都係唱下歌咁..做下工作紙..

第5~6堂:做present..篇嘢我背左好耐嫁..不過都唔係咁好..

之後去食飯,係門口見倒黎sir,佢問我點解D數學差左咁多..都唔知點答佢好..丟臉..

第7堂:講雞腸講足一堂..悶..

第8堂:依堂都好D..做哂改正,比佢改完,就做自己嘢..正!

之後就返歸訓覺..

訓係牀一個鐘,完全冇訓過..因為我阿媽打電話來,叫我地起身,陣間出去食飯..

但係我好攰,唔想起..所以係牀度好耐先起身..點知老竇返左來,佢要沖涼,但我果時咁遲先沖涼,搞到又比佢鬧左一餐..

之後就去左華明酒樓開餐..都幾好食..

今日出去食飯,係因為我媽生日..我係度祝佢 ''生日快樂''..

今日係咁多..

今日:

第1~2堂:好多時都係講雞腸,大部份都聽得明,都係聽D唔聽D啦..

第3~4堂:要present呀..我就真係服左岑樂堅啦..佢冇作到,出去present既時候當場作..我又唔掂..我鬼知佢要我地講咁多資料,咁多要求咩..搞到又要present多次..

第5~6堂:兩堂都係度學搞果個咩咩嘢..都唔知果樣係咩..

第7堂:俞老師冇返,由黃sir代..都唔錯啦..係度睇書..

出去食飯,差唔多食完既時候,見倒我地班幾個男仔經過..佢地同我hi,我咪同佢地hi囉..點知又比個老闆見倒依個情況,佢又係度同我講咩咁靚仔囉..佢咁講即係咩意思呀??聽倒之後好火..

第8~9堂:阿sir未來之後,我打側坐..唔知幾時崔耀安同岑樂堅調左位..之後崔耀安[喂]左一聲,我令轉頭望下,突然見倒崔耀安係度,嚇親我,哈哈..之後阿sir就來左..講書..

放學又比人嚇..不過佢今日嚇過我第一次,我當然對佢有戒心啦..所以第兩次冇比佢嚇親..佢個嚇人計劃唔成立..哈哈~

之後就返歸..今晚又有好多嘢做啦..

今日係咁..

今日:

好早起身睇書..睇到10點,阿媽就入來,即刻扮訓覺..

1點幾就同人去左?和墟圖書館..點知去到咩都冇做過..唉~失敗..搞到聽日又要去..

之後就買嘢返來比個妹食..做左佢工人..不過冇糧出..

返到來,見倒佢D朋友係度..仲要係度練歌..冇覺好訓..

岩岩又同個細佬鬧交囉..激氣..好鬼憎佢囉..憎到好想打佢..成日都係度惹我..

今日係咁多..