今日:

琴日同人去左買朱古力..

今日早會時,老師仲未上來,所以佢地係度嘈..嘈到連要問訊都唔知,點知個洪惠萍係出邊監視我地,見倒我地咁,就入左來,叫我地企係度聽宣佈,之後又同我講嘢,我都冇理佢,冇聽佢講,佢同我講嘢,我就點頭..無奈..

第1~2堂:冇做咩..講聯歡會D嘢..

第3~4堂:係度練排球..之後比人地個排球打中自己個頭..比個波打傻左..之後見頭暈,就入左去醫療室..7分鐘之後,就出返來..

第5~6堂:冇聽阿sir講嘢..唔想聽..

第7堂:默書..都ok既..之後又講書..悶~

第8~9堂:做present..唔知我係唔係今朝比個波打傻左,竟然好想老師抽中我號數,然後出去present..傻既..之後做discussion..依個仲悶..

放左之後,留左係課室幫老師手,幫佢包書..要求都幾高..

5點鐘,就出左去超市買食物,好似去掃貨咁..果陣時,我覺得都幾開心啦!!!

買完返來,已經6點幾,即刻打電話返屋企..

今日係咁派朱古力..自己都收倒唔少..開心..

祝大家[情人節快樂]!!!

今日:

6:20比個鬧鐘嘈醒左..叫我妹起身返學..叫完佢又訓返去..6:40我又叫多次,佢又醒左又訓返去..之後我上返去訓,訓到7:15比阿媽嘈醒左..原來我妹仲未返學..之後佢比人鬧,佢差D遲到..抵死~佢仲話我冇叫佢起身喎!!!

我妹走左之後,我又訓,訓到8:30,比我阿媽叫醒左..又出沙田..

佢首先要去健康院做檢查..去左成個鐘多D..都唔知有咩好做..悶..

之後佢就帶我去敦豪海鮮酒樓食早餐..

原來果間酒樓係廢既..原全冇嘢食..想去食點心都冇得食..果度D點心數量係一般酒樓既10分之2..我地淨係叫左一籠蝦餃同一盅飯..籠蝦餃D蝦有成陣腥味,嘔..之後盅飯我同我媽一人一D..真係難食到食唔落..就結帳走人,兩樣嘢食都要22蚊..而加就快新年,我都要贈佢地間酒樓一句:祝佢地間酒樓早日執粒!!!

之後就去左行街..D衫好樣衰..所以今日既收穫就係:淨係買左件褸..都ok..

之後就返屋企..

今日係咁多..

今日:

今朝6點幾就起左身..之後食完早餐就行返學校..

7:50就上到去3樓..諗住去韻洪惠萍,點知係3樓門口撞倒佢..佢叫我上去韻男班長..

都唔知點解廖富雄咁早就返..兩個係課室行行企企..搬下嘢咁..無聊~

隔離班8點已經開始左見家長,我地就8:15之後先有人來..

因為悶得滯,所以帶左本書來睇..一個早上都差唔多係企住來睇書..因為洪惠萍唔比人坐..攰死我~

我真係唔好彩..要見洪惠萍..佢係咁講我D數學又點又點..又比數學拉低哂D分..

上年果個位又比人坐左啦..

今年又差左好多啦..唉~返到來屋企仲要比人話..壓力好大..

今日係咁多..

今日:

琴晚真係當黑呀..竟然比把利器割親..我都唔知我屋企果D膠布係唔係廢既,唔識止血,淨係識滲血..劣質膠布..

第1~2堂:又唔聽佢講嘢..自己有自己做數,佢有佢講..

第3堂:冇教書..淨係講下星期聯歡既事..

第4堂:係度聽李雲迪彈鋼琴..佢真係好鬼勁,施展佢既[禽拿手]黎彈,快到咩咁..我覺得佢彈得好好聽..

第5~6堂:係度玩方向同路線,有D唔明啦..

第7堂:默書..都ok啦..之後就講書..佢又叫人幫佢收單行紙囉..收到亂哂大龍..明明果日記低左佢地既號數,今日去追收返,佢地竟然話交左..真係好奇怪..唔通我果日對眼有問題??記錯號碼??

第8堂:好悶..比人抄改正,點知岩岩比人抄完姐,想做果時,又比人攞走左..無奈..搞到我遲交..

放左學,去左圖書館9個字,到4點鐘,就落左去SAC室參加書法比賽..超無聊囉..阻住我放學..

今日係咁多!

今日:

琴晚都唔知邊個咁無聊囉..11點幾都仲打黎我屋企..果時我媽佢地全部訓哂覺,我去接電話,攞起電話問佢韻邊一位,佢又特登扮到好似鬼叫咁答我,但係答D嘢竟然牛頭不對馬嘴..問佢係邊個,問左好多次,佢都唔答我,我知道一定唔係韻我,所以就好唔耐煩咁cut電話..點知一放低姐,佢又打黎..煩..今次我冇聽佢電話,直接掛起電話,唔比佢再打黎..乞人憎..

今日返到去,拿拿林做功課,仲有少少功課未做..我真係覺得自己好過份,成日都要留D功課返學校做,雖然係做得哂姐,唔係好多,但都唔可以咁..

第1~2堂:佢又叫我起身答問題囉..又係唔識答..不過企左唔夠4分鐘就有得坐返低,我仲覺得4分鐘真係太短,應該企耐D..

依個小息真係比徐浩成煩死..好彩我係差唔多溫哂姐,唔係就玩完..我係度溫緊科學默書時,佢要我唔好溫,所以設法阻住我溫,所以佢使出佢既[千手觀音],係咁係我面前揮來揮去,搞到我連筆記都睇唔倒..

第3~4堂:係實驗室溫埋果少少默書範圍..之後就默書..竟然岩哂..匪夷所思..之後就係度做實驗,係我地班先有得做既實驗..好好玩..係最好玩既一個實驗..我地將果兩塊葉送左比俞老師做紀念..

第5堂:有人因為不滿我地既功課,發惡,將差果D功課撕毀,仲攞來比我記佢地..

第6堂:好悶囉~呵嗯~成堂做聆聽..

第7堂:冇聽佢講嘢喎..唔知佢講咩..

第8~9堂:都過得ok啦..唔多講啦..

今日係咁~