今日:

返到去,攞左人地本簿去抄!

第1~2堂:都係做下工作紙咁啦!

第3~4堂:又係最開心既一堂!成堂都係上網,根本唔知阿sir講咩....

第5~6堂:又係咁悶!

唔知男班長lunch走左人,佢又冇同我講佢要走,搞到我冇拎點名簿上來!!!

第7堂:依堂都ok啦!

第8~9堂:依兩堂就更加唔駛講啦!簡直悶到咩咁!佢仲要人地出去幫佢搞果個木頭車....勁煩!竟然比埋D超齡兒童玩既嘢比人玩!服左佢....搞到我都變超齡!!!

返到去公園樓下,同田嘉敏傾左一個鐘....我都唔知佢講既嘢係真定係假,不過算啦....我都講左比佢聽....

唔知點解,我今日都有D火!!!

今日係咁!

今日:

一直訓到10點先起身!

之後下午1點佢又話唔去得住,要1:30先去得!繼續玩電腦!

之後1:30去左碧湖出面果間OK便利店等佢!

去左成1個鐘多D先去到深水埗基隆街!

我地諗住去果D鐵皮屋攤檔買,因為果D會比較平,而且比較靚!

但係我地行哂成條街既鐵皮屋攤檔,竟然全部都冇開鋪,得一間開左!我地就行過去睇下,發現佢D布唔係咁靚,多數係淨色!咁咪諗住走,順便問埋佢點解其他鐵皮屋唔開,佢就話因為今日係星期日,暈低左!!!

之後就去布行,大部分布行都唔比你買一碼,最少要買同一個款既三碼,即刻走人!連D布行都係咁,星期日全部關門咁滯,好艱難先韻倒一間係可以散買,但係佢D布都唔靚,勉勉強強買左一碼囉!

但係D布好鬼貴!貴到傻左!!!淨係係佢間鋪都買左150蚊!唉~

之後本來諗住去金魚街睇嘢!但係佢又話要返粉嶺食嘢,所以冇去到!

希望下次有機會可以去倒金魚街啦!因為我未去過!

之後返左去粉嶺m記食嘢!食完就走人!

今日大慨係咁!

今日:

今日要係操場集隊..而且聽日都要..企到人地勁攰!我祈求聽日落雨落大D....

第1~2堂:唔知佢講咩..聽唔明....

第3堂:做工作紙!抄..抄..抄....

第4堂:教左隻新歌..都ok既!

第5~6堂:佢問我地有關果本故仔書既內容..D題目都唔係好難!

第7堂:對書..份報紙講都冇講....

第8堂:勁鬼悶!!!

今日比魚蛋擲斷支原子筆既墨..殺死佢!!!

今日係咁!   

今日:

D功課琴晚做到死死下~做到11點幾,就做完!之後上網睇電影..

第1~2堂:首先問書先..之後再講書..悶~

第3~4堂:佢又問人新年做過D咩special event..我又係度幫佢記欠交功課,冇諗..點知佢又叫我講..講唔出,企係度!!!之後佢罰我唱歌..仲問人有冇音樂書,點知岑樂堅有,比佢激死!!!算啦!當考試咁唱....

第5~6堂:悶到唔想講~又比人鬧!

第7堂:做工作紙..

第8~9堂:講畢氏定理..勁悶..完全聽唔入耳..

唔知點解,今日晚飯唔肯食飯..食左好少,肯定cat都比我食得多..唉~之後仲好肚痛..真係好唔掂!!!

今日我覺得自己有D問題..唔知係唔係岩岩放完新年假,心都散左!所以今日完全冇聽過書..係咁顚,係咁笑,係咁玩!傻左!!!

今日係咁!

今日回鄉,依個假期唔打日記,假期後記得上來睇!!!