今日:

一朝起身,個喉嚨勁痛囉..食嘢都食唔倒!

返到去,見倒櫃桶有張紙仔,係要交錢果張嘢,我先醒起我琴日冇帶依張嘢返屋企,而且又冇帶錢返黎交囉..係度周圍問人借錢,借左50蚊!

早會佢又調位囉..佢終於調走左果個人啦,開心..我唔想佢調我個位囉,而加咪幾好~雖然調走左果個人,但好似冇咩效果囉..反而變本加厲,淨係今日都...手指一算,佢起碼都煩我超過5次囉..我就黎想打佢嫁啦..佢真係想逼死我..

第1~2堂:勁悶囉..係度同黃嘉琪,林婉樺佢地傳紙仔傾計..但我又驚比阿sir見倒,所以玩左一陣依個活動就告一段落啦!我真係覺得自己好衰,上堂做埋D咁既嘢..

第3堂:同中文調左堂,又係數學..我依堂真係冇聽佢講書囉..係度串人..

第4堂:又做果個分組活動..

第5~6堂:講作文D嘢..抄..抄..抄..

今日黃嘉琪要默書,冇同佢食..諗住今日應該都係2個人食嫁啦,點知之後隔離班又話想同我地食,咁咪一起囉!去左甜在心頭食..第一次..都OK啦..係果度食見度Sandy姐..

第7堂:又似講數學..都唔知點解今日有咁多堂數學堂..

第8堂:係度問書,仲要用紙寫低果隻..我都唔知今日要問書,所以冇溫,點知真係好多唔識..

落去交埋嘢就返屋企啦..

平平凡凡既一日又過去啦!

今日係咁..

今日:

第1~2堂:俞老師冇返..佢病左..希望佢會快D冇事啦!

第3~4堂:落雨..係操場做體能測試,樣樣都差左..之後Sunny叫我去睇陸紫琪D體能成績做成點,最衰個陸紫琪知我既企圖,佢又要等到最後一個寫,搞到我睇唔倒..之後個葉sir又唔知咩事,大熱天時罰我地係籃球場企,問我地係邊個冇關飲水機,而且仲要開到咁大喎..又要我上去韻黃sir囉,鬼咁煩..上到去叫左一次佢都未出黎,之後劉錦鴻幫我叫多次,佢先出黎..之後佢先落黎接我地上去..

第5~6堂:上到去,勁熱囉..講書先..之後就小測,都係一般般啦..

第7堂:唔記得今堂要默書..打左鐘先記得..即刻溫..點知佢黎到之後,又話唔默住..比佢嚇死!之後就做一週大事,竟然最後一組係我地囉!我地都預計倒嫁啦,後面果幾組都做左,我地都有可能要做..

第8~9堂:勁悶囉..係度做present..抽左咁多個,好彩冇抽中我..之後做討論..

之後去左家政室買紙..佢之前又同人講話果張紙5毫紙,佢而加又話1蚊囉..我唔係計較果5毫,而係唔信佢..佢乘機抽水攞利益..算啦,唔理啦!

之後就上返去圖書館借書..借左三本書..差唔多全部都係[飛躍青春系列],我覺得依個系列既書都幾好睇..講既嘢都幾有意思..

借完之後,係圖書館同林綺媚,仲有連先生佢地傾閒計..

之後就返屋企啦..

聽日我同我阿媽都會陪個妹返馬錦燦進行面試..希望佢考得好好啦!

今日係咁!

今日:

第1~2堂:數學題做一D唔做一D..唔識做..

第3堂:佢唔知點解唔教書..叫我地溫默書..

第4堂:做返果個分組活動..

第5~6堂:唔駛上Mr Wrona堂,勁開心囉..唔知係唔係因為上佢堂太多..

之後去左家政室,諗住去車果塊布,點知佢遲遲未落堂,要我地係出面等左勁耐..入到去,佢又話其實佢見倒我地係出面等,都唔知點解佢見倒我地都唔叫我地入黎囉..咁姐係話佢特登要我地係出面等啦??搞到我地冇出去食飯囉..

第7堂:默書..之後講file..佢今日冇叫我起身答問題,真係難得..

第8堂:每次上佢堂勁悶..唔上好過上啦..

今日放學果時,一行出左門口,有個男仔從後叫我[女班長],我都唔識佢既..佢又無神神問我有關我同佢既嘢..無奈- -..都唔知邊個同佢講嫁..係邊個講既,我都估倒少少啦..

之後冇理點佢,就返屋企!

係樓下公園同人傾左兩句囉!

今日係咁..

今日:

第1~2堂:做改正..

第3~4堂:係咁對答案..對到傻左..

第5~6堂:冇帶布..佢又叫人買佢D布..諗住同佢講我有買,不過冇帶..點知舉左兩次手,佢都叫我唔好舉住..傻既!

又比個煩人煩到我甩唔倒身!

第7堂:做工作紙!

第8~9堂:成堂冇聽過書..淨係係度玩點樣鎖計數機..無聊!

之後去開左一個好悶好悶既會..教果D我全部都識..悶死我!

今日既嘢都差唔多講完....

我阿爸今日放工返黎,同我地講左一D說話,令到我好不安囉!好似有D咩要發生咁!

直至到岩岩,我先明白到點解佢要同我講依D囉!佢係想我地有心理準備....

我真係好驚....我好驚依件事會好快發生!

聽倒佢岩岩同人傾左個電話,佢同人講果D說話,我聽得一清二楚!

果件事好可能聽日就發生,惑者係後日,又惑者係依幾日!

如果依件事發生左,會令我永遠唔開心,我唔想咁樣!

如果係咁,我情緒會好唔穩定囉..好想喊!我希望果個陸紫琪依段時間真係唔好煩我囉,我驚我真係會打佢呀!!!

今日係咁先!

今日:

第1~2堂:個洪惠萍又係度調我地位....將我地識果D全部調走....好寂寞!

第3~4堂:依兩堂勁嬲..第一樣嬲就係:徐浩成趁我去派嘢果時,佢又冇問過我,就自己拎左我本手冊去睇,看哂D地址同電話..雖然依樣我都好嬲,但係都冇鬧到佢!第二樣就係:佢攞我盒廣告彩來用,OK,你要用咪用囉!但係佢唔係攞來用,而係攞來玩..佢將果D顏色全部溝埋一起,唔夠又拎,我已經叫佢唔好咁做,我叫左超過三次,佢都冇停過手!之後就到打鐘,收嘢!我就發佢皮氣,唔執嘢,比佢執..佢仲以為我同佢講笑囉,笑笑口就咁走人!!!

第5~6堂:係度講果D詠物抒情..之後就搞果個作文file....

第7堂:都係唱下歌,做下工作紙咁!

之後無神神個頭好暈,諗住落去醫療室,之後見嘉琪都係,咁就一起落....個校工見倒咁多個中二既人落黎醫療室,而且仲係識果D..佢覺得好奇怪,係度問我地係唔係真係唔舒服..傻既!梗係唔舒服先落黎啦!以為我地係約埋落黎喎!!!

第8~9堂:原本要做book sharing..但係因為老師冇返,所以唔駛做住!頭果堂係[法魯王]監堂,都冇咩特別!之後就係[巢巢]監,我地依邊都當佢冇到既,果個粱浩溢又畫埋D好笑既漫畫傳過黎比我地睇,笑死左!之後岑樂堅講嘢,個[巢巢]係度啤住佢,勁好笑!

返左屋企訓覺!

訓到唔知幾多點,就比阿爸叫醒,話出去食飯..食完我就攞單出去比錢,點知地下有水我又見唔倒,跣腳,跌低左,直情成個膝頭跪左落地下..痛到我連阿媽都唔認得..瘀左成大塊..我阿爸見唔倒..

之後返到屋企,就攞濕布抹走D污糟嘢,我阿爸見倒,就問我做咩,我話比佢知..點知冇好報,佢仲係度話我,就話:[你點會跣親嫁??你明知D餐廳地方有水嫁啦,你點解唔小心D呀??]

之後佢幫我茶油,佢玩嘢,特登大大力幫我茶,痛死人....

今日係咁!