今日我又出去搞事啦..

今日個家姐來左,所以好早就起左身啦..

到左下午,悶悶地,約人落去行下..2:40就落左去..

落左去,開單車周圍踩..一個鐘之後,我個D細佬妹就落左來啦..

我提議去雨毛球場打雨毛球..

去到之後,有幾個人係度打緊排球..我D細佬妹又口多,係度話人..就係因為咁,就開片啦..

我地係度互鬧..之後就一直係度互相玩暗串..果幾個六年班既人又真係好串..

之後佢地串我地唔過(我地3個,佢地3個)..佢地就打電話[吹雞]..吹左成班[友]過來..而加變左佢地8個對我地3個,我地都未驚過..

又係咁互串..比佢地激嬲左,所以我細妹又[吹雞],韻人過來幫拖,但佢D同學又唔知去哂邊..冇理由叫我D friend來嫁??所以我地就無奈地走左..佢地就好得意咁叫我地走人,我地又串返佢地..搞到雨毛球場其他人係咁望住我地..

出左去一個鐘,我細妹遇倒佢D同學,個個都咁串..所以韻埋佢地過去串..佢地都有去..

點知我妹既其中一個同學識得佢地果班人既其中兩個..搞到冇片開..都搞到果兩個好串既人冇聲出..

依個係超超超簡化版,事情冇咁簡單,如果想知道得清楚D,就係依度問..or打我手提(如果要打來,請係10:30之後打來)..

今日係咁多先..

今日:

琴晚同桂英 、Sunny傾電話傾左好耐..有史以來同同學煲電話煲得最耐..同佢地傾都幾開心..

本科學作業仲有一頁未做,返到課室即刻做..做完之後,係咁比人抄..

早讀時段,又有人發惡,收人地本數學書啦..

第1~2堂:有少少悶..仲想訓覺..點知就係果個時候,佢叫我答問題,我都冇聽佢講嘢..所以隨隨便便答左佢一個答案,答錯左..比人罰企係度..不過我鍾意,因為我企係度係唔會[恰]眼訓..仲會好精神..

第3~4堂:係度講書..之後設計服裝..無聊..

第5~6堂:依兩堂最快過..同37,38,39一組..點知佢話細號碼果個做組長喎,咁咪姐係我??唉~搞錯..我都唔想做..成日都要出去攞嘢..好煩..之後無聊得滯,係度扯布料..

今日遲左好多出去食..加上間餐廳D人慢手慢腳,搞左好耐都未有得食,到1:10先攞來..仲要係好熱,都唔知點食,又就快要返學校..拿拿林食哂佢..食完上到去5樓,岩岩好打鐘..

第7堂:講宋太祖D政策,都冇咩特別..

第8~9堂:實際上冇點上過堂..頭果一堂有聽書,之後果堂頭暈,係度訓覺..

放左學之後,諗住去2樓英語室攞閱讀報告紙(指定)..點知冇開..就上去圖書館拎..點知都係冇..點算??

之後就返左屋企..

唉~依兩日都好似唔係好妥咁..訓又訓得唔好,搞到日日都頭暈..

今日係咁!

今日:

琴晚訓得非常之唔好..如果平時訓得好,早上就會覺得[下..咁快天光啦??]..但係琴日就完全相反..我1點鐘訓,成晚發夢,感覺上我覺得自己訓左好耐,所以唔夠5點就醒..之後又唔夠6點又醒多次..好似完全冇訓過咁..所以今朝到而加都好頭痛..不幸的事又將會發生啦..唉~

今日係有史以來最早返既一日..竟然7:25已經返到學校..上到去,未開門..係度等..

入到去,就溫科學默書範圍..之後就睇報紙..

我今日又唔帶英文圖書返去..比洪老師話..

第1~2堂:同我地默書..好鬼簡單..之後Sunny又用可樂浸雞蛋,想知可樂同醋一唔一樣..之後洪老師又調人組,佢之前仲想調我地組,我先唔調呀..將忠叔果組調左上第10組..佢又發皮氣,佢暗示果D嘢係人都知..

第3~4堂:雖然幅畫上堂攞左返屋企畫,但都係冇點畫,淨係畫左個龍頭就收工..依兩堂都有繼續畫埋條龍..都畫得唔錯啦,畫工有限呀!果個譚xx又搶住同我畫,佢又搞左好多嘢,搞到我而加好憎佢(唔係!講錯!!應該話我一早已經憎佢),因為佢成日搶我嘢..

第5~6堂:依兩堂都冇咩特別..做工作紙..不過我地講嘢,搞到老師要停十分鐘先可以再教..

食完嘢之後,得返5分鐘,即刻返學校,因為我要幫全班交象棋工作紙..返到去,排左一陣間就交倒..不過由於我地班好多人交,所以佢地蓋印蓋左好耐..搞到後面果D有排等..

第7堂:唱D歌超悶..悶到想訓覺,加上個頭又痛喎..

第8~9堂:悶..悶..悶..無聊至極..做listening..之後又叫我答問題..都唔知佢點解要叫我..明知我唔想答..害我..

果個洪xx問我考試果日會唔會返來當值..其實我係想嫁,因為我唔想係屋企,想返學校..

放左學,去左學校圖書館借英文書,費是比老師話..

返到樓下,推部單車去揼氣..之後踩單車飛返屋企..

今日就咁多..

今日:

今日涼左好多..因為寒冷天氣警告,所以唔駛係下面集隊..

第1~2堂:做listening..之後再做工作紙..都冇咩..

第3~4堂:係最唔捨得完結既堂..因為我兩堂都冇做阿sir要我地做既嘢..自己上網睇嘢..阿sir有阿sir講,我有我做..哈哈~

第5~6堂:係度玩猜謎遊戲..真係好無聊..

又係去4葉草買嘢食..但係好多人,我地等D人走哂先買..無所謂啦,又唔係趕時間..

今日男班長冇返,我要幫佢拎下午既點名簿,但我上到去先知冇拎,但好奇怪地,本點名簿竟然係我地課室張枱上..唔知邊個拎上來呢?

第7堂:說書堂..都唔錯啦..

第8~9堂:做實驗,依個實驗都ok..有聲..佢地唔敢玩,都係我玩哂..哈哈~

放左學,我直接搭車去華明,首先要去買兩張郵票,之後去大快活換左三杯免費奶茶..因為果三張奶茶卷聽日就過期,唔想聽日再來,所以今日換哂佢..好好飲..

之後去惠食廣場既華心物業管理處度問有關單車果件事..其實我一直當果間嘢透明,因為我次次經過都唔會望果間嘢..所以唔知果間嘢係邊,我個同學帶我去..去到之後,我韻倒果個溫生..問佢有關我部單車既事,問佢可唔可以拎返..佢就問我:[你唔夠18歲吧?]我覺得佢傻傻地,一睇就知啦,係唔係呀??佢之後又同我講左好多廢話,又叫我入去認單車相..都唔知點認..但我認倒有一部99%好似我果部..冇得拎返架單車,無奈咁返屋企..

返左屋企一個鐘,我爸返左來..我叫佢同我一起落去拎返部單車..去到又韻溫生..為左有冇貼通告係我地屋苑範圍而要同果個人大聲講嘢..佢之後又攞D相比我地認..佢又話如果唔想交480蚊,就要我地簽悔過書..佢好似唔明悔過書既定義係咩喎??悔過書既定義就係因為做錯嘢而要寫悔過書..我地又冇做錯嘢,簽咩悔過書呀??不過為左唔駛交480蚊,所以先簽..

簽完佢帶我地去拎車..不過個鎖比佢地撬壞左..又要去買多個..搞錯..咁鬼煩..

單車果件事終於搞掂..告一段落..

今日係咁多..

今日:

唔知點解把鎖匙又唔見左,韻左好耐,搞到我今日又遲左返學校..

第1~2堂:講課文,都唔錯..之後就做工作紙..

第3~4堂:主要做實驗..攞雞腳,菜同雞蛋做..D溶液好勁,搞到隻雞腳既蹼都甩埋..遲兩日肯定碎埋..

第5~6堂:阿sir抄咩我就抄咩..因為我唔係好明佢講咩..唔理啦..佢一停我就訓..

今日去左買4葉草食,佢又搞錯左啦..比錯嘢我..

返到來,見倒洪老師同同學係度攞作業打tennis..覺得佢有D無聊..算啦..飯後娛樂..唉~

第7堂:冇改正要改..借左本嘢比徐浩成抄..

第8堂:讀課文..讀完又讀..有D悶..

第9堂:首先查報紙先..好彩有帶..之後就講課文..

放左學,去D班等田嘉敏..果個林耀榮又唔放人..要我等咁耐..仲出來鬧人,要人地離開D班範圍..之後個練嘉俊又行埋來拍我個頭一下..我唔理佢..之後走果時,又比佢摸左我塊臉一下,嚇親我..搞到我好想講粗口..不過冇講到,淨係大大聲話左一句:[咩呀??]

返到樓下,同人去食雪糕..點知見倒我架單車唔見左,所有單車都唔見左,個單車範圍封左..於是行埋去睇張通告..張通告話要進行維修,所以今朝將所有單車移走左..如果要拎返部單車,移動費最少要480蚊,比人扣單車一日就要40蚊,如果唔去拎單車,架單車就會屬管業處所有..佢都傻嫁,搶錢世界咩??所以決定韻華心管理處拎返..但又唔知個管理處係邊..所以抄低個電話號碼比阿爸..

返到去冇耐,阿爸返左來..我叫佢打電話去華心管理處問下..佢打左..果個管理員話比D相我認,佢都傻既,D相點認呀??聰明得佢..佢叫我聽日放學之後去韻果個人拎單車..仲要帶埋身份證..煩..我到而加都未知駛唔駛比錢拎返..

今日應該係咁多..