岩岩出左營，唔知點解係camp嘅3日完全冇掛住屋企人，衣家仲好掛住3個教練──NaNa姐姐、歐sir(baby sir)同梁sir)，佢們教左我地好多野。我永遠唔會忘記呢個camp，永遠唔會忘記3位教練！

First day(運動服)入到camp就分教練，then係步操同諗口號，d教練好嚴，一做錯野就要做掌上壓同鴨仔跳。之後有兩個活動(鼻頂球and一線之隔)，我地都輸左，6D第一，6H第三，我地第四。Then有一個Disco，全部人一齊跳舞，超好玩，勁high。

Second day(便服)一早就洗「3」，攞洗衣粉都要講理由，又要講得好，我都要講左兩次先得。跟住係「懸崖運炸藥」，我地冇吸取第一日嘅教訓，唔團結，超左時間都未過到半班，失敗左，就要「茶」泥漿係塊面度，但我地俾教練罵完，終於識團結，成班攬住楊老師喊，楊老師俾多次機會我地，最後仲以6分46秒完成。跟住係水球大戰，首先由我地六敬對六誠，一開始，六誠以4比我地0，但係我地冇放棄，之後都嬴左，不過當我地對六善嘅時間就輸左。大戰之後係一個音樂治療，講到就快要同同學分開嘅時候，我地再喊。食完飯之後11點幾，我地要去行山，起初我都唔係幾驚架，但d呀sir係咁講d野黎嚇我地，搞到我地勁驚，仲要淨係8個人一齊行，冇得帶電筒，得兩支螢光捧，行完之後先知原來個條路係「大棠自然教育徑」。

Third day(軍服)係畢業禮，完左畢業禮，食埋午飯之後就要番學校，係學校有一個家長會，之後就係水球大戰，一人有兩個水球，其他同學都濕哂，但係我淨係濕左隻腳咋！