今朝一早約晴晴同馥一齊番學校,我竟然整唔見左張8達通:(,番到學校,之後就搭車去清水灣喇,又係1B要折開4班坐車,21-30跟1D車,我坐1D車,個miss係車度都話落左車可以唔洗排隊,衝去霸爐,但係個danger又我地排隊,搞到我地組(me,美美,婷婷,林紫紫,cheng曉桐,瑩瑩,盈盈,ming,朱朱)搵極都搵唔到爐,之後美美好勁咁見到一個爐!霸到爐之後,我地極速攞晒d野食出黎+透爐,10mins搞掂d野,開始燒野食喇,我都覺得我地好成功!一開始全部野都比我地燒lon晒黑炭咁,之後瑩瑩燒個d燒得好靚,我冇燒過雞翼同扖個d,淨係幫全部人燒麵包,幫下主席燒下丸同燒棉花糖,之後我同林紫紫去係咁影相(學林紫紫:去集郵=])我狂搵人同我影相.成個旅行嘅時間好短,下晝淨係玩左2個遊戲,2個game都淨係玩左一陣,玩完就話要走,不過今日都好開心!

兩日嘅陸運會都完左喇,呢次係我第一次去陸運會,之前小學都冇架.第1日,就比賽推鉛球,要推3次,頭個2次都比佢話取消資格(但第2次我都唔知點解),梗係冇win喇! 第2日,上晝11:30啦啦隊比賽,第1個跳舞嘅社係毅社,Yellow House跳Sorry Sorry,冇咩特別嘅裝飾,著社3,有一個黃色嘅"Y"字扣針,第2個係誠社,Blue House跳five days+愛你,女仔帶一個藍色皇冠仔,頭髮紮一半,著白色短裙+黑色緊身褲&社3,之後係我地樸社,我地Green House跳Cheetah Girls跳Amigas,女仔用綠色蝴蝶結紮"計",仲要夾一條綠白色花花係頭度(好核突!),著深綠色格仔短裙+黑色緊身褲&社3,男仔就係一個綠色蝴蝶結最煲tie,第4就係勤社,Red House跳High School嘅All of one,女仔扣個心心係社3,著紅色褲.最後,我地社贏左,好開心!!!下晝比社長拉左去跑4x100社際接力,跑左差唔多一個圈,跑到死死下,就暈個隻!放左之後就係咁同人影相,玩我好開心!

上晝去左一年一度嘅大會操(記得我第一次番SCOUT嘅集會就係去大會操),我地sea scout拎左唔知咩咩發展旅團,sea scout+幼童(姐280)都攞優異旅團(唔知點解年年都有)tang皓fung代表sea scout出去操,幼童就係我師妹去操,今年大會操唔知點解無端端有歌手黎唱歌-.-,有周柏豪,馮曦妤,方珈滺,周子揚,我仲見到prefect姐姐,haha!下晝要個個咩"愛護維港行",得9個f.1+個"蒙羅麗莎"去,去到先知原來個活動勁有遊行feel,嗌晒口號咁,雖然淨係行左一陣,但係兩隻腳都好攰(可能因為成個上晝都係著住對步操鞋),行晒全程之後有個抽獎,抽勁多囉,我地有10個人,有4個都中左囉,我都中左呀!!!有效500書卷呀!!勁開心!!

上晝去左新光同公公,大舅母食晏晝,因為細佬都約左同學仔,所以食完就好趕咁番左黎,本身諗自己行街等到3:30,點知盈盈打比我搵我夠佢,我就陪佢食m記,見到言言佢地,之後唔知點解係咁見到KLC d人(有10幾個),到左3:30,會合美美,婷婷+瑩瑩,之後就去美美小學,點知個"野人"係度,仲要唔比我入去,籃球都冇得打,唯有借排球係美美小學出面打,之後係度玩數字球,輸左要跳舞(啦啦隊個個),最後梗係全部人都跳晒啦,盈盈仲要跳左兩次!HaHa!!

今日係我第一年去電訊日呀!2點係中心集合,搭車去總會,原來電訊日係有d好"高能"嘅攤位,但係為左要攞紀念品,都要好無奈咁去玩d"高能"野,之後又上左11樓,點知排隊都排左成30分鐘,淨係馮左個印...今日呀sir又派章喇!派左攝影章,探索獎章,仲有一個就係步操章喇!!好開心呀!!林sir真係好好人呀!!!今年我地280又攞左優異旅團,其實年年都會攞,我都唔知點解,何sir話我地280參加好多活動wor...