今日同chinglam&supi去左Megabox影貼紙相,其實由識佢地兩個嘅時候我一直都想同佢地識貼紙相,但係之後又冇左件事,今日終於都影左喇!

我地去到個到,搵左好多部機先搵到部啱我地嘅,好快咁影完就去"整"d相,一開頭,我同chinglam都淨係掛住整第一,二張,搞到之後個d整得唔係幾靚,但影完之後我都好開心=]

番到TKO之後,我地3個又係去左將軍澳中心食m記。

琴日我地otter同海狸歷過千山萬水,由西貢行到馬鞍山,行到我成身都痛,打開口食野嘅時候個口好痛(唔知點解),對腳又好痛,patpat又痛,搏頭又痛,總之全身都痛啦,但已經比22/2個次冇咁辛苦。今朝仲要鬼咁早起身番學,如果唔洗番學,我諗我一定會瞓到好晏!

啱啱去完露營番屋企個幾鍾,已經超攰,因為呢個係遠足露營,所以要行山,對腳仲好痛!

第一日唔駛行山住,淨係煮晚飯,因為唔知邊個買左咁多餸,所以好多都丟晒。最後整左炒蛋,生菜魚肉,番茄粟米湯,肉碎,白菜仔同節瓜粉絲,煮出黎都ok好食架。天黑左,就睇唔到野,要用電筒先得,lun又唔用電筒,以為我係sinyan,無啦啦一野打落黎,同佢講佢打錯人,佢仲打多野!食完野,就要行3個字落去洗野洗先上番黎成身都溼晒,入番營度仲熱仲焗,我之前係完全唔個營入面係咁焗,我地4個女仔成晚d汗係咁係度滴,都瞓唔到,到左3點幾嘅時候幫sinwing影左張相,之後我同崔,sinyan狂笑,到4點幾先瞓到。

第二日朝頭早起身就煮通心粉&煲朱古力,食完早餐之後就要離開camp site開始艱辛嘅行山旅程,我&崔一齊負責cp3-cp4,雖然呢次行山嘅路程短過22/2過次,但今日好曬,行到出晒汗,好辛苦,仲要曬到我黑晒,對腳仲好痛。

我地好辛苦咁行晒成個路程之後,落到山之後,chan學mansir竟然好闊佬咁用左$98.8請晒我地飲野,結果我地個個唔洗5分鐘飲晒支野。

雖然今日好辛苦,但兩日都玩得好開心。

今日同韜韜,表姐,MAMI,大舅母去深圳探愛表姐,蘭表姐同威表哥,點知韜韜由搭車個陣時已經係咁講kai野(其實佢不嬲都係咁),搞到我同表姐都kai埋一份!到左中午出左去食野,食完野就去左行街,再番去愛表姐屋企坐左陣,之後就完成左一日嘅行程喇!

其實都冇咩特別事好值得記,只係無聊先打blog,唯一開心嘅事就係有$$收!!!

今日約左supi同ching lam出黎,我同ching lam一齊打千秋,甩拖鞋,好開心,飲珍珠奶荼(我的最愛!!)之後去左彩明,行左陣街,跟住就同ching lam番屋企。

係番屋企嘅途中,我見到一d 勁好超十分非常超級無敵 變態+核凸嘅野,因為太核凸嘅關係,我唔可以打係blog度。(到衣家我都仲驚緊)