岩岩番完童軍,Daisy今日遲番,唔駛跑,正!今日d時間唔知點解過得特別快,等Daisy番黎升完旗,分野+登記號碼,呀sir教埋紮營就5:30降旗。唉,我要揹cookset同水袋,搞錯!

今日真係由朝玩到晚呀!上晝跟教會去bbq,玩到4點幾,夜晚去謝師宴。

上晝搭船去"橋咀島"度燒野食同玩。, 一去到橋咀島,先係沙灘玩左個game,之後就燒野食,燒到3點幾到,再去沙灘玩,玩到4.5點到就搭船番去。

係宣基解散之後仲未到謝師宴,所以上左tammy屋企,最後謝師宴食到9點幾就結束。

今日supi約左我&ching lam去書展,仲約埋佢三個嘅小學同學(係男仔),係等緊佢地嘅時候,竟然見到某某6H男仔同佢家姐!見到佢地三個男仔之後,我同ching lam都淆,我地3個行前面,佢地行後面,聽到佢地話咩"好似S.H.E",唔知講緊邊個,但我地3個就好低能諗左d好kai嘅野。

入到去書展我地3個同佢地男仔各行各路,我同ching lam都淨係買左本"我的低能大肚之道"(似足我地3個咁低能),supi就買兩本"低能"同d練習。

去完書展番黎TKO途中,搭地鐵嘅時候,我地3個幫夏生改左個低能名─"150關博軒二世格仔王祖藍伊利沙伯個個"。番到TKO,就去左將中食M記,走嘅時候仲要見到Elaine。

琴日岩岩去完教會camp,今日又要去童軍camp,不過因為3號風球取消左,有好有唔好啦,好嘅就係可以休息下,之前教會個個camp玩到攰晒;唔好嘅就係童軍個個camp要改期,改左期之後就要轉做露營,要帶好多野!

岩岩去完camp番黎,超累!!!但係3日嘅camp玩得好開心!

第一日番到skss,知道分咩組,我係第二組,有組長盧仔同大口,組員有我,yammy,慰瑩,connia,lily,敏程,leo,小生,聖志同fiona導師,佢地個個都好好人,仲有房,我同周珈滺,yammy,慰瑩,胡仔,盧仔導師,呀貓導師,joyce導師,kerry導師一間房,好彩全部之前都識,之後就設計camp tee,我地個嘅特點係背面有架船&右手"就"有個"二"嘅大寫(唔識打),好靚架!夜晚就係體育館做活動(玩關於氣球嘅野)

第二日朝頭早靈修,敬拜同玩"笨啦嗱",晏晝玩水戰,超刺激&好玩,差唔多玩左4個鍾,夜晚就"Three In One.J.I.U",番到房,同導師玩左killer,玩到1點幾訓.

第三日朝頭早靈修,敬拜同整"jiu jiu",中午食完飯,fiona導師食晒全組食雪糕,之後成組玩左"killer","廣東炒麵","hand oun"等

雖然相處唔算"內",但係分開嘅時候都有d唔捨得.