唉........星期一已經開始發燒+感冒,d藥又苦到嘔,我食下停下,搞到今日仲未好番,搞到今日冇得番學(鬼叫我自己唔食藥),今日個堂仲要係「共創成長路」黎架嘛,(冇得玩"貼紙女",哈哈!)岩岩再去睇多次e生,食左藥,聽日一定要番學呀!!

今日係KLC嘅中一迎新日,由上晝9:00到下晝4:00,係班房同禮堂玩左d遊戲,派左書(勁重囉咩事),知道分咩班,我係1B(其實琴日"貼紙女"睇左之後high得濟爆左俾我知),學號係24,仲知道班主任同科任,班主任係MS.威&MR.丁,今日見到"貼紙女"個新髮型,仲知道埋原來"貼紙女"同"禮物女"係負責我地1B全年嘅輔導領袖生,勁開心囉!哈哈!要係咁玩"貼紙女"同整佢。

好攰呀!!!!!!琴日細佬生日,上晝要番學,下晝要補習,補完5點9番到黎,大舅母,表姐同toto都過左黎,就即刻食野,食蛋糕,食完就去游水,游完番到黎10點幾又再食野,食完野就玩,我玩到12點就要瞓(because今日要番學),如果唔係實同佢地玩到2點幾先瞓。

(今朝仲好眼瞓,隻眼超痛)岩岩上晝番完學,太好喇!普通話同英文上晒,爭最難頂數學,聽日係最後一堂,要派埋其餘個兩份卷,都預左唔合格,因為個兩份卷完全唔識,衣家淨係想快d上埋個Maths姐。今日仲上左「共創」,"貼紙男"("貼紙男"變做"貼紙女")整左張貼紙落我到,衣家都唔知係邊,今堂「共創」同之前個幾堂一樣都咁好玩+好笑,好期待聽日個堂「共創」!

睇到個標題唔好以為係我升隊長呀,我入左年幾咋,輪都未輪到我啦!係咁嘅,啱啱番Scout,呀sir話Daisy要"升仙"喇,咁Daisy要"升仙",梗係要再搵隊長啦,而且我地隊隊長唔知幾時開始已經冇再番,所以今次就一次過升隊長,海狸隊長係lamkawai,副隊係崔;我地otter隊長係sinwing,副隊係sinyan,4個隊長同副隊都係女仔,冇男仔份! 唉...Daisy升左之後wong煜光就"冇王管"喇,Daisy都唔會再罰佢喇。

唔經唔覺我番學都番左兩個星期喇,一共要番4個課程,「共創成長路」、Maths、EnglishOral、普通話,最鍾意就係上「共創成長路」;最僧就係上Maths,個SIR講得悶又唔明佢up咩,仲要test,已經做左兩個喇,一定唔合格啦!

「共創成長路」(我同美,馥,婷,琳一組有)d活動做下,玩下,冇咁悶,同埋有3個"大哥哥大姐姐"(貼紙男&禮物女),佢地好好人又好好笑,唔知點解,佢地好幫我地組,所以我都好鍾意番「共創成長路」。