番左學都成兩個星期喇,測驗都測左兩次,默書又默過功課暫時都唔算太多.雖然最近冇咩特別嘅活動會同"大哥哥大姐姐"一齊做,但係差唔多日日都見到佢地,(同埋最近成日都同"哥哥"MSN,知道左佢好多好多野,哈哈!)一見到"哥哥"就好好笑,哈哈.不過,我地班有一個我同同學都好驚嘅同學(蔡xx),佢d行為真係好變態,差唔多個個女同學都比佢xyz過,我都試過,仲要超xyz!!!個個女仔都好驚佢!

今日上我嘅第一堂步操班,由上晝8點上到下晝5點,操到死死下,d呀sir好惡(我覺得,但sinyan話個呀sir對我好好..),係咁比佢話+鬧。今日先知原來個班真"唔同年紀嘅人都有",最大50幾years都有,我諗最細就係我,但係都係一樣咁操,唉.....最慘係我用左6塊膠布對腳仍然係損晒,甩皮同起水泡....:(,衣家手腳全身都勁痛。但係我地(sea scout)係最好嘅,因為呢個步操班"最高領導人",我地唔洗比course嘅money+4堂冇上兩堂都有證書,哈哈(奸笑)。仲有一樣野,就係上左今日呢堂步操班,我先發現原來林sir同陳sir係好好人架!

(衣家無時無刻都會想操同會不自覺係度操(d手腳係度"煜")HaHa=)

一放左童軍番到黎即刻打blog,今日第一次放咁晏,放7:30,都係因為我,上兩堂都miss左,搞到咩都未學,佢地都學晒,淨係我未學,咩都唔識,同佢地夾唔齊,搞到佢地要陪埋我練"多陣"先走得,所以覺得好內疚。而攰就因為今日成堂都係度練步操,我仲要"痴"膠布"痴",搞到隻勁痛,唉...

唉...聽日仲要繼續操,仲要係由8點幾操到5點幾,不過都預左比呀SIR鬧到呀媽都唔認得....

今日係9月1,開學喇!我今日竟然以為係7:55番學...搞到好早番左去,但係都有d高嘅好早番左,我同班嘅除左我都有兩個同我一樣咁早番左去。今日,搞左d班務之後就落禮堂"開學禮+頒獎禮",仲比我見到F.3嘅"吳生"。到左放學,我又係以為放12:25,原來係放11:00,之後就去小食部交飯錢,交完飯錢就走人啦,行去巴士站個陣竟然比我見到"哥哥",哈哈!(奸笑)見到佢隔離全部都係女仔。(唔好話比我聽佢女仔緣好)之後去到巴士站,條隊真係勁勁勁勁長(放學時間一定係咁,連小巴站都係)等左一陣就上左巴士,差唔多全車人都係KLC學生,逼到我已經唔知點形容,好彩我隔離個個係姐姐(yaumanwai)。總之,今日開學比我嘅感覺就係 逼!!

琴日發燒番唔到學,今日退左燒喇,但今日係F.1嘅最後一堂「共創成長路」(唔捨得呀...),仲有係今日我地M.C.K.S.S終於可齊人喇,之前除左一堂之外,其他堂琳琳都冇番,琴日佢番左,但休我又冇番,第一堂同最後一堂先成組齊晒人。今堂係講"社會",落堂嘅時候,"二汪"姐姐話d"大哥哥大姐姐"買左糖(棉花糖)請我地班食(唔知係咪真係佢地買呢?),但係佢地話個d糖好難食,所以我同馥馥就冇食到,馥馥將粒糖勁"禁","禁"到變晒形,超核突,我地諗住9月1全校開學個陣,請"貼紙女"食,哈哈......(好衰呀..)哈哈......