今朝約左去游水,本身約左10幾個人架,但係個個都病晒,得番7個人(me,婷婷,晴晴,塋塋同佢呀妹,班長姐姐,chukaman同佢同學)去,我地由9:30游到11:30到,但係大部分時間都係係度玩,游完水之後去左food court度食晏晝,食完野之後,好無聊咁坐左係新都城1期度成粒鍾,之後去左2期,都唔知有咩做,最後坐左係度傾計,計得好開心,傾傾下係傾左1個鍾,搞到成5點先走!

同平時一樣,今日照樣都係番童軍,番左童軍已經一年,到衣家呀sir先派第一個章,就係"指引章"勒!之前係集會時間去左行T.K.O,去左T.K.O醫院呀,警署呀,仲有好多,不過唔記得晒喇!下個禮拜係咩"電訊日",之前都唔去過,下個禮拜係第一次去,聽sinyan話都幾好玩,個日係要去總會架,唔知好唔好玩呢?=]

之前個幾日都落雨,好驚今日都會落雨,好彩今日天氣都好好。今朝5點到起身,(勁早囉!!!仲早過我番學)要去金紫荊睇升旗禮(我係第一年跟SeaScout去睇升旗架!),去到金紫荊等左一陣,之後就操出去,超多制服團體,有咩海事,女童軍,ST'JOHN,交通安全隊,民安隊,仲有好多好多,不過SeaScout得我地280咋!!!操到出去,要等晒全部制服團體操晒出黎,又要等埋d嘉賓,仲要等埋黃仁龍同佢老婆遂個去晒所有制服團體前面唔知做咩,總之好耐,跟住就要睇升旗,升完旗,再要等晒所有人走晒,制服團體先可以走,我地全程都係stand easy架!!超攰,搏頭+腳超痛!中途tammy,lamkawai同魚生都唔掂,要坐低休息。完左之後,去同金紫荊影相,無啦啦有個遊客走過去同liu x ho影相,勁好笑!XDD!之後唔知點解呀sir派左每人2張大家樂$10現金券,我地就番左TKO,去食大家樂,食完"好豪"咁搭的士去寶琳&坑口行新都城同東港城!

參加Sea Scout有一年喇,參加過好活動,全部都好好玩,仲要識左好多friends,而我都愈來愈鍾意Sea Scout喇,真多謝MAMI之前"逼"我參加!!!!!!

今日成日都係笑中度過,一朝早,"哥哥"終於都落黎"問我攞野"喇,比美美同馥馥見到,係咁問我咩事同"欺凌"我,搞到我係咁笑  到左小息,見到"哥哥"同"幹事哥哥",請佢地食士多啤梨糖(HAHA!),之後繼續比美美同馥馥"欺凌",狂笑!到食飯時間喇,我同美美竟然食"雞翼",佢仲要食7隻(XD),婷婷,盈盈,瑩塋好大聲咁講我="shanshan食雞翼",我又勁笑!食完飯,落左去canteen,真係見"面皮七呎厚",真係靈,盈盈發揮佢好勁嘅作句能力,作左個"豪豪食生蠔,this is example"哈哈!烘爆笑!跟住上中文堂,丁sir d普通話真係...(等等等等,強大,個人......)仲要玩埋饒舌音,全班個個係度"遮"嘴係咪笑!!!我今日終於明白到咩係笑到肚痛,HAHA!!!

操到腳都斷嘅步操班係未完架!!仲有今日嘅"睇"步操比賽同1/10去金紫荊睇升旗禮(要操出去睇囉咩事,好彩林sir話係好easy個d,姐about turn個d)。今朝10點約左陳sir(陳學文)同班男仔係TKO mtr度等,之後食早餐,但我竟然好飽,冇食野。then就去等小巴,等左好耐,陳sir話搭MTR,點知真係比tang皓fung講中左,真係吹帳,HAHA!!今日個步操比賽真係...有7,8隊到,7,8隊入面有成3隊都唔齊,都唔知點解會去比賽,連林sir都話如果我地去比賽,都大機會攞獎。其實今日嘅比賽(其實係頒獎囉...)好短,11:30-12:30,完左之後話去食飯,但係佢地個個都話岩岩食完野,好飽,so我冇得食晏晝,但我竟然可以唔肚餓!!之後我隨口up話著住制服去MEGA BOX度影貼紙相,點知陳sir竟然話好,仲要請埋我地影(60蚊架!)跟住我地去影相,9個人逼埋一齊影,陳sir擺埋晒d低能動作,班男仔就做d粗口手勢,超低能囉!!走嘅時候,我地仲講笑咁話陳sir似我地呀爸,不過真係好似囉,成日都湊細佬咁帶住我地成班人,同親我地一齊都要用$$,上次camp就請左$1xx野飲,今次就$60貼紙相,佢真係幾似呀爸嘅,只不過係佢全部仔女都高過佢姐,HAHA!番到TKO,sinyan陪我去m記食麥旋風,佢仲講左佢同liu金d野比我知!!