都唔知點解開左學先3個星期就水運會,但係個水運會我個人認為都幾無聊+悶(如果冇參加比賽嘅話),因為我地要攞住兩個樽係度打氣+嗌d口號(勁無奈!!!),但係要打氣嘅淨係我地df.1仔,唉...,不過係可以偷走出去架,哈哈!!我同盈盈一偷走就走左成個鍾,HAHAHA!!!個成個鍾都係同"哥哥"+盈盈一齊玩+傾計,玩到好開心!之後番番去嘅時候,我同盈盈都覺得有d唔好意思,因為偷走左成粒鍾,但係有d人好"努力"咁係度打氣,haha,之後好快就到1:30放喇,放左之後就同塋塋,美美,婷婷,盈盈去新都城食飯,去到新都城個陣又見到"哥哥"同樸社GREEN HOUSE幹事(姐佢同學),佢地換左3。then去左魚米家度食野,竟然見到"面皮七吋厚",仲因為某d事我都驚左佢,但係成餐飯都勁好笑,我地幾個好似失左控咁,狂笑。跟住食完飯行左陣商場,唔知點解我地幾係度做d低能動作,仲見到"Icy哥哥"同"高明哥哥"。

今日上左第一堂係KLC嘅游水堂(之前PLKWWS都有上堂),個泳池同PLKWWS個個差唔多大,最深去到我下爬,上堂嘅時候話我地唔認真,要放學留低游多9個字(姐件泳衣溼左再著),原來KLC嘅泳池Mon至Fri放左學會開放到5點幾6點到,放左學都可以練下。另外一樣野,就係超級唔想丁爸爸教CHIS同CHI囉!!!好想Ms.Yeung教番!!!好攞命呀!今日要連續上1堂CHIS+2堂CHI,個個勁釣魚,又悶又唔知佢講咩,仲要佢講個d"普通話",個個瞓晒,唯一唔唔瞓得嘅就係"塋塋姐姐",因為佢要"隨時候命",哈哈! (第二件事,琴日知道左某某嘅一個"鼻"密,成日一諗起佢就奸笑,哈哈哈!)

今朝6點30比呀MA嗌醒左,就係同我講8號風球,唔洗番學,搞到瞓唔番,之後起左身,同supi煲左半個鍾電話粥,之後佢電話竟然冇電。本身今日有VA同MUSIC堂架,因為8號風球冇得番學,所以冇得上,仲有琴日我擺晒d野係locker度,好開心,諗住今日個書包可以唔洗咁重啦,點知8號風球唔洗番學,留係屋企又悶又冇野做,所以我覺得今日都係番學好d!

(王華湘)今日終於都上晒4堂嘅步操course喇(其實我淨係上左2堂,因為病左)但係我都唔開心囉...因為個步操course我竟然唔pass,我張成績單上面嘅"出席率"度""左,但休之前問過林sir,佢話病假唔計架.....不過林sir話我都有證書,而且證書上面寫住"合格",但係就唔知有冇章,希望林sir好人d,比埋個章我啦。今堂比起上堂冇咁辛苦,分組嘅sir同madam都冇上堂咁惡,比我地係咁休息。雖然考試嘅時候我都有行錯,但我覺得自己做得幾好。到左派成績單個陣,要逐個行出凡林sir度攞成績單,本身第一個出去嘅係我隔離個個架,但係佢竟然冇嗌"Yes Sir",搞到要轉下一個,但係下一個竟然係我囉咩事!!!xyz!!!我已經唔係好識架啦,仲要做第一個!!!攞完成績單仲要企番係度等晒全部人(5x人)攞晒成績單先fall out得,企係度等個陣又唔"煜"得,仲要勁熱,feel到d汗係咁滴落黎,勁痕,但又唔r得,超唔舒服!Fall out之後即刻攞張成績單出黎睇,睇到寫住"不合格"個陣真係好想喊!

頭先番完童軍,都係要係度不停操啦,我都係操得唔好,成日做錯野,又記唔到d Command,唉....聽日仲話要考試tim架,我唔pass唔係問題,但係我唔想影響其他人,搞到佢地唔pass,聽日仲有一個動作係要自己操出去SIR到攞成績單,死得啦。今日仲搞到sinyan好似嬲嬲地同埋喉嚨痛呀...真係好內疚(對唔住呀......)