我終於有命返到o黎la,係果到差d死啊!!

第一日6點搭車,9點半先到鄉下,之後訓左

第二日一早起身(6點)就成班人去靈堂度跪,跪左2個鐘(一直冇得起身....),跟住食早餐,食完早餐再跪,跪左半個鐘之後,d人就將爺爺放去棺材,但係仲要跪,跪到11點.........

我地休息到12點就去個祭壇度跪(祭壇同靈堂唔同).有個道士係到作法.

佢講左一大輪之後,我地就要將副棺材搬上山,好彩今次有車坐.但係呢次唔使全部人去,只有我呀爸,5個呀叔,搬棺材果d人同我(因為我係長孫)去.

上左山之後,d人掘好個洞,放個棺材係個洞附近就走,呀爸話要等今晚先上多次山同阿爺落葬.之後就落山.

返去果陣3點半,我地4點食飯,休息到夜晚10點幾就上山落葬(期間又做左三次法事),呢次d阿嬸同姑姐都有去.

落山之後我地一家人出左鎮度租旅館住,今晚有得訓la.

我沖左涼之後諗住出黎,點知一出黎隻腳就冼到,我隻右手就整到,好痛!!

今日起身腳趾尾撞到床腳,居然流血,仲流左好多,依家仲痛緊

5點半到左屋企