金日終於到我考中文oral喇....下晝5點係可藝考....3點9出門口搭輕鐵出屯門...
但等左15min先有車=.=....不過係車到見到件趣事....話說有2位人兄同我同一個站上車
其中一個聽電話,講 ;; 去邊?? 去考中文oral呀...5點可藝考lor...間野係洪水橋呀!
我聽到之後就諗"可藝唔係係友愛果邊嫁咩??唔通我搞錯左??...去錯試埸好魚嫁喎"
但係去到洪水橋...果間明明好大隻字寫住"可道中學"....果2位人兄好開心咁落左車...
我就冷笑左一聲..."傻仔, 你去錯試埸喇"....一直到我上writing room先見到果2位跑黎-v-
金次考oral...我竟然係第一批考...等都唔洗等...正呀!! 首先係個人朗讀...有2個字唔識讀...
第一個係"怵"....呀sir話過唔識既得就見邊讀邊...但..."朮"我都係唔識讀...-______-"
突然諗到個"墨"音....就用左呢個音喇....嘻嘻...冇所謂啦...話掂都唔識韻嫁啦XDDD
之小組討論...題目係" 什麼是理想職業? 試<薪金報酬> , <滿足感> , <工作環境> ,
<社會貢獻>四方面談談你對理想職業的看法"....大約係咁唔係好記得...其實都okay易講
一開始...等人開聲(因為我不嬲都唔鐘意第一個發言)...本來1號果個男仔想發言的...
但隔離果位5號女仔一開聲就蓋左過人地把聲-____-" 大聲到我懷疑佢把口裝左擴音...
個課室先有回音嫁啦....佢仲要突然之間咁大聲講野...嚇到我成個人差d 彈起-口-""
條題目我記得譚sir講過首先要解釋左"理想職業"既定義...之後先可以講果4方面的....
但係5號果個一開波就講薪金....跟住1號果個仲要同意佢...唔係掛...心諗"完了"-___-""
1號果個講完竟然講句"唔知6號同學同唔同意呢?" 譚sir講過咁講會扣分嫁...不過算,唔關我事!
之後6號果個講造同意之後自己講滿足感....我同2號都即刻盈大隻眼望住佢...咁都得?!
順帶一提...2號果位我深信之前係見過佢...而佢係識得我的....但...我真係記唔起佢係邊個^^"
5號同1號亦開始發表佢地既"廢"腑之言.....當然....我係有加插我既個人意見....
時間過左3分2...已經講晒個4方面...唉....鬼叫佢地第一part唔講又咁快落下一個point咩
5號同1號開始係到"dun"波鐘....講有咩職業算係理想職業...不過我一句都冇聽入耳..
因為佢地咁講實扣硬分....同埋...真係好廢...我全程係到諗番譚sir講過係呢個情況應該要點做...
等佢地已經冇野好講果時我就話"既然咁多位同學已經對果4迫面發表晒意見 , 我地可以討論
下仲有咩元素都可以歸入埋理想職業...我就認為個人興趣都好重要...." 希望咁樣可以拎番d分
同埋我見到個呀sir有點一點頭的....不過5號果位佢話個人興趣都係算滿足感既一種...
因為佢話份工作自己鐘意既就可以得到滿足感喎....什麼道理?! 至少我唔認同...
所以我面帶微笑咁反駁番佢....佢亦都俾我串到口疾疾唔知自己講緊咩-v-嘿嘿...心好涼xd
就係咁死講爛講終於講完18分鐘....鬆一口氣...一個鐘就考完...6點可以走人喇!
| 
