如無意外，下星期五就可以見返BB，有d開心，但係又冇想像中咁期待，或者因為叔公既離去，而家公公情況又未穩定，加上自己既一d煩惱，所以心情總係有d忐忑.........

星期日同玲玲行街買左好多野，不過全部都唔係買俾自己，又一次發覺每次買野俾人都係因為自己鍾意，不過我好肯定我眼光唔差架！件衫BB一定鍾意......嘻嘻.......

行左去海濱，先發覺原來好少日頭去海濱，上左回歸塔頂，唔好講笑，今次係我第一次上到塔頂，雖然星期日既海濱好多小朋友，Family day ma，不過個感覺好舒服，上到塔頂望出吐路港，越黎越鍾意呢個海......諗返起對上一次靜靜地望住呢個海係幾個月前既一個夜晚，當時你同我講左好多你想做既野，我睇到你對而家所做既野既執著，聽到你對你班兄弟既期望，但係我已經感受唔到你既將來會有我既出現.......其實有d野都係時候要解決架喇！我知道大家繼續咁落去只會出現返兩年前果個後果........