今日起身已經感到好累,可能係因為琴晚睇書睇得太耐。

今日返到學校~都好似平時一樣,坐係個石台。之後問左余德浩伯左本中文書改正,結果一唔小心,我個10蚊掉左係個坑渠裡,之後當然用力拉開佢啦~不過太重拉唔到,去搵校工幫拖,結果又係徒勞無功。咁岩果時個早會鐘打左,要即刻去排隊,於是就決定左小息再搞佢。今日有中史堂,i like it.今日教到去初唐時代。數學今日小測,其中有一題係計個圓形的面積,好多人都係到數下個圓形有幾多個格仔,其實根本唔需要咁計,只需要數下個圓形的半徑,就已經知啦,洗係到晒時間。《(半徑x半徑)x3.14》。

小息時,我就即刻拉左曾鴻強幫我拉開個坑渠,因為佢好大力。結果好快,就完壁歸趙。

小息過後,paul sir親自上尼問我d科學功課去左邊,跟住我即刻追返d未交o既人,再拿拿聲重新整理好過欠交名單,先安全交差。

放學之後,本來想去下圖書館,可惜發現自己無帶圖書證,於是就打消左呢個念頭。不過在回家路途中,我一直思索住一條引力問題,就係兩個相同質量的天體,不過佢地的體積相差100倍,咁佢地的引力是相同還是不相同呢?呢個問題又令我諗起中子星和黑洞。兩者的體積也是有差別的,可是黑洞的壓縮力達到每一立方公分,即然達到一億億億噸,如果地球想做到咁樣,佢至少要壓縮至幾cm直徑咁大先得。黑洞雖然細,不過佢o既引力光也逃不了。中子星就無這個能力,可惜就有強大的電磁能。那麼是否等於被壓縮得愈小的天體,引力就會隨之增強呢?我就認為係,因為我覺得體積過大,密度也會隨之細,引力也會下降。呢個論點,其實還需要尋找答案,這個探索令到我對引力學更有興趣。

願主保守我~~奉主耶穌基督的聖名~呀門