今日我真係好想向慧敏老師傾傾收功課o既問題,成日搞到唔清唔楚,搞到d科長好難先知道邊個無交,有時收通告和錢時,成日個七國之亂咁,搞到財政顧得功課來又顧唔到收野o既問題。而且過於輕忽功課問題,搞到有時有d功課不能按時交出而被認為無做和無交。開學到而家,先後已經有幾個同學無辜受罪。但今日基於係我地班人衰左先,所以打算搵日同財政一齊請慧敏老師改改收野的問題。

今日第一堂係AE堂,係咁多科中顯得最輕鬆的一 堂。基本上係到訓,yy老師都唔會理。我就成堂時聽時玩,最感有趣o既係,有個同學竟然訓到出晒聲咁。小息時,我去左圖書館搵下一d有關於幾何圖像和一d有關光度和距離的關係的書,因為由於自己愈來愈對天文更有追求,所以打算學下一d關於星的距離計算的方法。可惜由於成個小息都睇一d滿頁是字的書,搞到突然之間好累,更在地理堂果時訓左約十五分鐘,好采果堂係由代課老師上,自由俾我地做野。lunch time果時,我再上征途,打算最起馬都要借一兩本返屋企睇,可惜最後都係徒勞無功,果d書根本同我想學的完全無關係,幾何圖倒是有,可惜程式過深奧,即使借左,都只不過係作樣而已。到左最後果兩堂宗教,我起初好精神嫁,不過愈聽就愈眼訓,最後精神不支而訓左,好采有個同學叫我起身。放學之後,仲要俾老師留左15分鐘堂,話想我地知道上堂應該有的態度,唔可以再抄人功課。

今日過得都不至於死氣沉沉,至少我有新目標去追求。真想嘗試躺在草地上,望望星空的心情。我諗一定勝過萬分的驚喜。願主保守~奉主耶穌基督的名~呀門!

~開心:5/10