成日話我唔理你地感受,

咁邊個去理我感受?

你話我成日出夜街,

唔番屋企,

搞到要你地都唔訓等我.

我e+晚晚出夜街咩?

我出到好夜咩?

我晚晚去蒲咩?

我晚晚玩通宵咩?

我有叫你地唔訓覺咩?

我冇,我冇,我冇!!!

有人生日或者節日戈陣叫我去唱k,

我最夜最夜都係兩點幾走,

從來冇玩到超夜,

因為我識得自我控制,

我自己都有分數ga!

仲有我同親唱k ge人一係就聖記ge同學,

一係就粵華ge同學,

我有幾可係同d唔係好識ge人唱k?

安全意識呢樣野我都有ga!

唔好當我白痴啦好冇?

online on夜小小[兩點~]你就冇先兆咁熄總電掣,

專登停哂d電佢,

熄q左我部電腦,

講出黎都比人笑死~

e+邊有d咁ge阿媽?

喂?有冇人ge阿媽係咁ga?

有冇人阿媽會關電掣整熄你部電腦ga?

有ge出黎講聲丫唔該,

你話我成日爆到百幾2百幾電話費,

我幾時有成日爆咁q多啊?

一年間中一兩個月爆你就話我個個月爆,

你姓屈ga?

仲有不嬲次次爆左電話費我都係用自己d血汗錢交lo!

你話我成日咁大洗洗哂你d錢,

話!~我幾時有洗哂你d錢ar!??

聽聞我不嬲都冇零用錢lo!~

細個戈陣係間中先有比我lo!

我由15歲開始o係琴行陪練琴我都係自己搵自己使lo!

係辭左琴行份工之後戈小小時間先用你d錢!!~

直到e+我都係自己搵自己使ja!!

你話我好自私唔理屋企人感受,

真係頂佢個肺..

我唔理你感受我就唔會同你對恃左兩年之後讓步啦!

我唔理你感受我就唔會放棄時裝設計啦!

我唔理你感受既我死都要讀時裝設計啦!

我唔理你感受既我就唔會比你決定去美國邊個city讀啦!

我唔理你感受既我就唔會聽你講讀商科la!~

你同我講叫我唔好使哂d錢,

要草錢,

ok~UCB2月出d糧我全部存哂入銀行,

到e+都係一毫子都未郁過,

我唔理你感受既我彩你都有味啦!~

我唔理你感受既我就唔會同你行街啦!

我唔理你感受既你每次無理取鬧我就一早離家出走左啦!!!

咁你又有冇理過我感受ar?

我有幾鍾意時裝設計你明咩?

我睇我ge夢想睇得有幾重要,

你明咩?

我有幾認真去對待我ge理想,

你明咩?

我開心定唔開心,

你明咩?

我o係你面前話唔讀時裝設計之後o係廁到喊,

你知咩?

你以為我真係開始厭倦時裝設計所以唔讀咩?

我諗緊d咩我需求d咩你知咩?

乜q野都唔知,

淨係識得將自己所諗ge野套落我到,

以為好了解我咁...

「父母點都係最了解你ge人~」

父母咪又係人一個,

冇溝通點了解ar?!

父母就一定了解了你?

呢種諗法簡直係守舊到冇朋友...

最憎d人咁,懶係了解我!

19歲都就黎喇,

你唔好當我弱智ga啦好冇?

咁大個人都仲要比你管住哂,

我都係普通人囉,

我都會覺得好辛苦ga!!~

我都要透氣我都要relax ga!!!

冇錯丫!~可能有人睇完我呢篇blog,

會覺得我好不孝,

講埋哂d咁ge野,唔理屋企人感受!!

有得你地囉!反正你地根本唔明白我!

唔明白我o係屋企係咩處境!~

唔明白點解我會搞到有呢d諗法!!

唔明白我有時o係屋企有幾難受!!

唔明白我戈種難過ge心情!

有邊個可以理下我感受啊?

點解次次都要我去理人地感受?

點解次次都要我去就人要我去讓步?

但就冇人理過我感受?

叫我代入下父母ge角色去諗下,

咁有冇人代入過我ge角色去諗?

成日郁d就玩要脅,

郁d就講埋哂咩

「信唔信我唔比錢你讀書丫拿?」

「唔接受既咪唔好去美國囉~

我好閒ga ja~

咁叻你咪自己搵錢去讀書lo~」

「有錢你咪走囉~搬出去住lo」

人ge容忍有限囉~....

你唔好以為我唔敢啦好冇?

係囉,你咁鍾意成日用錢黎玩要脅,

成日話我唔聽你講就走,

你以為我真係唔敢ar?

唔去美國咪唔去囉,

走咪走囉,

唔該你記住你講過ge野,

係你親口講ga,你睇死我唔敢~?

我不嬲都唔受硬,

唔好以為夾硬黎就得..!!!

好那興,

唔打喇!聽日先打!!!