妖~

180蚊1個鐘好巴閉咩..?

超無奈囉....~

之前篇blog都有講過~

琴行個老闆娘之前介紹左份工比我~

係o係文華東方d cafe到彈琴,

180蚊1個鐘~一個星期番4日,每日3個鐘~

ok~180蚊1個鐘!係人聽到都想做啦!

於是我呢幾日都博哂命咁練琴~

希望真係做到份工,

點知原來佢有企圖lo!

想用呢份工黎綁住我...

等我繼續留番o係琴行幫佢手陪練琴...~

我一早同佢講左我做埋今個星期就唔會再陪練琴!

因為我唔想再比琴行搵我笨喇...!

so...~!

彩佢都傻la~!最憎人要脅我!

唔做咪唔做lo...!

180蚊1個鐘...係好吸引...~!

但講真如果佢真係攞呢樣野黎威脅我ge~

我寧願去威尼斯做sales~~

雖然一個鐘人工=180蚊除6...........

但起碼呢份工我鍾意!

日日對住d衫~~都唔知幾開心~XD

雖然我e+真係好需要錢...

但我唔會為左錢而放棄自尊lo~!

聽日就要同佢講清講楚!~_~

 

___________________________________

如果某人見到~

一定又會話:「你傻架?咁高人工都唔做~」

haha...~

 

___________________________________

今日陪鄺菁誼練琴~(一個5歲ge o靚妹)

佢上個星期同我講話唔練<樂曲A>~

佢(好嗲聲嗲氣....):
「媽咪話叫我唔好練呢首歌啊~
因為我一彈就會嘔...」

我:「下~??點解會嘔ar?
一彈就嘔咁搞笑??=.=」

佢:「唔知點解啊...總之我一彈呢首歌就嘔啊~
媽咪話唔好再練呢首wo...」

好丫...雖然個心有d懷疑咁~

但我見佢平時好嬌嗲咁....

覺得佢唔會講大話~

於是我就話:

「咁好啦~~今日唔好練呢首歌住啦~~

練第2首na~~^^」

then今日又同佢練琴,

佢miss寫o係本琴書到話要重彈<樂曲A>~

我就覺得奇怪喇~

就問佢:

「你有冇同彭老師(佢miss)講話你一彈呢首歌就嘔啊?

點解佢要你繼續彈ge?」

佢唔出聲~之後話冇wo~

之後我就出左琴房問佢工人~

係咪佢一彈呢首歌就唔舒服,會嘔~

(平時都係佢工人湊佢~)

佢工人話唔係wo!

原來講大話...妖...~

d無名火起哂...~

之後佢工人走左,我就開佢...

我:「你厄我ar?」

佢:「.....」

我:「我問多你一次,
你媽咪有冇講過叫你唔好彈呢首歌?」

佢:「.....」

我:「佢有冇叫你唔好練,因為你會嘔,
有冇講過d咁ge說話?
如果有ge我即刻打電話去問你媽咪!
係咪真係講過d咁ge!」

佢:「.....」

我:「做咩ar?唔敢答我ar?有定冇!」

佢都係唔出聲...!之後好輕輕咁拎頭....

我:「je係你媽咪冇咁講過啦,
係你厄我啦!
你上星期咁同我講,我信你,先冇問你媽咪!
原來你厄我!你唔厄彭老師,但就厄我?
你覺得我好好厄~係咪!?
你唔想彈唔想練咪直接講囉!做咩講大話ar!
我最憎人厄我!」

then條o靚妹好似眼濕濕咁,

於是我就暫時停火,

叫佢練琴,

佢平時咁嬌嗲...我真係睇唔出佢會講大話..!

好憎人厄我...

最憎最憎最憎人厄我!

連學生都厄我!

乜我好好厄咩..?頂佢個肺...

真係好嬲...

我信佢,佢就厄我....

當我白痴咁...~

點解有d人..

咁鍾意厄人...?

 

___________________________________

呢排...~唉...身邊發生左好多事...

大家都好唔開心咁...

to傷心緊既M同I:

你地唔好再唔開心啦...~

唔好再喊啦...徙哂d眼淚!

我唔知可以點做..

可以點幫你地啊...~

我唯一可以做ge就係搞爛gag氹你地開心...=.=

好討厭...

你地d男仔好討厭!

自私...花心!chew賤格!

見到d fd唔開心個心真係好難受啊...~

___________________________________

越黎越唔相信有真愛呢樣野...

咩一生一世~天長地久....

原來o係呢個年代~...

都冇咩可能會發生..

有d人拍左拖3個星期就分手...

拍左3年ge又係分手...

連拍左8年ge都分手...~

 

 

拍拖...

好似越黎越唔真實咁...~

 

___________________________________

唔知點解呢排都冇咩心情打blog..~

and冇咩心情覆你地ge留言...

不過我全部都有睇ga~^^

你地講ge野我都收到ga喇~~

haha~

唔打喇...byes~~