做親戚做到咁假,

點解仲要做親戚?

不如一刀兩斷好過...

 

點解對住任何人都可以好真誠,

唯獨對住某親戚就要咁假先有親戚做,

咁樣究竟有咩意思?

 

唉...算啦~~

 

_______________________________________

有一樣野,

曾經擺左o係心入面好多年,

冇同任何人講過,

包括所有朋友,家人,

真係淨係得自己一個知~~

 

前幾日將呢樣野同一個人講左,

原來咁樣真係會舒服好多~

 

依家既我反而唔明...

點解當年既我要咁介意呢件事,

亦都做出左令今日既我反悔既決定...~

 

曾經以前既我講過,我做任何決定都唔會後悔,

估唔到今日既我會後悔~~

 

可能係因為人言可畏,

可能因為太介意人點睇我,

可能因為當時太多考驗,危機出現左,

可能只係因為我諗太多....

 

點都好~!

今天既我已經睇得好開~!

 

______________________________________

呢排好多野諗,

由好少既一個事緣我竟然可以諗到好多問題出黎~~=.=

就好似依家打緊blog,

我又會o係到諗,

以前十幾歲戈陣打blog係為左想講感受,

抒發一下火爆開心不爽搞笑事...

依家打blog都係為左想講感受,

都係抒發一下火爆開心不爽搞笑事...

其實打blog既人都冇咩點變,

變左既係睇blog既人~~

5年前既人太多睇人既blog係為左想了解一個人既性格,

依家既人睇人blog係為左想了解一個人既外形...

5年前睇blog冇相冇圖都可以好好睇,

依家既人睇blog一見到齋文字就會click右上角既"x"

5年前睇人既blog,

依家既人睇facebook...

 

5年內,

一d咁少既事可以變左咁多,

唔知50年後呢個社會,呢個澳門會變成點呢...?

 

____________________________________________

唔知點解,

呢排有種感覺就係覺得自己呢20年黎好似都係白過咁.......

依家既我仲係要靠父母供食住+讀書,

3歲戈陣既我都係要靠父母供食住+讀書...

其實20歲同3歲既我仲係一樣,

除左識洗父母錢,仲識做d咩...?

我開始覺得可能我冇去外國讀書既話,

起碼我已經可以自力更生...

可以獨立,可以幫補家計....

唔知其他o係外國讀書既人會唔會都好似我咁諗呢?

 

_______________________________________________

我發覺唔知幾時開始,

真心既人反而會比人厄,

重情義既人就會比人利用...

身邊既人越黎越虛偽~

 

好似都係以前識既朋友最好,

唔知點解依家d人識親你,個個都好似有企圖咁...

有幾多個人係真心同你做fd?

或者有時d人真係真心同你做fd,

但當你比朋友厄過利用過出賣過,

每逢識到新朋友你都會o係到諗佢係咪有企圖,

會唔會利用你厄你出賣你,

係咪有事要你幫手先同你做fd~~

就係咁唔理真心定假意既fd,你都會有所防範...

根住你就會覺得越黎越難識到真心fd~

做人你話幾矛盾~...

 

__________________________________________

今天的blog有點灰~~

 

唔打喇~~byes!@@