我知架,

除左我grandma我老豆我阿媽同埋我阿妹之外,

全個家族都睇我唔起架~

我知丫~

我真係知架..~

真係...呢d野...~我o係blog到已經呻過n萬次,

人地唔厭,

我都好厭了...

不過講真,我原本都只係呻開全個家族都好偏心,

偏心於我家姐,

但今次summer番番澳門,

番大陸探親...

陷家族入面邊個係人邊個係鬼我都已經睇得好清好楚...

原來人地已經唔止係偏心,

係睇我唔起了

講真你偏心,你睇我唔起都算,

但係關我阿媽咩事,點解連我阿媽都睇唔起?

好煩~!你地覺得我咁差,

係我既事!

關我啊媽咩事!?

我自問我知自己冇我家姐讀書咁叻,

但我一直以黎都好努力咁學其他野玩其他野黎增值自己,

我讀書係麻麻地,

但我至少冇留過班!

冇過食煙冇high過野冇爛蒲過冇拍過拖冇偷過野冇殺人冇放火冇行為不檢!

因為咩?

因為我阿媽同老豆教得好!

就係因為我上年o係美國戈陣錯過一樣同我屋企人冇關既野,

你地就將咁多年黎由我中學到e+既乜野狗屎垃圾野都推哂比我阿媽!

我成積唔夠家姐好----我阿媽既錯

我要玩田徑玩籃球----我阿媽既錯

要我學琴而我將來又唔係讀音樂----我阿媽既錯

我識得多朋友----我阿媽既錯

我唔去認識朋友----我阿媽既錯

成日幫朋友----我阿媽既錯

我好睇重朋友----我阿媽既錯

我鍾意design----我阿媽既錯

我死都要讀fashion design----我阿媽既錯

我性格古怪----我阿媽既錯

基本上以上既野都同我啊媽對我既教育無關,

姐係佢地咩意思?

係咪同一個母親一定要教出3個o係成積理想行為性格人生上一模一樣既子女就叫成功?

每個人都一定會犯錯,

就算係我,都會有犯錯既時候!

每解我錯左一次,就永遠唔比機會我改過咁!

我真係好羨慕有d人既屋企人同埋親戚!

冇咁多是是非非!

唔係我想講d咩,

係你地係都要提番起我先忍唔住要講!!

我都好想好好咁同你地相處,

我當你地係長輩,

我都好想尊重你地,

但係由今日開始我唔會再尊重你地!

因為我尊重你地你地反而唔會去尊重我同我阿媽...

長輩唔係大q哂,長輩講既野亦都唔係岩哂,

其實我真係諗得好清楚...或者一開始打呢篇blog我真係好唔冷靜咁去打,

因為我真係好想發洩下...

但係打打下都平靜番d...

係你地放棄我先,點解我仲要咁care你地?

邊個對我阿媽好邊個對佢唔好我一定會記得好清楚,

今日你地點對我,

點對我阿媽,

請你地記住!

將來我一定會"回報"你地~

好煩啊~!!!正一哭街杏仁橙!!A你個B!!5995!!!!!!

 

舒服左dd了~!!

講其他野!

 

尋日去左飲茶,

飲完茶之後去左Cindy姨個阿媽屋企,

因為佢幫我地用線界面毛~

界完之後塊面係會滑少少,

不過真係好痛...

 

______________________________________________

前兩日煲左超級巨聲~~

咁多個入面我覺得有幾個真係好有潛質做歌手!

首先有個係台灣男仔,陳鴻碩

自彈自唱jay既--說好的幸福呢

佢唱歌真係好完美好正~~

真係好似聽緊CD咁~=.=

呂方講得好岩,唔會覺得佢o係到模仿緊人,

佢好似唱緊自己既歌咁~!

同埋真係睇唔出佢29歲,佢個樣好後生~

 

 另一個我覺得係駱胤鳴,

因為佢可以唱到個氣氛出黎,

好有感染力~!

雖然佢唱歌冇人地咁有技巧,

但係我覺得佢把聲真係好有影響力~!

另外兩個就係戈對孖仔,

周志文同周志康~

不過o係youtube搵唔到佢地比實d video所以算啦~= =

同樣道理囉~

雖然咁多個入面佢地唱歌唔係最好既,

但係我覺得佢地好有觀眾緣~

可能因為樂壇我所知既歌手入面冇真正孖仔/孖女既存在啦~XD

加上佢地唱歌真係幾好聽~把聲又幾靚~外型又ok咁~

所以我覺得如果hk有唱片公司簽佢地做歌手,

佢地一定紅硬~kaka~

 

我覺得超級巨聲入面好多都唱得好過hk樂壇唔少歌手...= =

______________________________________________

其實有好多野想講,不過好累唔打住了~= =..

 

有日等bus 番屋企戈陣見到個天d雲好搞笑所以影低左,haha~XD

今日的午餐~

整左日式冷面,

因為好易整

 ______________________________________________

把聲仲未好番哂~.~...!

唔打喇~byes~