呢排成日都係咁,
個心硬係覺得有d野咁...!~
但又講唔出係咩....=.=~
--------------------------------------------------------
尋日同Ho Chi一邊做project一邊傾計,
Ho Chi係我班戈個台灣同學~XD
佢話:「Teo,其實我覺得...
如果不認識你的人,
不會很喜歡你...
因為你好像酷酷的,好冷漠,都不跟人說話」
唔知點解聽左之後,有d唔開心...
我o係澳門戈陣真係好似未曾試過比人咁像形容過...~= =
最多都係以前比人話唔識我之前感覺就係好cool咁,
再唔係就兇兇地~=.=..
e+就無啦啦比人感覺好似我係戈種唔合群既人咁...~
其實我只係唔識點樣去用第2種語言去表達自己...~
不嬲一直以黎我比人既感覺都係好多野講,
又幾搞笑咁架ma~!
因為我係一個由細到大都講"廣東話"既人~~!
突然間去到一個英文世界+普通話世界,
你叫我去用英文同人搞笑,用英文黎表達自己,
搵話題,真係好難...~= =
同埋我讀得呢科,身邊既同學都好有機心,好假咁...~
冇咩邊幾個我係想同佢地熟絡...
所以我o係班上面都好少講野,
尤其係,,識得我耐既人都知,
雖然我平時成日大癲大肺咁..~=.=
但一當我做緊d同fashion design呀,整手工畫野之類既野戈陣我就會認真到好認真,
好少講野唔出聲...=.=
Robert sir曾經都話過我,
話覺得我有d似佢以前一個學生,
又係一渣起支筆畫野戈陣就一粒聲都唔出~haha~
咁我又唔知點去用英文o係班上面表達自己,
咪成日都集中埋頭苦幹做自己野囉...~= =
點知咁就比左我班d人一個唔合群既印象咁..~=.=
你明唔明呀....
其實好多外國人都好假,
雖然佢地好nice好有禮貌,
但好多都只係做出黎...~
d鬼妹鬼仔,好多都係咁,明明一樣野唔係好靚,
甚至好唔掂...
佢地都會好奉承咁話:「it's awesome!」「I like that!」「it's so cute!」等等好好聽既說話...
(不過有某d時候佢地咁講係出於安慰成份既...~= =)
所以通常呢d人都會好受歡迎~= =...
或者呢d只係出於禮貌啦...~
但你要我好似佢地咁,明明唔鍾意都要厄人話鍾意,
明明個設計好普通都要話好特別,
明明唔靚都話靚...我真係做唔出...~
講不出聲講不~出聲...
所以通常有一個同學o係到話某個同學個d design好靚,
其他既就會附和,
而我永遠都係唔出聲戈個...~= =
我只會o係真係覺得戈個同學個design真係好戈陣先會講,
所以可能就係咁,比我班d人既印象不太好啦...~=.=
whatever啦,我唔想因為想d外國人鍾意我而變好似佢地咁...
我淨係想做番我自己,
我相信唔係淨係虛偽既人先有朋友!
我相信會有人識得欣賞我!
--------------------------------------------------------
我真係好掛住o係澳門既日子...
少d機心既人,
少d煩惱,
多d爛gag,
多d搞作~
多姿多采既生活~!
我離開左澳門咁耐,
除左功課上比d miss讚會開心下之外,
真係冇一次試過真真正正開心過....~
姐係i mean戈種開心,係除左功課,日常生活既開心野,
我想指既,
係戈種大癲大肺,同一大堆fd一齊癲笑搞爛gag咩煩惱都唔使諗既開心...
well,其實打哂出黎,
都舒服左好多~~
blog真係好有用ar~~!hahaha~XD
所以真係~...without blog我會崩潰~~=.=
所以平時好多煩惱既人~
當你諗唔到可以同邊個講既時候可以點?
打blog囉~!係咪先~~kaka~
--------------------------------------------------------
妖~!=.=我兩個表妹,
頭先過黎我地屋企睇恐怖片,
睇完要我地送佢地番屋企囉...~= =
大佬,
睇到成夜晚12點,
條街咁靜,送左佢地番去....咁我地點呀...~?=.=
不過最後都係屈服左~=.=算啦~!
--------------------------------------------------------
呢排番學都好順利~
d miss都幾滿意我~!
之前提過戈個法國老女人,
佢真正地記得我了!XD
因為今個week我交戈個功課好impress佢, kaka~
我知我未必係全班最好,
不過可以令佢impressed我覺得好開心~!XD
證明訓少d夜d食晚上少d網係好值得...kaka~~~
--------------------------------------------------------
我地canada呢邊,
黎緊有個fashion比賽, TELIO,
嬴左既人既作品會o係Montreal 既 2010 fashion week既fashon show到show出黎~!
仲會有少少獎學金~
係咪好吸引~??不過冇我份...
因為我o係要交作品比學校既日期前兩日先知道呢個比賽~
因為呢個比賽,
唔可以自己報,一定要先交作品比學校,
學校再揀7個代表去參加,
全個canada所有design school加加埋會揀300幾個去參加~
跟住TELIO會再foul~揀最後既25個作品入圍o係Montreal fashion week到show,
之後揀最後5名得獎者...~= =
全班都知呢個比賽,
得我一個唔知,
好搞笑,全班竟然一直都冇人向我提過呢個比賽,
係我聽到佢地講,我先問佢地,
先知有呢個比賽...~
之後我問Judy我可唔可以試下,(佢算係我地學校管理fashion art既女人)
佢話已經太遲了...
班上面有d人,
聽到個miss話我唔可以參加,
覺得好開心~
唉....................................
小佢耳仔!!!!!!!!
唔緊要丫~!你即管開心,
Lisa話我出年可以參加~!
就算比你今年有得參加又點,
你又未必嬴到既~!
我會等多年,出年要令到你地跌眼鏡~!
fighting fighting fighting!!!!
e+呢~~我唔會比自己火滾太耐,
因為我知如果我成日都火滾咁耐~
就等於迫我d腦細胞自殺,令佢地走投無路....
我仲要等d腦細胞幫我做野架ma~kaka~
所以腦細胞們,
我今後會好好對待你地~~
--------------------------------------------------------
唔打喇~要休息下,
d腦細胞都要休息喇~~haha~XD
