我個心好唔舒服...真係好唔舒服!!

岩岩睇完套"雙頭犬"(雙頭魔犬),

係一套日劇...

我一開頭睇到套劇個名,覺得唔會好睇~=.=

因為個名真係好怪= =...

但由於我呢排已經追劇追到冇劇好追,

所以就搵下仲有咩劇可以比我追,

咁睇到呢套野個簡介,好似幾有趣咁~!

就睇左一集睇下好冇睇...

一睇左就好有決心想追下去...

套野大概係講兩個男主角,

一個隻手一掂人,就可以將對方咩傷痛疾病都醫好,

但佢既心腸就好壞...

而另一個就係心腸好好,

但只要佢個腦入面一產生左憎恨對方,想對方死既念頭,

隻手一掂戈個人,戈個人就會即刻死...

就咁睇個簡介,

可能你會覺得好科幻,又係d厄人既戲~

但係睇左之後真係發覺呢套野帶出既意義好深遠...

人性之間既貪念, 自私...

一個扮演住壞人角色既好人...

擁有特殊能力既人內心既孤獨....

兩個男主角之間既牽拌...

會另你睇完一集想繼即刻睇下一集!

直到你知道哂你想知既野為止~!

頭先睇到最後一集....睇到最後...

個結局雖然唔係好慘...

但係唔知點解個心覺得好遺憾好唔舒服...

因為個結局唔係我想見到既野....

我覺得男主角真係好慘.... 

 

唔得喇...我要快要抽離套劇....

 

 ______________________________________

今日又知道左另一樣野,

係關於一個好朋友既野...

個心又係好唔舒服...~

不過呢種唔舒服,係好嬲既唔舒服!!

點解一個男仔,把口可以講好好愛一個人,

懶係做好多野咁去想留番佢o係你生邊...

但係就連真心挽留的說話都難得打,

直接o係第2到copy and paste一堆懶係真心既說話...

跟住o係上面改幾粒字咁~

真係好無言.....

 

 

o係到真係好想同你講一句,

別把女人看扁了!!

 

 ______________________________________

呢排都好輕鬆....有種冇哂煩惱自由自在既感覺~

但呢種感覺只能維持到1月之前...=.=

唉...!~.~

一諗起1月開始就會忙死就煩了...= =

 

 ______________________________________

越有能力既人,就會越多人想要利用...

所以越叻既人,其實越孤獨同寂寞...~

就好似CHANEL咁~一生都好光榮,

但o係佢人生入面又有幾多個人係真心對佢呢...

呢個道理都係睇雙頭犬明白到既其中一樣野~~

 

 ______________________________________

呢排都睇左好多套日劇,

其中一套係東京DOGS!!同雙頭犬一樣,

我一開始見到個名又係冇咩興趣想睇~=.=

因為個名比我既感覺唔好睇...= =~

但係一睇左第一集就覺得好好睇~

而個女主角比我既feel幾舒服~!好親切既感覺~又靚~XD

所以又係想一直追落去~XD

加上佢首主題曲真係好好聽~!

就係我個blog播緊既第一首歌~!

我不嬲都對日文歌冇咩興趣,

但如果一首歌好襯戈套日劇既feel,

而咁岩我又好鍾意睇戈套日劇~

我就會好鍾意聽戈首歌~XD haha~

 

 ______________________________________

除左呢套,

岩岩仲追完"我的乖乖女"呢套,

呢套又係好正~!

我最鍾意d劇既情節/劇本/選角好之餘,

每一集都可以帶比我唔同既道理~~

 

 

好似過得好hea咁~haha~XD

不過都係hea兩個星期姐...=.=

我要o係地獄式訓練既日子來到之前盡情hea~!= =