聽日~~強勢襲澳!
今晚凌晨2點半機~
姐係澳門時間7月5日下午5點半上機~
預計7月6日朝早7點會登陸香港!
大約中午12點~1點會登陸澳門~!XD
仲有16個鐘我就20歲了~0.0
時間過得真係快...
話咁快我就要踏入2字頭了...
我老喇...!
不過唔緊要,人老心不老,樣不老...
hahaha~~!
---------------------------------------
呢兩個星期都忙住做final project,
我件和服衰左了...
同我想人整出黎既野完全唔一樣...
真係對自己感到好失望好失望...唉..
不過另一科既final project,
我覺得自己做得幾好~!
不過因為尋日唔記得帶手提,
so影唔到~之後借左Alison部相機影~XD
遲d等佢sd番d相比我之後再post比你地睇~
and件和服既相post左o係facebook,
有興趣既可以去睇睇...= =
---------------------------------------
之前去Alison屋企做功課,
我整左hem肉芝士奄列比佢食~!
好開心~~佢話好好味~!XD
佢話本身佢戈排都冇乜胃口~
但係食完我整既奄列之後有番胃口~!
希望佢唔係安慰我既說話啦~!XDhaha~
and Alison屋企隻狗仔真係好搞笑囉~!=.=
超級奸!
佢好鍾意波波,所以佢有成堆波仔玩~
而d波波一定係佢搶番黎佢先會玩,
佢主人買比佢既佢就唔要!=.=
跟住我之前自己整左個熊仔頭,用黎吉住d大頭針,
因為個熊仔頭圓碌碌咁好似個波,
比佢見到,佢走埋黎"擔"走左我個熊仔頭!=.=
跟住我地係咁要佢放番低個熊仔頭,佢死都唔放=.=
最後aunti(Alison個男朋友既媽咪)要佢比番我,佢先好唔情願咁放番低個熊仔頭~= =
(因為佢好驚Aunti~
)
---------------------------------------
前日好危險,去Alison屋企途中,
戈條路好多大樹,行行下行到其中一棵格離,
戈棵樹其中一條粗樹幹突然斷左跌落黎...
好彩我戈陣係行緊行人路,唔係行馬路邊,
平時中午1點之後條街冇乜人,我會行馬路邊,
因為有條街d樹遮陰,d馬路邊通常都好陰,
如果我當時係行緊馬路邊,
我諗我唔會再有機會打blog...
因為我已經比條樹幹壓死左=.=...
真係...做人真係要好好珍惜e+所有既野~
因為你永遠唔知將來會發生咩事...
---------------------------------------
呢篇係我番澳門前o係溫哥華既最後一篇blog~!
希望順順利利番到澳門啦~~
唔好有咩差錯...
唔知點解每次踏飛機前一日,我都總係會有不祥既預感...=.=
唔打喇~
強勢回澳!XD
咁多位,
澳門見~~!
