小!!連續幾日都好炆....
屋企又係咁,msn又係咁,同d fd出去又係咁....
真係火都黎埋
不過都打打番呢幾日d野先~
因為我知打下打下就會下火...=.=
_______________________________
19號(星期日)--
晏就去左買幫花漾佢地整海報既材料~
之後去左ift到整左少少海報既野,
不過之後比個實Q趕我地走~=.=
因為我地有3個都唔係ift既學生,所以要收皮...=.=
---------------------------
之後同佢地去左食野~
佢地真係好婆媽囉~!=.=
決定去邊到食野都用左成半粒鐘!~.~
搞到係咁行黎行去~~= =
警告你地下再諗咁耐我.....
---------------------------
食完去左virgin屋企~
佢隻Manbo(virgin隻狗)真係超瘋狂=.=...!
我隻腳比佢抓左3行痕= =
同埋manbo真係...好咸濕....!=.=
不過佢真係好得意~XD d毛好滑好靚~~
因為係咁比佢纏住所以忘記左同佢影相~~
下次一定記得影~haha~!
---------------------------
唔...其實我真係冇變過=.=...
最多都係d爛gag差左~~
有人問點解我去完外國番黎怕醜左~
跟本就唔係,
識我耐d既都知其實我成日都唔知醜...
只不過太耐冇見~同你地又冇以前咁熟,
唔知講咩好,
你地先覺得我變左姐~
其實我覺得...
係你地突然將我當做"女仔"咁看待,
令我超級唔習慣咋...~=.=
或者有人覺得我打扮唔同左,
個樣都有d變左,
但其實我個心同性格一樣都係咁...男仔頭=.=
所以唔好突然當番我女仔咁看待啦,
我會覺得好唔自然好怪...= =
我都係習慣同你地稱兄道弟多d~hahaha~~XD
_______________________________
20號(星期一)--
朝早去左鏡湖洗耳~
因為前一日隻左耳突然聽唔到野咁,
個醫生超串咀囉!
而且仲洗到我隻左耳好Q痛,
我決定以後都唔會再睇呢個醫生!~.~
_______________________________
21號(星期二)--
晏就同家姐阿妹阿媽去左姨婆屋企~
同佢吹吹下水~
佢地屋企門口突然黎左隻不速之客(唔知有冇同錯詞語~.~)!XD
係一隻好得意既兔仔bb~!>.<
原來係我姨婆既鄰居養的!0.0
跟住我地偷偷抱左佢入屋~><!
好得意!!!
但係最後都係將佢還番比佢主人...
再見喇兔仔...有緣再見...!
---------------------------
跟住6點幾就去左高士德~
因為Sergio話比d睇日蝕用既鏡片我~!
真係好多謝你!
不過我白費左你既好心了...=.=
因為我第2日冇睇到日蝕...!
我真係好想睇架...!
不過個個都話太早...
而且唔知去邊到先睇到,
自己一個去又好似好傻仔咁...~.~
所以最後都係...冇去到= =...
希望有生之年可以再有機會睇到啦....
!
---------------------------
跟住去左Mandy屋企~
因為佢媽媽整左魚湯粉~~
叫哂我地成班以前玩開既上去佢屋企食~~
有Kar,Ivy,Virgin, Edward,Joe,George,Sampson~
Mandy~你媽媽d魚湯粉真係好正...!
有機會既真係想叫你媽媽教我...
之後我~virgin,virgin's bf, ivy joe上左Kar屋企~
佢地本身話想打mj~不過咁岩kar d親戚o係canada番黎~
唔打得~=.=我地齋吹水~吹到12點就番home了~
---------------------------
或者我戈日真係做得太出面啦...
冇理到你感受...
但你知我份人就係諗到咩就做咩,
同埋我戈日真係好無奈囉!
點解次次約親你佢都係咁打比你wo...!~.~
好似係咁催你走咁~!
想同你聚下舊聚耐d都唔得~
以我咁既性格肯定會好不爽!
不過呢幾日都諗通左~
佢對你好就得啦~
或者係我咁多年黎都太依賴你了...
有時我都會覺得做親你bf既人都幾慘...
因為成日都比我唔鍾意比我挑剔
..
但係~我地都大個架喇ma~!
唔可以成日依賴你,
你開心,你幸福就得喇~~
_______________________________
22號(星期3)--
成日都留o係屋企到~
整花漾既海報~
_______________________________
23號(星期4)--
都係係咁整海報~
跟住唔夠材料~
出左去買材料~
去完致富買材料就搭巴士番屋企~
o係25號巴士上...有點嚇親~=.=
點解我成日都係好樣衰/個頭好Q/做緊d低能野/著衫著得好求其/好憔悴 戈陣先比認得我既人見到....
that's why我次次比人既第一印象都係咁白痴..
咁就一世喇... 天呀...
____________________________________
24號..姐係今日呢~~
一起身又整海報,
整到晏就4點就完工了~!
跟住4點9到阿豪就黎左拎份海報走,
份海報o係臨上的士既時候唔小心撞斷左一忽...!
我想喊呀...!竟然斷左...
難怪啊~!我今日成日都有不祥既預感...!
原來係咁...!
算啦,等我有心情既時候先痴番佢....
_______________________________
to C:
(以下內容為有戈句講戈句,
我份人係咁,想講咩就講,
你不爽既可以click一click加上角既x, 唔睇)
第一,
我始終覺得~一個人做左好事,
係唔需要次次都咁刻意去講,
你咁樣只會令我覺得你好造作,
好hard sell自己,
一個人如果真係有優點既,
身邊既人自然會留意到,
我身邊既朋友,都唔會做左好野突登講我知,
佢地既優點都係我用時間自己去留意佢地~
我想留意一個人戈陣,
我自然會去留意~
我無意去留意一個人戈陣,
但呢個人就成日講自己d好野,
仲要係咁要我專登都留意佢咁...
我只會覺得越黎越反感!
第二,
你唔需要下下講你有幾慘,
有幾唔開心,有幾想喊比我知,
因為我對你冇好感,
而且我最討厭d人咁刻意去講自己有幾好~
做左咩好野~
佢有幾慘有幾慘~
你淨係講你屋企d野,
已經講過3次以上,
次次都講番差唔多既野,
唔該你清醒d啦!你以為全世界你係最慘?
非洲幾多小朋友冇飯食!
中國內地幾多人冇書讀!!
成日淨識提起過去d唔開心既野!
你估得你一個有痛苦既過去!?
人地既過去你全部都知!?
成日講自己有幾唔開心有幾慘幾慘有幾唔好彩,
我只會覺得你博同情!
最憎d人咁!成日淨識埋怨自己既過去!
做人進步少少啦!你咁樣做人永遠都唔會開心!
第三,
我對於有n個契妹/契家姐/契阿哥/契細佬/契乜契乜既人好反感...
我都唔明點解成日都契成一堆親戚咁,
真係好反感!
契一兩個都正常,
n個就真係極度超級反感...!
好朋友咪好朋友,無啦啦契成堆阿妹阿哥做乜姐?
真係唔明d人咩心態...~
或者我咁講會得罪某d人~
但當你大個左,
你就會明白點解我會咁講...
觀點與角度不同啦...
最後
我一世都唔可能係你既女朋友對象,
我根本唔適合你!
你需要既係一個會溫柔~會支持你~會成日肯聽你埋怨自己既過去~會以你為第一~會一讀完書就肯同你結婚~同你組織一個家庭既人~
而我絕對唔會係一個咁既人~
我睇事業睇得好重~
要我一讀完書就結婚?
冇可能,
我一日事業未有成,
一日都唔會想結婚~
我既理想太難,但係我放棄唔到..!
我唔識溫柔,
又好憎人成日講自己有幾慘有幾慘.
你自己分析下~我根本同你想像既相反~
而你亦都唔會適合我!
我需要既係一個做左好事唔會刻意講出黎,
唔會成日hard sell自己...
會理我感受...
會唔介意我有遠大既理想,
唔會口花,
唔會令我覺得煩...
會令我覺得佢同其他人唔同既人...
你唔會一個咁既人.
所以我地係冇可能,
e+唔會,以後都唔會,一世都唔會..
同埋我不嬲都唔信咩一見鍾情,
兩年前你之所以會留意到我,
只不過係因為我戈陣比賽要上台所以冇戴眼鏡化左妝,
如果我戈陣冇化妝,帶住副咁既粗框眼鏡,
你會留意到我咩?
討厭d人咁睇樣...!
成日迫我做衰人!!
你嬴哂e+!成個澳門都係你既!
你最慘囉!我最衰囉!!
小!!
講完,舒服哂...
唔打喇~!
