仲有x個小時就要走了~
個summer咁就完左~...= =
雖然真係好唔想好唔想走...
但係唔可以唔走~=.=
post番呢10日既相先~
-----------------------------------------
8月11日同yw友+聖心友去bbq~
最後都係b到...
開心~!
當然戈日都有打波~!XD
不過我真係屎波左好多~hahaha~
(其實不嬲都咁屎波~=.=)
bbq完我地上左billy屋企打mj~睇電視~
總結就係~咁耐冇見大家~見番大家真係開心~!
Ivans好似瘦左~eldon高左~billy同albert都肥左~XD haha~
-----------------------------------------
跟住13號同ivy去左行街~食左好耐都冇食既夾餅同埋雞蛋仔~!
跟住就去左e.skimo食野~joe之後都黎左~
跟住我地都各自番home食飯~
食完飯8點幾9點到又上左Billy屋企到打mj~XD
仲食左強記d咖哩乜丸物丸~
我發現強記d咖哩已經冇以前咁好食了~=.=..
仲有就係...我食左舖清一色...
唔知Joe定Ivy:「陣間人地以為你前世未食過清一色~= =」
好話喇~!我就係第一次食清一色~
所以要影黎留念~ 
Billy屋企隻狗好搞笑~!唔鍾意望鏡頭~=.=
點解我覺得佢搞笑呢?
係因為唔知點解佢咁勁知道鏡頭o係邊~
仲要我只係用手提影咋wo!=.=
打到點幾兩點我+joe+ivy就番屋企~
點知落超級無敵勁大雨..~= =
有傘=冇傘=.=...
全身淋濕哂咁制~
-----------------------------------------
14號同virgin去左睇<<羅密歐>>~
係慈人友作做既戲劇~~!
幾好睇~~!
不過我覺得有d part好似長左dd~=.=
但整體我都覺得幾好~kaka~XD
完場走戈陣仲買左佢地頂帽~
"We have a dream!"
之後約左我地"熱浪"既隊員去e.skimo飲野~~
好耐冇見ww狗喇~!
瘦左又靚左~
之後1點多到就番home了~
始終世界會變~天氣會變~雲會變~頭髮會變~小強會變~螞蟻會變.............
所以人都會變~
雖然感覺怪怪地~但我會慢慢去接受~
-----------------------------------------
15號番左大陸探親~
約埋Reeve一齊番~
因為我地番既地方都一樣係中山~=.=
番到去都冇咩做~幫我家姐搵佢想買既野~
仲有同我姪仔(兩歲)玩下咁啦~XD
16號晚就番番Macau,
多謝Reeve請我食雙皮奶啦~kaka~
-----------------------------------------
17號晚去左virgin屋企食飯~~
佢mama真係~...=.=
買左超級多好送!=.=
有我超鍾意食既薑蔥蟹~~蒜蓉蝦~!><
仲有花螺~醉鴿(第一次食~超好味~!)
仲有雞...等等~!
Virgin媽對我真係好~!
希望下次番黎食到佢親手煮既薑蔥蟹...!><
and Virgin隻狗~Manbo~真係超級活躍!=.=
我隻腳又比佢抓花哂~= =
好唔乖~...=.=但又好得意~!XD
點忍心鬧佢??
呢個post真係好搞笑~kaka~
食完飯又去左billy到打mj~
今次有ivy,joe,carmen同leen,
順帶一提~我地打mj係唔賭錢架~純粹玩下~
唔好以為我好爛賭...
不過今次我冇打~
因為Billy mama太好客~!=.=
佢囉左幾隻恐怖核突血腥DVD出黎比我同Carmen睇...!
我地揀左睇"28weeks之後"~
好正啊~!好睇~!強力推薦!!!
人生之中最大既引誘除左食野/打波/fashion show/唱k之外...
就係血腥片~
之後12點到我地就散band~~
等bus途中~
ivy應該係太眼訓既關係所以係到自high~=.=
-----------------------------------------
18號...係我二伯生日~
中午去左筷子基買西餅拎去佢屋企~~
坐左一陣就番home沖涼洗頭~
夜晚就同老豆阿媽~二伯二伯娘去食泰國菜~
好好食好正~!
真係好幸福!
-----------------------------------------
行去狗場對面戈陣..
見到路邊有個好熟悉既背影...
我知,一睇個背面我就知~!我知呢個一定係佢!
一個已經好耐冇見,遺忘左好耐既人~
一個令我改變左好多既人~
一個5年前曾經令我愛上田徑既人~
一個曾經令我好努力練跑步想追上佢進度既人~
一個我曾經好鍾意佢既人!
行過左之後,令番轉頭睇~
想confirm係咪真係佢,
真係佢黎..我都話我知架啦....~
雖然好驚比佢見到我,
但係我發現...
再次見番佢,
已經再冇心跳加速既感覺~
唔..我對自己感到好滿意~!
-----------------------------------------
9點幾到就去左皇朝搵virgin~
之後一齊去Luxe唱K~~
今次都係同theatresports d人唱~
除左有慈人同我地熱浪~仲有其他team既人~XD
同番好耐冇見既bobo~!
高左又靚左~!
你就開心啦~成日飛黎飛去去旅行~!><
好羨慕!=.=
唔~=.=唱到2點幾到~
有人wing左~o係到發狂!=.=
我都係第一次見到咁既情況...
有d嚇親~= =
不過算啦~~每個人都會有心事~
識得發洩下個人先會健康!
跟住大邦就車左我同virgin番home,Thanks大邦!!
中途有交警~=.=
好彩大邦飲得好少~
唔係既話我地都會內疚~!= =
-----------------------------------------
19號~冇咩野做...
晏就出去幫我家姐買野~
但又搵唔到~ = =
之後同ivy去飲野~吹下水咁~
因為佢話想見我最後一面wo~kaka~
之後陪佢等bus戈陣見到Ryoji~
ivy上左車之後我就搭bus番屋企~
番到屋企樓下條樓梯到等Reeve~
佢送左個鏡盒比我~
都幾靚~幾特別~
我幾鍾意~XD(除左鏡盒上面d細細粒既心心之外...=.=
如果d心心消失哂就好~= =
不過好彩d心心好細粒唔覺眼~haha~
如果唔係既話我一定不能接受...=.=)
雖然我平時出街都唔會用鏡...= =不過多謝你啦~
我會擺好佢~好好咁保管~XD
-----------------------------------------
今日就好早起左身~
之後去買船飛~
e+就係8月20號下午3點鐘~~
打埋呢篇blog~食埋晚飯~就要去碼頭了~
今次我冇向任何人公開我搭幾點船~(冇記錯既話...=.=)
因為我覺得...送君千里...終須一別~!
唔好掛住我,但我會掛住你地~haha~
出年..或者再下年再見啦~!XD
byebyes~~
