話左唔上QOOS既我最後都係上番QOOS~= =
因為其他論壇真係吹唔到水...
同D人真係夾唔到咀型= =
好似D離家出走既小孩番番屋企...
搞笑..我離開左QOOS戈幾日,冒認我既人都唔見哂~
前日一番番QOOS,
我d冒牌又出現番~
果然係同一個人,
開N個ACC冒認我之後又開TOPIC屈我自編自導自演~
今日有個直頭個ACC名同我一模一樣~
仲要大條道理咁覺得自己咁做好岩~
OK~
你咁鍾意玩野咪玩飽佢~
無非都係想玩死我姐~
不過我同你講我冇咁易比你玩死~
既然你咁中2將自己既快樂建立o係人地既痛苦上面我都冇辦法,
好似你呢d玩人多過比人玩既人又回會明白比人玩既感受~
唔好再同我發表你d偉論,
跟本就打橫黎講..
你係要玩到咁大我都冇辦法~
真係煩,屋企又煩學校又煩QOOS又煩乜實都煩.....
------------------------------------------------------
究竟我既存在有咩意義?
QOOS咁多人冒認我,
就算少左我一個都唔會有人發覺..
學校...
我又唔係最有天分戈個,
班上面少左我一個都冇咩所謂了...
屋企更加唔使講了~
我讀書又冇家姐咁叻...
朋友,
我都唔o係澳門落,
有沒有我都沒差...
部死人macbook個WINDOWS又無啦啦上唔到網,
搞到我打親BLOG都好Q麻煩!
我承認自己真係太依賴Qoos了~
因為黎左呢邊之後真係好難識到fd...
跟本就冇人可以陪到我傾計~= =
所以我先會成日上Qoos同人傾計,
希望可以過得冇咁寂寞...
好似將所有野都寄託o係Qoos到...
但係我真係唔明自己衰咩,
點解D人咁鍾意囉我黎玩...
唔通真係衰樣衰?
唔好咁啦,我都唔想,又唔係我要己樣衰既~
最多大個D搵到錢戈陣去整容囉,得未~
真係好煩啊...點解做人可以咁很煩?
可能我做人真係太認真啦~
個個都叫我唔好咁認真...
但係識我耐d既都知我份人不嬲做親咩都好易好認真~
而且我太容易對一樣野有感情同歸屬感~
玩左Qoos咁耐,
一時間你叫我玩玩下算,點玩玩下?
就好似讀YW咁~雖然只係讀左4個月,
但係我對呢間學校都可以有歸屬感,
有懷念既感覺~
開始唔知自己想講咩了...
淨係覺得好煩,好很煩....
我諗我需要D時間去冷靜下....
盧X媛我好掛住你
以前一唔開心都可以即刻打比你同你講,
o係呢邊咩都要收收埋埋真係好辛苦..
----------------------------------------
唔可以咁灰架我...
我要開心啊!
今日番屋企戈陣本來真係幾開心...
我仲狂o係到扮Model影相(我知咁做好低能...)
點知一上Qoos見到又多左個真到無倫既冒牌真係咩心情都冇Q哂...
附上扮Model影既相~
我覺得呢張個pose最型~
仲影到我好高,睇落有16Xcm咁~
不過因為仲未買到手提所以仍然係用CAM影,所以質素仍然差..
e+風頭火勢,所以廢事Show個樣出黎,
免得比人起底
特登淨係showt對眼
呢件褸著到我超瘦,哈哈~XD
呢個POST粗魯左D,
不過其實我主要都係想SHOW我頂新帽~XD
我家姐幫我買的,
雖然都係未買到我最想要戈款,
不過我都幾鍾意~
仍然粗魯中~
下面呢張唔好嚇親WO~XD
唔知點解呢張改完圖之後好膠feel~
同埋今次呢批因為自己懶,
唔係用illustrator畫,
求其用photoshop畫~= =
所以畫到d質素好差=.=...
呢張尋日影既~
我覺得影到我好型好man~
死啦,我發覺我都幾變態,
玩完改圖之後唔知點解心情好靚=.=....
----------------------------------------
再post埋我幅女神2號先,
上一次戈幅失敗左,
所以我又畫多幅~XD
暫時我聽到既意見就係佢個上圍大得制,
個身同個頭唔協調,
隻手好怪,光暗不足,
個樣好似狐狸精...
對眼唔對稱,
等等~=.=
姐係我又失敗左~= =
點解呢個個上圍咁大...
係因為上一次戈個好多人都話佢平得制,
咁我今次咪畫大D囉~=.=
點知d男仔又話大得制...
乜你地D男仔咁高要求架!~.~
----------------------------------------
講第2樣,
to 那個誰:
唔好以為自己條件比人好少少就大條道理咁睇樣,
唔好以為自己生得帥少少, 高少少, 比人地有錢, 比人地家底好, 比人地叻,
就可以講d傷害人自尊心既野..= =
唔好下下都用埋哂d令人接受唔到既藉口黎掩飾自己做錯過既野,,
牛唔飲水唔禁得牛頭低,
唔好以為自己外型比人好少少就可以亂咁比錯覺人,
講埋哂d會令人胡思亂想令人誤會既野,
唔好成日講埋哂d懶係關心人既野,
總之我覺得你呢種人我呢世都唔會對你好感,
咪又係同某d男仔一樣咁睇樣~有咩分別?
我唔會認同你架!
To某人:
唔該你清醒d啦,
唔好見人地d條件符合哂你腦裡入面構造出黎戈個dream man,
就比人洗哂腦咁啦!
見你係咁幫佢講好說話,
講到佢好似無人能及(o係澳門入面)戈陣我真係又無奈又擔心…
以前讀中學戈陣你都唔會比d咁既說話影響..
有樣野你明明曾經講過你唔認同d人咁做,
但係e+話要咁做戈個竟然係你=.=
我真係估唔到呢句說話會由你口中講出黎,
乜佢真係對你咁大影響咩?
每次唔開心打BLOG,
打到最後我都會正常番~= =
所以, I can't live without blog~
唔打了,BYEBYE~XD
