話說今朝早6點幾,
我發發下夢,
感到隻眼被硬物撞擊~ 
之後就醒左,
原來係我家姐訓訓下成個手踭批埋黎我隻右眼到...
我將佢隻手推開左之後,諗住繼續訓~
點解隻右眼開始好痛,
痛到天崩地裂...地動天搖,
流眼水流到就黎水浸咁...
跟住咪唯有起身,
去照下鏡睇下有冇事~
點知我隻眼開始痛到張唔開,
我活左19年,都未曾試過隻眼痛成咁!
我家姐仲o係到話唔關佢事~
話:「d人打交比人打左隻眼一拳都唔會咁啦!」
妖,你見過真人打交喇咩,你又知人地唔會!?
電視劇戈d野厄你架咋!
-------------------------------------------
一直到12點幾都仲係咁痛,(其實係越黎越痛...)
d眼水無休止咁流..好似就黎變人干~= =
戈一刻真係好驚自己隻右眼會唔會就咁成世都張唔開...=.=
so我朝早戈堂冇番學~
跟住有人比說話我聽囉...
話我誇張得制,少少野就好似好嚴重咁...
戈陣真係好想爆粗!
妖,試下我好大力咁對你隻眼批踭丫~!
比人批戈個又唔係你!
你又點會明白有幾痛!
跟住我就自己包住隻右眼~= =
晏就去番學~
番到去Concerda(我個miss)見到我隻眼咁,
就叫Ho Chi陪我去校醫到睇下,
點知校醫今日放假,
最搞笑既係佢一個星期有6日都係放假架囉...=.=
仲帖住張紙話逢星期一先有校醫o係到...~ 
呢樣係我2009年遇到最無奈既一年事..
跟住個"實Q"就過黎幫我檢查下隻眼,
Lisa(我另一個miss)見到我又陪埋我一齊睇~=.=
個實Q好勁!
佢一摸我隻眼,
就話(英文):
「我摸到你隻眼呢到swollen左,你一定係比野撞或者比人打到咁~」
我:「係!=.=你中左!我今朝起身比我家姐成個elbow批埋黎= =」
佢:「ya, 我就知道你一定係比人撞/打過黎」
我:「所以我唔鍾意同人一齊訓=.=」
佢:「下次唔好再同佢一齊訓喇~haha~」
跟住呢個檢查就o係「hahaha~」中結束....
乜呢邊d實Q咁勁!=.=~
連呢D野都識~
跟住佢就幫我包過隻眼,
佢包到好大舊好誇張=.=
我連眼鏡都戴唔到....= =~
跟住佢叫我要盡快睇醫生,因為佢懷疑我隻眼發左炎,
-------------------------------------------
番到課室 miss就叫我即刻去睇醫生先再番黎上堂,
Alpha好好人, 話佢可以車我去,
Alison驚我唔夠錢比醫藥費又借左d錢比我先~
(因為o係canada冇醫療保護睇醫生好貴,
貴到無倫= =我身上又冇咁多錢~)
跟住我地就去St.Paul hospital到,
點知戈到個staff話今日眼科冇醫生就診...
戈一刻我就o係到諗:「唔通個天都想我盲...?」
跟住咪去急症到求援,
點知佢話冇買醫療保險既話睇一次無論你有冇事都好都要$360蚊加幣..
無錯,係加幣...姐係大約2千1港紙...
$2100港紙?
我同Alpha聽到都呆左
之後就唯有走~= =
白行一趟~
跟住就番番學校lu~= =
-------------------------------------------
o係呢年事上面,我終於感覺到Concerda(我miss)溫柔既一面,
因為佢今日真係好關心我~
亦都好多謝alison同埋Ho Chi咁緊張我~XD 
同埋多謝Alpha車我去醫院~
幾驚累到Alpha會車唔切條裙,
好彩佢真係車得好快~唔係我會內疚...
不過我自己就真係車唔切條裙...
因為我部車衣機太快,
我又因為隻眼包得太大舊戴唔到眼鏡睇唔清~=.=
成日車過龍又要拆過哂d線再車過...~
仲唔小心整親隻手指,今日真係好黑仔囉~
不過e+隻眼已經唔係好痛了~
應該冇事掛~0.0
-------------------------------------------
番到屋企即刻自拍番張今日個樣
真係包到好大舊~
尋晚無聊又影隻熊
乖啊乖啊~
-------------------------------------------
盲既感覺原來真係好得人驚~
今日隻右眼痛左成半,半日都痛到開唔到眼,
戈陣真係好驚隻眼會有事,
我會就此盲掉了一隻眼...
隻眼流出黎既其實唔止因為痛而流既眼水,
仲有因為恐懼而產生既眼淚...
一隻眼就已經咁得人驚,
我諗戈d無啦啦雙目失明既人既恐懼,
一定比我更加驚好多,好多倍...~
今日單眼睇野睇左成日,
真係好攰,好辛苦~
眼睛真係好重要~
希望你地都好好珍惜自己既一雙眼~
-------------------------------------------
唔記得左講,前幾日自己剪左頭髮~=.=
因為d頭髮真係太長,好麻煩~= =
剪之前既長度,
(del)
剪完既長度~~(其實已經係第2日黎 = =)
(del)
整張串樣~
(del)
and唔知點解,
我都係鍾意戴眼鏡多d~0.0
-------------------------------------------
其實仲有好多野想講,
不過我好攰~= =
尤其係隻眼~=.=
都係聽日先再打啦~byebyes~
其實剪短左12~15cm~XD
雖然睇落唔係短好多,
不過剪戈陣唔知點解有d心痛...=.=
